ਚੰਡੀਗੜ੍ਹ:ਬੀਤੇ ਦਿਨੀਂ ਸ਼ਾਮ 5 ਵਜੇ ਦੇ ਕਰੀਬ ਪੰਜਾਬੀ ਗਾਇਕ ਜਾਨੀ ਦਾ ਭਿਆਨਕ ਸੜਕ ਹਾਦਸਾ ਹੋ ਗਿਆ। ਇਸ ਹਾਦਸੇ ਵਿੱਚ ਜਾਨੀ ਦੀ ਕਾਰ ਪਲਟ ਗਈ। ਦੱਸ ਦਈਏ ਕਿ ਜਾਨੀ ਫਾਰਚੂਨਰ ਕਾਰ 'ਚ ਸਵਾਰ ਹੋ ਕੇ ਆ ਰਹੇ ਸਨ ਤਾਂ ਉਸ ਸਮੇਂ ਇਹ ਹਾਦਸਾ ਵਾਪਰ ਗਿਆ।
ਹਾਦਸਾ ਇੰਨਾ ਭਿਆਨਕ ਸੀ ਕਿ ਕਾਰ ਪਲਟੀਆਂ ਖਾਂਦੀ ਉਲਟ ਗਈ। ਇਸ ਦੌਰਾਨ ਗੱਡੀ ਦੇ ਏਅਰਬੈਗ ਖੁੱਲ੍ਹ ਗਏ, ਜਿਸ ਕਾਰਨ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ। ਮੌਕੇ 'ਤੇ ਖੜ੍ਹੇ ਲੋਕਾਂ ਅਨੁਸਾਰ ਕਾਰ ਕਾਫੀ ਤੇਜ਼ ਰਫਤਾਰ ਨਾਲ ਆ ਰਿਹਾ ਸੀ, ਜਿਸ ਕਾਰਨ ਕਾਰ ਦਾ ਸੰਤੁਲਨ ਵਿਗੜਨ ਕਾਰਨ ਪਲਟ ਗਈ।
ਇਸ ਘਟਨਾ ਤੋਂ ਬਾਅਦ ਗੀਤਕਾਰ ਅਤੇ ਗਾਇਕ ਜਾਨੀ ਨੇ ਹੱਡਬੀਤੀ ਘਟਨਾ ਸੋਸ਼ਲ ਮੀਡੀਆ ਉਤੇ ਸਾਂਝੀ ਕੀਤੀ, ਗਾਇਕ ਪੋਸਟ ਪਾ ਕੇ ਦੱਸਿਆ ਕਿ "ਅੱਜ ਅੱਖਾਂ ਨੇ ਮੌਤ ਵੇਖੀ, ਪਰ ਫੇਰ ਬਾਬੇ ਨਾਨਕ ਨੂੰ ਵੀ ਦੇਖਿਆ, ਸੋ ਅੱਜ ਮੌਤ ਅਤੇ ਰੱਬ ਦੋਨੋਂ ਇੱਕਠੇ ਦੇਖੇ...ਮੈਂ ਅਤੇ ਮੇਰੀ ਦੋਸਤੇ ਠੀਕ ਨੇ,ਬਸ ਮਾਮੂਲੀ ਸੱਟਾਂ 🙏🏻 ਦੁਆ 'ਚ ਯਾਦ ਰੱਖਿਓ #JAANI"