ਮੁੰਬਈ: ਰਣਬੀਰ ਕਪੂਰ ਨੂੰ ਲੈ ਕੇ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਜੈ ਮਾਤਾ ਦੀ ਦਾ ਨਾਅਰਾ ਲਗਾਉਣਾ ਅਦਾਕਾਰ ਲਈ ਮਹਿੰਗਾ ਸਾਬਤ ਹੋਇਆ ਹੈ। ਰਣਬੀਰ ਕਪੂਰ ਖਿਲਾਫ ਮੁੰਬਈ ਥਾਣੇ 'ਚ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ।
ਤੁਹਾਨੂੰ ਦੱਸ ਦਈਏ ਕਿ ਰਣਬੀਰ ਕਪੂਰ ਨੇ ਕ੍ਰਿਸਮਿਸ ਸੈਲੀਬ੍ਰੇਸ਼ਨ 'ਚ ਸ਼ਰਾਬ ਵਾਲੇ ਕੇਕ ਕੱਟਣ ਦੌਰਾਨ ਜੈ ਮਾਤਾ ਦੀ ਦਾ ਨਾਅਰਾ ਲਗਾਇਆ ਸੀ। ਹੁਣ ਸ਼ਿਕਾਇਤਕਰਤਾ ਨੇ ਅਦਾਕਾਰ ਦੇ ਖਿਲਾਫ ਪੁਲਿਸ ਕੇਸ ਦਰਜ ਕਰਵਾਇਆ ਹੈ। ਇੰਨਾ ਹੀ ਨਹੀਂ ਰਣਬੀਰ ਕਪੂਰ ਨੂੰ ਇਸ ਕਾਰਨ ਸੋਸ਼ਲ ਮੀਡੀਆ 'ਤੇ ਕਾਫੀ ਟ੍ਰੋਲ ਵੀ ਕੀਤਾ ਜਾ ਰਿਹਾ ਹੈ। ਅਜਿਹੇ 'ਚ ਹਾਈ ਕੋਰਟ ਦੇ ਵਕੀਲ ਸ਼ਿਕਾਇਤਕਰਤਾ ਨੇ ਰਣਬੀਰ ਕਪੂਰ ਖਿਲਾਫ ਪੁਲਿਸ 'ਚ ਸ਼ਿਕਾਇਤ ਦਰਜ ਕਰਵਾਈ ਹੈ।
ਵਕੀਲ ਸ਼ਿਕਾਇਤਕਰਤਾ ਦਾ ਕਹਿਣਾ ਹੈ ਕਿ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋਈ ਹੈ, ਜਿਸ 'ਚ ਦੇਖਿਆ ਜਾ ਰਿਹਾ ਹੈ ਕਿ ਕੇਕ 'ਤੇ ਨਸ਼ੀਲਾ ਪਦਾਰਥ (ਸ਼ਰਾਬ) ਛਿੜਕ ਕੇ ਅਤੇ ਅਗਨੀ ਭੇਂਟ ਕਰਕੇ ਹਿੰਦੂ ਦੇਵੀ-ਦੇਵਤਿਆਂ ਦੀ ਪੂਜਾ ਨੂੰ ਜਾਣਬੁੱਝ ਕੇ ਕੀਤਾ ਗਿਆ ਹੈ। ਅਜਿਹੇ 'ਚ ਵਕੀਲ ਨੇ ਘਾਟਕੋਪਰ ਥਾਣੇ 'ਚ ਰਣਬੀਰ ਕਪੂਰ ਖਿਲਾਫ ਮਾਮਲਾ ਦਰਜ ਕਰਵਾਇਆ ਹੈ। ਵਕੀਲ ਨੇ ਪੁਲਿਸ ਤੋਂ ਮੰਗ ਕੀਤੀ ਹੈ ਕਿ ਅਦਾਕਾਰ ਦੇ ਖਿਲਾਫ ਐਫਆਈਆਰ ਦਰਜ ਕੀਤੀ ਜਾਵੇ।
ਉਲੇਖਯੋਗ ਹੈ ਕਿ ਸ਼ਿਕਾਇਤਕਰਤਾ ਨੇ ਕਿਹਾ ਹੈ ਕਿ ਉਸ ਨੇ ਧਾਰਾ 295ਏ (ਜਾਣਬੁੱਝ ਕੇ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ), 298 (ਜਾਣ ਬੁੱਝ ਕੇ ਸ਼ਬਦਾਂ ਦੀ ਵਰਤੋਂ ਕਰਨ), 500 (ਮਾਣਹਾਨੀ) ਅਤੇ ਧਾਰਾ 34 ਤਹਿਤ ਕੇਸ ਦਰਜ ਕਰਨ ਦੀ ਮੰਗ ਕੀਤੀ ਹੈ।
ਦੱਸ ਦਈਏ ਕਿ ਰਣਬੀਰ ਕਪੂਰ ਨੇ ਕ੍ਰਿਸਮਸ ਦਾ ਦਿਨ ਆਪਣੇ ਚਾਚਾ ਕੁਣਾਲ ਕਪੂਰ ਦੇ ਘਰ ਮਨਾਇਆ ਸੀ। ਇੱਥੇ ਉਸ ਦੇ ਚਾਚੇ ਨੇ ਕੇਕ ਕੱਟਿਆ ਸੀ, ਜਿਸ 'ਤੇ ਸ਼ਰਾਬ ਪਾਈ ਗਈ ਸੀ। ਇਸ ਦੇ ਨਾਲ ਹੀ ਰਣਬੀਰ ਕਪੂਰ ਨੇ ਕੇਕ ਕੱਟਣ ਦੌਰਾਨ ਜੈ ਮਾਤਾ ਦੀ ਦਾ ਨਾਅਰਾ ਲਗਾਇਆ ਸੀ, ਜੋ ਹੁਣ ਉਨ੍ਹਾਂ ਨੂੰ ਕਾਫੀ ਮਹਿੰਗਾ ਪੈ ਰਿਹਾ ਹੈ।
