ਇਸਲਾਮਾਬਾਦ: ਇਸਲਾਮਾਬਾਦ ਵਿੱਚ ਅਮਰੀਕੀ ਦੂਤਘਰ ਨੇ ਇੱਕ ਟਵਿੱਟਰ ਪੋਸਟ ਸਾਂਝੀ ਕਰਨ ਲਈ ਮੁਆਫ਼ੀ ਮੰਗੀ ਹੈ, ਜਿਸ ਵਿੱਚ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੂੰ ਅਸਿੱਧੇ ਤੌਰ ‘ਤੇ ‘ਅੱਤਿਆਚਾਰ ਦਾ ਨੇਤਾ ਅਤੇ ਤਾਨਾਸ਼ਾਹ’ ਦੱਸਿਆ ਗਿਆ ਸੀ।
ਅਮਰੀਕੀ ਦੂਤਘਰ ਨੇ ਮੰਗਲਵਾਰ ਦੀ ਰਾਤ ਨੂੰ ਪਾਕਿਸਤਾਨ ਮੁਸਲਿਮ ਲੀਗ-ਨਵਾਜ਼ ਦੇ ਨੇਤਾ ਅਹਿਸਨ ਇਕਬਾਲ ਦੀ ਇੱਕ ਪੋਸਟ ਦਾ ਰੀਟਵੀਟ ਕੀਤਾ ਜਿਸ ਵਿੱਚ ਉਨ੍ਹਾਂ ਨੇ ਦਿ ਵਾਸ਼ਿੰਗਟਨ ਪੋਸਟ ਦੇ ਇੱਕ ਲੇਖ ਦਾ ਸਕਰੀਨ ਸ਼ਾਟ ਦਿਖਾਇਆ, ਜਿਸਦਾ ਸਿਰਲੇਖ ਹੈ ‘ਟਰੰਪ ਦੀ ਹਾਰ ਦੁਨੀਆਂ ਦੇ ਅੱਤਿਆਚਾਰੀ ਨੇਤਾਵਾਂ ਤੇ ਤਾਨਾਸ਼ਾਹਾਂ ਦੇ ਲਈ ਝਟਕਾ ਹੈ’।
ਸਕਰੀਨ ਸ਼ਾਟ ਦੇ ਨਾਲ, ਇਕਬਾਲ ਨੇ ਲਿਖਿਆ, 'ਸਾਡੇ ਕੋਲ ਪਾਕਿਸਤਾਨ ਵਿੱਚ ਵੀ ਇੱਕ ਹੈ। ਜਲਦੀ ਹੀ ਉਨ੍ਹਾਂ ਨੂੰ ਵੀ ਬਾਹਰ ਦਾ ਰਸਤਾ ਦਿਖਾਇਆ ਜਾਵੇਗਾ। ਇਕਬਾਲ ਦੀਆਂ ਲਾਈਨਾਂ ਸਾਫ਼ ਤੌਰ 'ਤੇ ਇਮਰਾਨ ਖ਼ਾਨ ਵੱਲ ਇਸ਼ਾਰਾ ਕਰ ਰਹੀਆਂ ਸਨ।