ਚੰਡੀਗੜ੍ਹ:ਐਮੀ ਵਿਰਕ ਇੱਕ ਭਾਰਤੀ ਅਦਾਕਾਰ ਅਤੇ ਪੰਜਾਬੀ ਗਾਇਕ ਹੈ। ਐਮੀ ਵਿਰਕ ਦਾ ਜਨਮ ਅਮਰਿੰਦਰਪਾਲ ਸਿੰਘ ਵਿਰਕ ਵਜੋਂ ਹੋਇਆ ਸੀ। ਉਹ ਬੰਬੂਕਾਟ (2016), ਹੈਂਡਬੈਂਡ ਮੀਟੀਰੀਅਲ (2018) ਅਤੇ ਅੰਗਰੇਜ਼ (2015) 'ਤੇ ਆਪਣੇ ਕੰਮ ਲਈ ਜਾਣਿਆ ਜਾਂਦਾ ਹੈ। ਐਮੀ ਵਿਰਕ ਦੀ 2014 ਵਿੱਚ ਇੱਕ ਮਿਊਜ਼ਕ ਵੀਡੀਓ ਦੇਖਿਆ ਗਿਆ ਸੀ, ਉਸ ਵੀਡੀਓ ਵਿੱਚ ਐਮੀ ਵਿਰਕ, ਹਾਰਡੀ ਸੰਧੂ ਅਤੇ ਗਰਿਕ ਅਮਨ, ਜੱਸੀ ਗਿੱਲ ਵੀ ਸੀ।
ਫਿਰ ਇੱਕ ਛੋਟੀ ਵੀਡੀਓ ਵਿੱਚ ਉਸ ਨੂੰ ਦੇਖਿਆ ਗਿਆ ਜਿਸਦਾ ਨਾਮ 'ਯਾਰ ਜੁਗਨੀ ਦੇ' ਸੀ ਇਹ ਵੀਡੀਓ 2015 ਵਿੱਚ ਆਈ ਸੀ। 2015 ਵਿੱਚ ਆਈ ਮਸ਼ਹੂਰ ਫਿਲਮ "ਅੰਗਰੇਜ਼' ਵਿੱਚ ਵੀ ਐਮੀ ਵਿਰਕ ਦੇ ਕੰਮ ਨੂੰ ਦੇਖਿਆ ਗਿਆ।
2016 ਵਿੱਚ ਐਮੀ ਵਿਰਕ ਮਿਸ ਪੂਜਾ ਨਾਲ ਗੀਤ ਦੀ ਵੀਡੀਓ ਆਈ, ਜਿਸਦਾ ਨਾਮ 'ਦਿਮਾਗ ਖਰਾਬ' ਸੀ। 2016 ਵਿੱਚ ਪੰਜਾਬੀ ਦੀ ਬਹੁਤ ਹੀ ਮਸ਼ਹੂਰ ਫਿਲਮ 'ਅਰਦਾਸ' ਵਿੱਚ ਐਮੀ ਵਿਰਕ ਨੇ ਅਸੀ ਦਾ ਕਿਰਦਾਰ ਨਿਭਾਇਆ।
2016 ਵਿੱਚ ਇੱਕ ਛੋਟੀ ਵੀਡੀਓ ਵੀ ਐਮੀ ਵਿਰਕ ਦੀ ਆਈ, ਜਿਸਦਾ ਨਾਲ 'ਹਾਂ ਕਰ ਗਈ'ਸੀ। ਇਸਦੇ ਨਾਲ ਹੀ 'ਦਿਲ ਦੀ ਗੱਲ' ਵੀ ਵੀਡੀਓ ਸਾਹਮਣੇ ਆਈ। ਫਿਰ ਬਹੁਤ ਹੀ ਹਿੱਟ ਰਹੀ ਫਿਲਮ 'ਬੰਬੂਕਾਟ' ਸਾਹਮਣੇ ਆਈ। ਇਸ ਵਿੱਚ ਐਮੀ ਵਿਰਕ ਨੇ ਚਾਨਣ ਸਿੰਘ ਦਾ ਕਿਰਦਾਰ ਨਿਭਾਇਆ। ਫਿਰ ਨਿੱਕਾ ਜ਼ੈਲਦਾਰ, ਸਾਹਬ ਬਹਾਦਰ, ਨਿੱਕਾ ਜ਼ੈਲਦਾਰ-2, ਸਤਿ ਸ੍ਰੀ ਅਕਾਲ ਇੰਗਲੈਂਡ ਆਦਿ ਬੈਕ ਟੂ ਬੈਕ ਆਈਆਂ।