ਪਿਛਲੇ 5 ਸਾਲਾਂ 'ਚ ਕਈ ਗੁਣਾ ਵਧਿਆ ਡਿਜੀਟਲ ਭੁਗਤਾਨ: RBI

ਕੇਂਦਰੀ ਬੈਂਕ ਦੇ ਤਾਜ਼ਾ ਅੰਕੜਿਆਂ ਦੇ ਅਨੁਸਾਰ 2015-16 ਅਤੇ 2019-20 ਦੇ ਵਿੱਚ ਡਿਜੀਟਲ ਭੁਗਤਾਨ 55.1 ਫੀਸਦੀ ਸਾਲਾਨਾ ਕੰਪਾਊਂਡਿੰਗ ਦਰ ਨਾਲ ਵਾਧਾ ਹੋਇਆ ਹੈ। ਇਸ ਮਿਆਦ ਦੇ ਦੌਰਾਨ ਡਿਜੀਟਲ ਭੁਗਤਾਨਾਂ ਦੀ ਮਾਤਰਾ ਮਾਰਚ 2016 ਵਿੱਚ 593.61 ਕਰੋੜ ਤੋਂ ਵੱਧ ਕੇ ਮਾਰਚ 2020 ਤੱਕ 3,434.56 ਕਰੋੜ ਹੋ ਗਈ।

ਮੁੰਬਈ: ਰਿਜ਼ਰਵ ਬੈਂਕ ਆਫ ਇੰਡੀਆ ਦੇ ਆਰਥਿਕਤਾ 'ਚ ਨਕਦ ਦੀ ਥਾਂ ਦੂਜੇ ਮਾਧਿਅਮ ਨਾਲ ਲੈਣ ਦੇਣ ਨੂੰ ਉਤਸ਼ਾਹਤ ਕਰਨ ਦੀਆਂ ਕੋਸ਼ਿਸ਼ਾਂ ਨੇ ਅਸਰ ਦਿਖਾਣਾ ਸ਼ੁਰੂ ਕਰ ਦਿੱਤਾ ਹੈ ਅਤੇ ਪਿਛਲੇ 5 ਸਾਲਾਂ ਦੌਰਾਨ ਦੇਸ਼ 'ਚ ਡਿਜੀਟਲ ਭੁਗਤਾਨ ਕਈ ਗੁਣਾ ਵਧਿਆ ਹੈ।

ਕੇਂਦਰੀ ਬੈਂਕ ਦੇ ਤਾਜ਼ਾ ਅੰਕੜਿਆਂ ਦੇ ਅਨੁਸਾਰ 2015-16 ਅਤੇ 2019-20 ਦੇ ਵਿੱਚ ਡਿਜੀਟਲ ਭੁਗਤਾਨ 55.1 ਫੀਸਦੀ ਸਾਲਾਨਾ ਕੰਪਾਊਂਡਿੰਗ ਦਰ ਨਾਲ ਵਾਧਾ ਹੋਇਆ ਹੈ। ਇਸ ਮਿਆਦ ਦੇ ਦੌਰਾਨ ਡਿਜੀਟਲ ਭੁਗਤਾਨਾਂ ਦੀ ਮਾਤਰਾ ਮਾਰਚ 2016 ਵਿੱਚ 593.61 ਕਰੋੜ ਤੋਂ ਵੱਧ ਕੇ ਮਾਰਚ 2020 ਤੱਕ 3,434.56 ਕਰੋੜ ਹੋ ਗਈ। ਇਸ ਦੌਰਾਨ ਟ੍ਰਾਂਜੈਕਸ਼ਨਾਂ ਦਾ ਮੁੱਲ 15.2 ਫੀਸਦੀ ਸਾਲਾਨਾ ਮਿਸ਼ਰਿਤ ਦਰ ਦੇ ਨਾਲ 9.23.38 ਲੱਖ ਕਰੋੜ ਰੁਪਏ ਤੋਂ ਵੱਧ ਕੇ 1,623.05 ਲੱਖ ਕਰੋੜ ਰੁਪਏ ਹੋ ਗਿਆ ਹੈ।

ਆਰਬੀਆਈ ਦੇ ਅੰਕੜਿਆਂ ਅਨੁਸਾਰ 2016-17 ਵਿੱਚ ਡਿਜੀਟਲ ਅਦਾਇਗੀ ਪਿਛਲੇ ਸਾਲ ਨਾਲੋਂ 593.61 ਕਰੋੜ ਤੋਂ ਵੱਧ ਕੇ 969.12 ਕਰੋੜ ਹੋ ਗਈ, ਜਦੋਂ ਕਿ ਇਸ ਟ੍ਰਾਂਜੈਕਸ਼ਨ ਦੀ ਕੀਮਤ ਵੱਧ ਕੇ 1,120.99 ਲੱਖ ਕਰੋੜ ਰੁਪਏ ਹੋ ਗਈ। ਇਸੇ ਤਰ੍ਹਾਂ ਇਹ ਅੰਕੜੇ ਸਾਲ-ਦਰ-ਸਾਲ ਵਧਦੇ ਰਹੇ।

ਹਾਲਾਂਕਿ, ਇਸ ਦੌਰਾਨ ਵਿੱਤੀ ਸਾਲ 2019-20 ਵਿੱਚ ਵੱਡੀ ਛਾਲ ਮਾਰੀ, ਜਦੋਂ ਲੈਣ-ਦੇਣ ਦੀ ਗਿਣਤੀ ਤੇਜ਼ੀ ਨਾਲ ਵੱਧ ਕੇ 3,434.56 ਹੋ ਗਈ, ਹਾਲਾਂਕਿ ਇਸ ਸਮੇਂ ਦੌਰਾਨ ਕੁੱਲ ਮੁੱਲ ਵਿੱਚ ਕੁਝ ਕਮੀ ਆਈ, ਇਹ ਮੁੱਲ ਦੇ ਹਿਸਾਬ ਨਾਲ ਇਹ 623.05 ਲੱਖ ਕਰੋੜ ਰੁਪਏ ਰਿਹਾ। ਕੋਰੋਨਾ ਵਾਇਰਸ ਮਹਾਂਮਾਰੀ ਅਤੇ ਤਾਲਾਬੰਦੀ ਦੇ ਮੱਦੇਨਜ਼ਰ ਡਿਜੀਟਲ ਲੈਣ-ਦੇਣ ਤੇਜ਼ੀ ਨਾਲ ਵਧਿਆ ਹੈ।