ਨਵੀਂ ਦਿੱਲੀ: ਕ੍ਰਿਤੀ ਸੈਨਨ ਇਸ ਸਮੇਂ ਸੱਤਵੇਂ ਅਸਮਾਨ ਉਤੇ ਹੈ। ਬੀਤੇ ਦਿਨ ਮੰਗਲਵਾਰ ਉਸ ਨੂੰ ਆਪਣਾ ਪਹਿਲਾਂ ਰਾਸ਼ਟਰੀ ਪੁਰਸਕਾਰ ਮਿਲਿਆ। ਕ੍ਰਿਤੀ ਨੂੰ 'ਮਿਮੀ' ਵਿੱਚ ਉਸਦੀ ਭੂਮਿਕਾ ਲਈ 69ਵੇਂ ਰਾਸ਼ਟਰੀ ਫਿਲਮ ਪੁਰਸਕਾਰ ਸਮਾਰੋਹ ਵਿੱਚ ਸਰਵੋਤਮ (Kriti Sanon receives best actor award) ਅਦਾਕਾਰਾ (ਮਹਿਲਾ) ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ। ਉਸਨੇ ਫਿਲਮ ਵਿੱਚ ਇੱਕ ਸਰੋਗੇਟ ਮਾਂ ਦੀ ਭੂਮਿਕਾ ਨਿਭਾਈ ਸੀ।
ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਤੋਂ ਅਵਾਰਡ ਲੈਣ ਤੋਂ ਬਾਅਦ ਕ੍ਰਿਤੀ (Kriti Sanon receives best actor award) ਨੇ ਇੰਸਟਾਗ੍ਰਾਮ 'ਤੇ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਸ ਸਨਮਾਨ ਸਮਾਰੋਹ ਵਿੱਚ ਉਸ ਦੇ ਮਾਤਾ-ਪਿਤਾ ਵੀ ਮੌਜੂਦ ਸਨ। ਕ੍ਰਿਤੀ ਨੇ ਆਪਣੀ ਮਾਂ ਅਤੇ ਪਿਤਾ ਨਾਲ ਤਸਵੀਰਾਂ ਅਪਲੋਡ ਕੀਤੀਆਂ ਹਨ। ਇੱਕ ਤਸਵੀਰ 'ਚ ਉਹ ਆਪਣੇ ਮਾਤਾ-ਪਿਤਾ ਦੀ ਗੋਦ 'ਚ ਬੈਠ ਕੇ ਆਪਣਾ ਮੈਡਲ ਅਤੇ ਸਰਟੀਫਿਕੇਟ ਦਿਖਾਉਂਦੀ ਨਜ਼ਰ ਆ ਰਹੀ ਹੈ। ਉਸ ਨੇ ਲਿਖਿਆ, 'ਇਸ ਭਾਵਨਾ ਨੂੰ ਸ਼ਬਦਾਂ ਵਿਚ ਬਿਆਨ ਕਰਨਾ ਆਸਾਨ ਨਹੀਂ ਹੈ। ਅੱਜ ਦਾ ਦਿਨ ਮੇਰੀ ਜ਼ਿੰਦਗੀ ਦੇ ਸਭ ਤੋਂ ਯਾਦਗਾਰੀ ਦਿਨਾਂ ਵਿੱਚੋਂ ਇੱਕ ਹੋਵੇਗਾ। ਨੂਪੁਰ ਸੈਨਨ ਨੂੰ ਬਹੁਤ ਯਾਦ ਕੀਤਾ।'
ਅਗਲੀ ਪੋਸਟ ਵਿੱਚ ਕ੍ਰਿਤੀ ਨੇ ਉਸ ਪਲ ਦੀਆਂ ਵੀਡੀਓ ਅਤੇ ਤਸਵੀਰਾਂ ਸਾਂਝੀਆਂ ਕੀਤੀਆਂ ਜਦੋਂ ਉਹ ਰਾਸ਼ਟਰਪਤੀ ਤੋਂ ਪੁਰਸਕਾਰ ਲੈਣ ਲਈ ਸਟੇਜ 'ਤੇ ਗਈ। ਉਸ ਨੇ ਪੋਸਟ ਦੇ ਕੈਪਸ਼ਨ 'ਚ ਲਿਖਿਆ, 'ਵੱਡਾ ਪਲ। ਦੀਨੂ ਅਤੇ ਲਕਸ਼ਮਣ ਉਟੇਕਰ ਨੂੰ ਬਹੁਤ ਯਾਦ ਕੀਤਾ। ਬਹੁਤ ਜ਼ਿਆਦਾ।'
ਕੀ ਹੈ ਮਿਮੀ ਦੀ ਕਹਾਣੀ?:'ਮਿਮੀ' ਮਿਮੀ (ਕ੍ਰਿਤੀ) ਨਾਂ ਦੀ ਇਕ ਮੁਟਿਆਰ ਦੀ ਕਹਾਣੀ ਦੱਸਦੀ ਹੈ, ਜੋ ਅਦਾਕਾਰ ਬਣਨ ਦੇ ਆਪਣੇ ਸੁਪਨੇ ਨੂੰ ਪੂਰਾ ਕਰਨ ਲਈ ਪੈਸਿਆਂ ਦੀ ਲੋੜ ਵਾਲੇ ਵਿਦੇਸ਼ੀ ਜੋੜੇ ਲਈ ਸਰੋਗੇਟ ਮਾਂ ਬਣਨ ਲਈ ਰਾਜ਼ੀ ਹੋ ਜਾਂਦੀ ਹੈ। ਪਰ ਜਦੋਂ ਜੋੜੇ ਨੂੰ ਪਤਾ ਲੱਗਿਆ ਕਿ ਬੱਚਾ ਡਾਊਨ ਸਿੰਡਰੋਮ ਨਾਲ ਪੈਦਾ ਹੋਵੇਗਾ, ਤਾਂ ਉਹ ਪਿੱਛੇ ਹਟ ਜਾਂਦੇ ਹਨ। ਮਿਮੀ ਫਿਰ ਬੱਚੇ ਨੂੰ ਆਪਣੇ ਆਪ ਪਾਲਣ ਦਾ ਫੈਸਲਾ ਕਰਦੀ ਹੈ ਅਤੇ ਇਕੱਲੀ ਮਾਂ ਵਜੋਂ ਕਈ ਚੁਣੌਤੀਆਂ ਅਤੇ ਸਮਾਜਿਕ ਦਬਾਅ ਦਾ ਸਾਹਮਣਾ ਕਰਦੀ ਹੈ। ਇੱਕ ਮਾਂ ਦੇ ਰੂਪ ਵਿੱਚ ਉਸਦਾ ਸਫ਼ਰ ਅਤੇ ਪ੍ਰਤੀਕੂਲ ਹਾਲਾਤਾਂ ਦੇ ਬਾਵਜੂਦ ਆਪਣੇ ਬੱਚੇ ਦਾ ਸਮਰਥਨ ਕਰਨ ਲਈ ਉਸਦਾ ਸੰਘਰਸ਼ ਪ੍ਰੇਰਨਾਦਾਇਕ ਹੈ।
ਕ੍ਰਿਤੀ ਸੈਨਨ ਦਾ ਵਰਕਫਰੰਟ: ਆਉਣ ਵਾਲੇ ਮਹੀਨਿਆਂ ਵਿੱਚ ਕ੍ਰਿਤੀ ਟਾਈਗਰ ਸ਼ਰਾਫ ਨਾਲ ਐਕਸ਼ਨ ਥ੍ਰਿਲਰ ਫਿਲਮ 'ਗਣਪਥ' ਵਿੱਚ ਨਜ਼ਰ ਆਵੇਗੀ। ਉਸ ਕੋਲ 'ਦਿ ਕਰੂ' ਅਤੇ 'ਦੋ ਪੱਤੀ' ਵੀ ਲਾਈਨ ਵਿੱਚ ਹਨ।
