ਢਾਬੇ ’ਤੇ ਕੰਮ ਕਰਨ ਵਾਲੇ ਪਰਵਾਸੀ ਦੀ ਹੋਈ ਮੌਤ

ਅੰਮ੍ਰਿਤਸਰ ਦੇ ਅਸ਼ੋਕਾ ਢਾਬੇ ਵਿੱਚ ਕੰਮ ਕਰਨ ਵਾਲੇ ਕਰਮਚਾਰੀ ਦੀ ਮੌਤ ਹੋ ਗਈ ਹੈ, ਢਾਬਾ ਮਾਲਕ ਨੇ ਕਿਹਾ ਕਿ ਉਹ ਕਾਫੀ ਦਿਨਾਂ ਤੋਂ ਬਿਮਾਰ ਚੱਲ ਰਿਹਾ ਸੀ ਜਿਸ ਦਾ ਅਸੀਂ ਇਲਾਜ਼ ਕਰਵਾ ਰਹੇ ਸੀ।

ਅੰਮ੍ਰਿਤਸਰ: ਬਸ ਸਟੈਂਡ ਚੌਕੀ ਨੇੜੇ ਇੱਕ ਅਸ਼ੋਕਾ ਢਾਬੇ ਵਿੱਚ ਕੰਮ ਕਰਨ ਵਾਲੇ ਕਰਮਚਾਰੀ ਦੀ ਮੌਤ ਹੋ ਗਈ। ਮ੍ਰਿਤਕ ਢਾਬੇ ਦੇ ਉਪਰ ਬਣੇ ਕਮਰੇ ਵਿੱਚ ਹੀ ਰਹਿੰਦਾ ਸੀ ਜੋ ਕਾਫੀ ਦਿਨਾਂ ਤੋਂ ਬਿਮਾਰ ਚੱਲ ਰਿਹਾ ਸੀ। ਉਥੇ ਹੀ ਢਾਬੇ ਦੇ ਮਾਲਿਕਾਂ ਅਸ਼ੋਕ ਕੁਮਾਰ ਅਤੇ ਨੰਦ ਕਿਸ਼ੌਰ ਭਨੋਟ ਦਾ ਕਹਿਣਾ ਹੈ ਕਿ ਇਹ ਕਰਮਚਾਰੀ ਸਾਡੇ ਕੋਲ ਲੌਕਡਾਊਨ ਤੋਂ ਪਹਿਲਾਂ ਦਾ ਕੰਮ ਕਰਨ ਆਇਆ ਸੀ ਅਤੇ ਯੂਪੀ ਦਾ ਰਹਿਣ ਵਾਲਾ ਸੀ। ਉਹਨਾਂ ਦੱਸਿਆ ਕਿ ਇਸਦੀ ਚਾਰ ਵਜੇ ਮੌਤ ਹੋ ਗਈ ਹੈ।

ਉਥੇ ਹੀ ਢਾਬਾ ਮਾਲਿਕ ਤੋਂ ਪੁੱਛਿਆ ਕਿ ਜਦੋਂ ਇਹ ਬਿਮਾਰ ਸੀ ਤਾਂ ਇਸ ਨੂੰ ਘਰ ਕਿਉਂ ਨਹੀਂ ਭੇਜਿਆ ਗਿਆ ਤਾਂ ਉਹਨਾਂ ਨੇ ਕਿਹਾ ਕਿ ਉਹ ਇਸ ਦਾ ਇਲਾਜ ਕਰਵਾ ਰਹੇ ਸਨ। ਉਥੇ ਹੀ ਮੌਕੇ ’ਤੇ ਪਹੁੰਚੇ ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਉਹ ਮਾਮਲੇ ਦੀ ਜਾਂਚ ਕਰ ਰਹੇ ਹਨ।