ਚੰਡੀਗੜ੍ਹ: ਹਿੰਦੀ ਸਿਨੇਮਾ ਲਈ ਬਣੀਆਂ ਕਈ ਸੁਪਰ ਡੁਪਰ ਅਤੇ ਬਹੁ-ਚਰਚਿਤ ਅਤੇ ਮਲਟੀ-ਸਟਾਰਰ ਫਿਲਮਾਂ ਨੂੰ ਇਕੱਠਿਆਂ ਪ੍ਰਭਾਵੀ ਰੂਪ ਦੇਣ ਵਿੱਚ ਅਹਿਮ ਭੂਮਿਕਾ ਨਿਭਾ ਚੁੱਕੇ ਹਨ ਧਰਮਿੰਦਰ ਅਤੇ ਡਿੰਪਲ ਕਪਾਡੀਆ, ਜੋ ਲਗਭਗ ਤਿੰਨ ਦਹਾਕਿਆਂ ਬਾਅਦ ਫਿਰ ਸਿਲਵਰ ਸਕਰੀਨ 'ਤੇ ਮੁੜ ਇਕਸਾਥ ਨਜ਼ਰ ਆਉਣ ਜਾ ਰਹੇ ਹਨ, ਜਿੰਨਾਂ ਦੀ ਨਵੀਂ ਫਿਲਮ 'ਤੇਰੀ ਬਾਤੋਂ ਮੇਂ ਐਸਾ ਉਲਝਾ ਜੀਆ' ਅਗਲੇ ਦਿਨੀਂ ਰਿਲੀਜ਼ ਹੋਣ ਜਾ ਰਹੀ ਹੈ, ਜਿਸ ਵਿੱਚ ਸ਼ਾਹਿਦ ਕਪੂਰ ਅਤੇ ਕ੍ਰਿਤੀ ਸੈਨਨ ਲੀਡ ਜੋੜੀ ਵਜੋਂ ਵਿਖਾਈ ਦੇਣਗੇ।
'ਜਿਓ ਸਟੂਡੀਓਜ਼' ਅਤੇ 'ਦਿਨੇਸ਼ ਵਿਜ਼ਨ' ਵੱਲੋਂ ਪੇਸ਼ ਕੀਤੀ ਜਾ ਰਹੀ ਉਕਤ ਫਿਲਮ ਦਾ ਨਿਰਦੇਸ਼ਨ ਹਿੰਦੀ ਸਿਨੇਮਾ ਦੇ ਬਾਕਮਾਲ ਅਤੇ ਸਫਲ ਨਿਰਦੇਸ਼ਕਾਂ ਵਿੱਚ ਆਪਣਾ ਸ਼ੁਮਾਰ ਕਰਵਾ ਰਹੇ ਅਮਿਤ ਜੋਸ਼ੀ ਵੱਲੋਂ ਕੀਤਾ ਗਿਆ ਹੈ, ਜੋ ਇਸ ਤੋਂ ਪਹਿਲਾਂ 'ਪੰਗਾ', 'ਮੁੰਬਈਕਰ', 'ਬਬਲੀ ਬਾਊਸਰ', 'ਇੰਡੀਆ ਲੌਕਡਾਊਨ' ਜਿਹੀ ਕਈ ਅਰਥ-ਭਰਪੂਰ ਅਤੇ ਅਲਹਦਾ ਕੰਟੈਂਟ ਅਧਾਰਿਤ ਫਿਲਮਾਂ ਦਾ ਲੇਖਣ ਅਤੇ ਨਿਰਦੇਸ਼ਨ ਕਰ ਚੁੱਕੇ ਹਨ।
'ਮੈਡੋਕ ਫਿਲਮਜ਼ ਪ੍ਰੋਡਕਸ਼ਨ' ਦੁਆਰਾ ਨਿਰਮਿਤ ਕੀਤੀ ਗਈ ਉਕਤ ਫਿਲਮ ਮਿਊਜ਼ੀਕਲ ਅਤੇ ਰੁਮਾਂਟਿਕ ਡਰਾਮਾ ਫਿਲਮ 09 ਫਰਵਰੀ 2024 ਨੂੰ ਦੇਸ਼ ਵਿਦੇਸ਼ ਦੇ ਸਿਨੇਮਾਘਰਾਂ ਵਿੱਚ ਵੱਡੇ ਪੱਧਰ ਉਪਰ ਰਿਲੀਜ਼ ਕੀਤੀ ਜਾ ਰਹੀ ਇਸ ਫਿਲਮ ਵਿੱਚ ਸ਼ਾਹਿਦ ਅਤੇ ਕ੍ਰਿਤੀ ਦੀ ਵੀ ਇਕੱਠਿਆਂ ਪਹਿਲੀ ਫਿਲਮ ਹੈ, ਜਿੰਨਾਂ ਅਨੁਸਾਰ ਇੱਕ ਅਸੰਭਵ ਪ੍ਰੇਮ ਕਹਾਣੀ ਦਾ ਦਿਲ ਟੁੰਬਵਾਂ ਅਨੁਭਵ ਅਤੇ ਅਹਿਸਾਸ ਦਰਸ਼ਕਾਂ ਨੂੰ ਕਰਵਾਏਗੀ ਇਹ ਫਿਲਮ, ਜਿਸ ਦਾ ਖਾਸ ਆਕਰਸ਼ਨ ਹੋਣਗੇ ਧਰਮਿੰਦਰ ਅਤੇ ਦਿੱਗਜ ਅਦਾਕਾਰ ਡਿੰਪਲ ਕਪਾਡੀਆ, ਜਿੰਨਾਂ ਨਾਲ ਕੰਮ ਕਰਨਾ ਬੇਹੱਦ ਯਾਦਗਾਰੀ ਰਿਹਾ ਹੈ ਉਨਾਂ ਸਮੇਤ ਪੂਰੀ ਫਿਲਮ ਟੀਮ ਲਈ।
ਹਿੰਦੀ ਸਿਨੇਮਾ ਦੀਆਂ ਇਸ ਸਾਲ ਰਿਲੀਜ਼ ਹੋਣ ਵਾਲੀਆਂ ਸ਼ਾਨਦਾਰ ਫਿਲਮਾਂ ਵਿੱਚ ਸ਼ੁਮਾਰ ਕਰਵਾਉਣ ਵਿਚ ਸਫ਼ਲ ਰਹੀ ਹੈ ਉਕਤ ਫਿਲਮ, ਜਿਸ ਨੂੰ ਲੈ ਕੇ ਕਾਫ਼ੀ ਉਤਸ਼ਾਹਿਤ ਨਜ਼ਰ ਆ ਰਹੇ ਹਨ ਸਦਾਬਹਾਰ ਅਤੇ ਅੱਜ ਵੀ ਬਾਲੀਵੁਡ ਗਲਿਆਰਿਆਂ ਵਿੱਚ ਪੂਰੀ ਧਾਂਕ ਰੱਖਦੇ ਐਕਟਰ ਧਰਮਿੰਦਰ, ਜੋ ਡਿੰਪਲ ਕਪਾਡੀਆ ਨਾਲ ਲਗਾਤਾਰ ਤਿੰਨ ਦਹਾਕਿਆਂ ਬਾਅਦ ਸਿਲਵਰ ਸਕਰੀਨ 'ਤੇ ਇਕੱਠਿਆਂ ਸਕਰੀਨ ਸ਼ੇਅਰ ਕਰਨ ਜਾ ਰਹੇ ਹਨ, ਜਿੰਨਾਂ ਦੋਹਾਂ ਦੀਆਂ ਇਸ ਤੋਂ ਪਹਿਲਾਂ ਇੱਕ-ਸਾਥ ਆਈਆਂ ਫਿਲਮਾਂ ਵਿਚ ਕਾਫੀ ਮਸ਼ਹੂਰ ਰਹੀਆਂ ਹਨ। ਇਸ ਤੋਂ ਪਹਿਲਾਂ ਇਕ ਸਾਥ ਆਈਆਂ ਫਿਲਮਾਂ ਵਿੱਚ 'ਇਨਸਾਨੀਅਤ ਕੇ ਦੁਸ਼ਮਣ', 'ਦੁਸ਼ਮਣ ਦੇਵਤਾ', 'ਸਿੱਕਾ', 'ਬਟਵਾਰਾ', 'ਗੰਗਾ ਤੇਰੇ ਦੇਸ਼ ਮੇਂ', 'ਮਹਾਵੀਰਾ', 'ਮਸਤ ਕਲੰਦਰ', 'ਸ਼ਹਿਜ਼ਾਦੇ' ਆਦਿ ਸ਼ੁਮਾਰ ਰਹੀਆਂ ਹਨ।
