ਬੰਗਲੁਰੂ: ਬੰਗਲੁਰੂ ਦੇ ਵਿਦਿਆਰਥੀਆਂ ਦੀ ਟੀਮ ਨੇ ਇੱਕ ਪੋਰਟੇਬਲ ਮਸ਼ੀਨ ਬਣਾਈ ਹੈ, ਜੋ ਬਹੁਤ ਹੀ ਕੁਸ਼ਲਤਾ ਨਾਲ ਪਲਾਸਟਿਕ ਬੈਗਾਂ ਨੂੰ ਇਕੱਠਾ ਕਰ ਲੈਂਦੀ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਹ ਮਸ਼ੀਨ ਬਹੁਤ ਘੱਟ ਕੀਮਤ 'ਤੇ ਬਣਾਈ ਗਈ ਹੈ।
ਹਾਲ ਹੀ 'ਚ ਸਾਹਮਣੇ ਆਏ ਫਿਕੀ ਦੇ ਅਨੁਮਾਨਾਂ ਅਨੁਸਾਰ, ਭਾਰਤ 'ਚ ਪ੍ਰਤੀ ਵਿਅਕਤੀ ਪਲਾਸਟਿਕ ਦੀ ਖਪਤ 2017 'ਚ 11 ਕਿਲੋਗ੍ਰਾਮ ਪ੍ਰਤੀ ਸਾਲ ਸੀ, ਜੋ ਸਾਲ 2022 ਤੱਕ ਵਧ ਕੇ 20 ਕਿਲੋ ਪ੍ਰਤੀ ਸਾਲ ਹੋ ਜਾਵੇਗੀ। ਸਪੱਸ਼ਟ ਤੌਰ 'ਤੇ ਪਲਾਸਟਿਕ ਦੀ ਇਹ ਵੱਧ ਰਹੀ ਰਹਿੰਦ-ਖੂੰਹਦ ਧਰਤੀ, ਦਰਿਆਵਾਂ ਅਤੇ ਸਮੁੰਦਰੀ ਜੀਵਨ ਨੂੰ ਖਤਰੇ 'ਚ ਪਾਉਂਦਾ ਹੈ।
ਇਹ ਮਸ਼ੀਨ ਤਾਮਿਲਨਾਡੂ ਦੇ ਸੇਲਮ ਦੇ ਇੱਕ ਕਾਲਜ ਦੇ ਅੰਤਿਮ ਸਾਲ ਦੇ 6 ਇੰਜੀਨੀਅਰਿੰਗ ਵਿਦਿਆਰਥੀਆਂ ਦੁਆਰਾ ਬਣਾਈ ਗਈ ਹੈ। ਇਸ ਸਮੇਂ ਇਸ ਦੀ ਮਿਊਂਸੀਪਲ ਸੀਮਾ ਦੀਆਂ ਸੜਕਾਂ 'ਤੇ ਪਰੀਖਣ ਕੀਤਾ ਜਾ ਰਿਹਾ ਹੈ।