ਮੁੰਬਈ (ਬਿਊਰੋ): ਫਿਲਮ ਮੇਕਰ ਕਰਨ ਜੌਹਰ ਦੇ ਮਸ਼ਹੂਰ ਟਾਕ ਸ਼ੋਅ ਕੌਫੀ ਵਿਦ ਕਰਨ ਸੀਜ਼ਨ 8 ਦੇ 12ਵੇਂ ਐਪੀਸੋਡ ਦਾ ਪ੍ਰੋਮੋ ਰਿਲੀਜ਼ ਹੋ ਗਿਆ ਹੈ। ਇਸ ਵਾਰ ਸ਼ੋਅ ਵਿੱਚ ਪੁਰਾਣੇ ਜ਼ਮਾਨੇ ਦੀਆਂ ਦੋ ਦਿੱਗਜ ਅਦਾਕਾਰਾਂ ਜੀਨਤ ਅਮਾਨ ਅਤੇ ਨੀਤੂ ਕਪੂਰ ਨਜ਼ਰ ਆਉਣਗੀਆਂ। ਕਰਨ ਜੌਹਰ ਨੇ ਕੌਫੀ ਵਿਦ ਕਰਨ 8 ਦੇ 12ਵੇਂ ਐਪੀਸੋਡ ਦਾ ਪ੍ਰੋਮੋ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ ਅਤੇ ਡਿਜ਼ਨੀ ਪਲੱਸ ਹੌਟਸਟਾਰ ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਜਾਰੀ ਕੀਤਾ ਹੈ।
ਨੀਤੂ ਅਤੇ ਜ਼ੀਨਤ ਅਮਾਨ ਨੇ ਕਰਨ ਜੌਹਰ ਦੇ ਸਾਹਮਣੇ ਆਪਣੇ ਬਾਰੇ ਕਈ ਖੁਲਾਸੇ ਕੀਤੇ ਹਨ। ਇਸ 'ਚ ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਨੀਤੂ ਕਪੂਰ ਨੇ ਆਪਣੇ ਸੀਕ੍ਰੇਟ ਕ੍ਰਸ਼ ਬਾਰੇ ਵੀ ਖੁਲਾਸਾ ਕੀਤਾ ਹੈ।
ਕੌਣ ਸੀ ਨੀਤੂ ਕਪੂਰ ਦਾ ਸੀਕ੍ਰੇਟ ਕ੍ਰਸ਼: ਦਰਅਸਲ, ਕਰਨ ਜੌਹਰ ਨੇ ਸਾਹਮਣੇ ਸੋਫੇ 'ਤੇ ਬੈਠੀਆਂ ਦੋਹਾਂ ਖੂਬਸੂਰਤ ਸੁੰਦਰੀਆਂ ਨੂੰ ਪੁੱਛਿਆ ਕਿ ਤੁਹਾਡੇ ਸਮੇਂ 'ਚ ਤੁਹਾਡਾ ਸੀਕ੍ਰੇਟ ਕ੍ਰਸ਼ ਕੌਣ ਸੀ। ਤਾਂ ਇਸ 'ਤੇ ਨੀਤੂ ਕਪੂਰ ਨੇ ਆਪਣੇ ਚਾਚੇ ਸਹੁਰੇ ਅਤੇ ਖੂਬਸੂਰਤ ਅਦਾਕਾਰ ਸ਼ਸ਼ੀ ਕਪੂਰ ਦਾ ਨਾਂ ਲਿਆ। ਤੁਹਾਨੂੰ ਦੱਸ ਦੇਈਏ ਸ਼ਸ਼ੀ ਕਪੂਰ ਅਦਾਕਾਰ ਰਣਬੀਰ ਕਪੂਰ ਦੇ ਦਾਦਾ ਰਾਜ ਕਪੂਰ ਦੇ ਛੋਟੇ ਭਰਾ ਸਨ। ਸ਼ਸ਼ੀ ਕਪੂਰ ਦੀ ਮੌਤ 7 ਦਸੰਬਰ 2017 ਨੂੰ ਮੁੰਬਈ ਵਿੱਚ ਹੋਈ ਸੀ।
ਉਲੇਖਯੋਗ ਹੈ ਕਿ ਸ਼ਸ਼ੀ ਕਪੂਰ ਰਿਸ਼ਤੇ ਵਿੱਚ ਨੀਤ ਕਪੂਰ ਦਾ ਚਾਚਾ ਸਹੁਰਾ ਸੀ। ਇਸ ਦੇ ਨਾਲ ਹੀ ਤੁਹਾਨੂੰ ਦੱਸ ਦੇਈਏ ਕਿ ਨੀਤੂ ਕਪੂਰ ਅਤੇ ਸ਼ਸ਼ੀ ਕਪੂਰ ਕਈ ਫਿਲਮਾਂ ਵੀ ਇਕੱਠੇ ਕਰ ਚੁੱਕੇ ਹਨ। ਇਨ੍ਹਾਂ ਵਿੱਚ 'ਹੀਰਾਲਾਲ ਪੰਨਾਲਾਲ' (1979), 'ਦੀਵਾਰ' (1975) ਸ਼ਾਮਲ ਹਨ। ਦੱਸ ਦੇਈਏ ਕਿ ਨੀਤੂ ਕਪੂਰ ਮਰਹੂਮ ਅਦਾਕਾਰ ਤੋਂ ਲਗਭਗ 20 ਸਾਲ ਛੋਟੀ ਹੈ।
ਦੱਸ ਦੇਈਏ ਕਿ ਨੀਤੂ ਕਪੂਰ ਨੇ ਸਾਲ 1980 ਵਿੱਚ ਸ਼ਸ਼ੀ ਕਪੂਰ ਦੇ ਭਤੀਜੇ ਅਤੇ ਅਦਾਕਾਰ ਰਿਸ਼ੀ ਕਪੂਰ ਨਾਲ ਵਿਆਹ ਕੀਤਾ ਸੀ। ਇਸ ਵਿਆਹ ਤੋਂ ਨੀਤੂ ਕਪੂਰ ਨਾਲ ਅਦਾਕਾਰ ਰਣਬੀਰ ਕਪੂਰ ਅਤੇ ਬੇਟੀ ਰਿਧੀਮਾ ਕਪੂਰ ਹੋਈ। ਇਸ ਦੌਰਾਨ ਸਾਲ 2020 'ਚ ਅਦਾਕਾਰ ਰਿਸ਼ੀ ਕਪੂਰ ਦਾ ਬੀਮਾਰੀ ਕਾਰਨ ਦੇਹਾਂਤ ਹੋ ਗਿਆ ਸੀ।
