ਐਲਜੀ ਸੀਈਐਸ 2021 ’ਚ ਵਰਚੂਅਲ ਹਿਊਮਨ ਨੂੰ ਬਤੌਰ ਸਪੀਕਰ ਪੇਸ਼ ਕਰੇਗੀ

ਇਲੈਕਟ੍ਰਾਨਿਕਸ ਨਿਰਮਾਤਾ ਨੇ ਕਿਹਾ ਕਿ ਅਗਲੇ ਹਫ਼ਤੇ ਆਯੋਜਿਤ ਹੋਣ ਵਾਲਾ ਕੰਜ਼ਿਊਮਰ ਇਲੈਕਟ੍ਰਾਨਿਕਸ ਸ਼ੋਅ (ਸੀਈਐਸ) ’ਚ ਉਨ੍ਹਾਂ ਦੁਆਰਾ ਸਪੀਕਰ ਦੇ ਰੂਪ ’ਚ ਇੱਕ ਵਰਚੂਅਲ ਹਿਊਮਨ ਨੂੰ ਪੇਸ਼ ਕੀਤਾ ਜਾਵੇਗਾ। ਐਲਜੀ ਦਾ ਅਜਿਹਾ ਕਰਨ ਦਾ ਮਕਸਦ, ਦੁਨੀਆਂ ਨੂੰ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏਆਈ) ਦੇ ਰੂਬਰੂ ਕਰਵਾਉਣਾ ਹੈ। ਐਲਜੀ ਨੇ ਇਸ ਵਰਚੂਅਲ ਇਨਸਾਨ ਨੂੰ ਇੱਕ 23 ਸਾਲਾਂ ਮਹਿਲਾ ਮਿਊਜੀਸ਼ੀਅਨ ਦੇ ਤੌਰ ’ਤੇ ਡਿਜ਼ਾਇਨ ਕੀਤਾ ਹੈ। ਐਲਜੀ ਨੇ ਕਿਹਾ ਕਿ ਵਰਚੂਅਲ ਹਿਊਮਨ ਦੇ ਰਿਐਹ ਨਾਂਅ ਦਾ ਭਾਵ 'ਭਵਿੱਖ ਦਾ ਬੱਚਾ' ਹੈ।

ਸਿਓਲ: ਦੱਖਣੀ ਕੋਰੀਆ ਦੀ ਤਕਨੀਕੀ ਦਿੱਗਜ਼ ਕੰਪਨੀ ਐਲਜੀ ਨੇ ਕਿਹਾ ਹੈ ਕਿ ਇਸ ਆਰਟੀਫੀਸ਼ੀਅਲ ਹਿਊਮਨ ਦਾ ਨਾਂਅ 'ਰਿਐਹ ਕੀਮ' ਹੈ, ਜਿਸ ਦੁਆਰਾ ਸੋਮਵਾਰ ਨੂੰ ਡਿਜ਼ੀਟਲ ਆਯੋਜਿਤ ਹੋ ਰਹੇ ਪ੍ਰੋਗਰਾਮ ਸੀਈਐਸ ਦੌਰਾਨ ਕੰਪਨੀ ਦੇ ਪ੍ਰੈਸ-ਇਵੈਂਟ ਦੌਰਾਨ ਤਿੰਨ ਮਿੰਟ ਦੀ ਇੱਕ ਪੇਸ਼ਕਾਰੀ ਕੀਤੀ ਜਾਵੇਗੀ।

ਐਲਜੀ ਨੇ ਇਸ ਵਰਚੂਅਲ ਇਨਸਾਨ ਨੂੰ ਇੱਕ ਸਾਲਾਂ ਮਹਿਲਾ ਮਿਊਜੀਸ਼ੀਅਨ ਦੇ ਤੌਰ ’ਤੇ ਡਿਜ਼ਾਇਨ ਕੀਤਾ ਗਿਆ ਹੈ। ਯੋਨਹਾਪ ਸਮਾਚਾਰ ਏਜੰਸੀ ਮੁਤਾਬਕ, ਇੰਸਟਾਗ੍ਰਾਮ ’ਤੇ ਇਸ ਦੇ ਹੁਣ ਤੋਂ ਹੀ 5,000 ਤੋਂ ਜ਼ਿਆਦਾ ਫਾਲੋਅਰਜ਼ ਹੋ ਗਏ ਹਨ।

ਐਲਜੀ ਨੇ ਕਿਹਾ ਇਸ ਵਰਚੂਅਲ ਹਿਊਮਨ ਦੇ ਨਾਮ 'ਰਿਐਹ' ਦਾ ਭਾਵ 'ਭਵਿੱਖ ਦਾ ਬੱਚਾ' ਹੈ। ਹਾਲਾਂਕਿ ਕਿ ਕੰਪਨੀ ਨੇ ਹਾਲੇ ਅਜਿਹਾ ਸਪੱਸ਼ਟ ਨਹੀ ਕੀਤਾ ਹੈ ਕਿ ਇਸ ਸ਼ੋਅ ਦੌਰਾਨ ਰਿਐਹ ਕੁਝ ਬੋਲੇਗੀ ਜਾਂ ਨਹੀਂ ਅਤੇ ਕੰਪਨੀ ਕਿਸ ਤਰ੍ਹਾਂ ਆਪਣਾ ਆਧੁਨਿਕ ਏਆਈ ਸਿਸਟਮ ਦਾ ਇਸਤੇਮਾਲ ਕਰੇਗੀ। ਪਰ, ਇਸ ਗੱਲ ਦੀ ਜਾਣਕਾਰੀ ਪ੍ਰਾਪਤ ਹੋਈ ਹੈ ਕਿ ਰਿਐਹ ਕੀਮ ਸ਼ੋਅ ਦੌਰਾਨ ਲੋਕਾਂ ਨਾਲ ਕੋਈ ਗੱਲਬਾਤ ਨਹੀਂ ਕਰੇਗੀ।

ਇਨਪੁੱਟ-ਆਈਏਐਨਐਸ