Fire-Boltt ਨੇ ਆਪਣੀਆਂ ਦੋ ਨਵੀਆਂ ਸਮਾਰਟਵਾਚਾਂ ਕੀਤੀਆਂ ਲਾਂਚ, ਜਾਣੋ ਕੀਮਤ

Fire-Boltt Xelor and Jewel Launch: Fire-Boltt ਨੇ ਆਪਣੀਆਂ ਦੋ ਨਵੀਆਂ ਸਮਾਰਟਵਾਚਾਂ Fire-Boltt Xelor ਅਤੇ Jewel ਨੂੰ ਲਾਂਚ ਕਰ ਦਿੱਤਾ ਹੈ। Xelor ਦੀ ਕੀਮਤ 2,999 ਰੁਪਏ ਹੈ ਜਦਕਿ Jewel ਦੀ ਕੀਮਤ 3,999 ਰੁਪਏ ਹੈ।

ਹੈਦਰਾਬਾਦ: Fire-Boltt ਤੇਜ਼ੀ ਨਾਲ ਆਪਣਾ ਕਾਰੋਬਾਰ ਵਧਾ ਰਿਹਾ ਹੈ। ਹਾਲ ਹੀ 'ਚ ਕੰਪਨੀ ਨੇ Fire-Boltt Diamond ਨੂੰ ਲਾਂਚ ਕੀਤਾ ਸੀ ਅਤੇ ਹੁਣ ਕੰਪਨੀ ਨੇ ਆਪਣੀਆਂ ਦੋ ਨਵੀਆਂ ਸਮਾਰਟਵਾਚਾਂ Fire-Boltt Xelor ਅਤੇ Jewel ਨੂੰ ਲਾਂਚ ਕਰ ਦਿੱਤਾ ਹੈ। ਦੋਨੋਂ ਹੀ ਸਮਾਰਟਵਾਚਾਂ ਦੀ ਕੀਮਤ ਬਜਟ 'ਚ ਹੈ।

Fire-Boltt Xelor ਅਤੇ Jewel ਸਮਾਰਟਵਾਚ ਦੇ ਫੀਚਰਸ:Xelor ਸਮਾਰਟਵਾਚ 'ਚ 1.78 ਇੰਚ ਦੀ AMOLED ਡਿਸਪਲੇ ਦਿੱਤੀ ਗਈ ਜਦਕਿ Jewel 'ਚ 1.85 ਇੰਚ ਦੀ ਵੱਡੀ HD IPS ਡਿਸਪਲੇ ਦਿੱਤੀ ਗਈ ਹੈ। ਦੋਨੋ ਹੀ ਮਾਡਲ ਬਲੂਟੁੱਥ ਕਾਲਿੰਗ ਸਪੋਰਟ ਦੇ ਨਾਲ ਆਉਦੇ ਹਨ। ਕਾਲਿੰਗ ਲਈ ਇਸ 'ਚ ਇਨ-ਬਿਲਟ ਮਾਈਕ੍ਰੋਫੋਨ ਅਤੇ ਸਪੀਕਰ ਮਿਲਦਾ ਹੈ। ਇਸਦੇ ਨਾਲ ਹੀ ਦੋਨੋ ਸਮਾਰਟਵਾਚਾਂ 'ਚ ਵਾਈਸ Assistant ਦਾ ਸਪੋਰਟ ਵੀ ਮਿਲਦਾ ਹੈ। ਇਨ੍ਹਾਂ ਸਮਾਰਟਵਾਚਾਂ 'ਚ ਕਈ ਸਾਰੇ ਹੈਲਥ ਨਾਲ ਜੁੜੇ ਫੀਚਰਸ ਵੀ ਦਿੱਤੇ ਗਏ ਹਨ। ਇਸ 'ਚ ਰੇਟ ਮਾਨੀਟਰਿੰਗ, SpO2 ਟ੍ਰੈਕਿੰਗ, ਸਲੀਪ ਮਾਨੀਟਰਿੰਗ ਅਤੇ ਔਰਤਾਂ ਦੇ ਪੀਰੀਅਡ ਟ੍ਰੈਕਰ ਸ਼ਾਮਲ ਹਨ। ਇਹ ਸਮਾਰਟਵਾਚ 120+ਸਪੋਰਟਸ ਮੋਡ, ਸਮਾਰਟ ਨੋਟੀਫਿਕੇਸ਼ਨ ਸਪੋਰਟ ਦੇ ਨਾਲ ਆਉਦੀ ਹੈ।

Fire-Boltt Xelor ਅਤੇ Jewel ਸਮਾਰਟਵਾਚ ਦੀ ਕੀਮਤ: Xelor ਸਮਾਰਟਵਾਚ ਦੀ ਕੀਮਤ 2,999 ਰੁਪਏ ਹੈ ਅਤੇ Jewel ਦੀ ਕੀਮਤ 3,999 ਰੁਪਏ ਹੈ। ਦੋਨੋ ਸਮਾਰਟਵਾਚਾਂ ਅੱਜ ਦੁਪਹਿਰ 12 ਵਜੇ ਤੋਂ ਖਰੀਦਣ ਲਈ ਉਪਲਬਧ ਹੋ ਜਾਣਗੀਆਂ। Jewel ਸਮਾਰਟਵਾਚ ਗੋਲਡ ਕਲਰ 'ਚ ਆਉਦੀ ਹੈ ਜਦਿਕ Xelor ਸਮਾਰਟਵਾਚ ਗੋਲਡ, ਬਲੈਕ, ਸਿਲਵਰ ਕਲਰ 'ਚ ਆਉਦੀ ਹੈ।

31 ਅਕਤੂਬਰ ਨੂੰ ਹੋਵੇਗਾ ਐਪਲ ਦਾ ਇਵੈਂਟ:ਐਪਲ ਨੇ ਆਪਣੇ ਅਕਤੂਬਰ ਇਵੈਂਟ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਸਪੈਸ਼ਲ ਇਵੈਂਟ ਦੀ ਤਰੀਕ 30 ਅਕਤੂਬਰ ਸ਼ਾਮ 5 ਵਜੇ ਹੋਵੇਗੀ। ਹਾਲਾਂਕਿ ਕੰਪਨੀ ਦਾ ਮੇਗਾ ਇਵੈਂਟ ਭਾਰਤੀ ਸਮੇਂ ਅਨੁਸਾਰ, 31 ਅਕਤੂਬਰ ਸਵੇਰੇ 5:30 ਵਜੇ ਹੋਵੇਗਾ। ਐਪਲ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, ਕੰਪਨੀ ਦਾ ਇਹ ਇਵੈਂਟ ਐਪਲ ਟੀਵੀ ਅਤੇ ਕੰਪਨੀ ਦੀ ਵੈੱਬਸਾਈਟ 'ਤੇ ਦੇਖਿਆ ਜਾ ਸਕੇਗਾ।