ਜੰਮੂ ‘ਚ ਇੱਕ ਵਾਰ ਫਿਰ ਦਿਖਾਈ ਦਿੱਤੇ ਸ਼ੱਕੀ ਡਰੋਨ

ਜੰਮੂ-ਕਸ਼ਮੀਰ ਦੇ ਕੁੰਜਵਾਨੀ ਵਿੱਚ ਸੋਮਵਾਰ ਦੇਰ ਰਾਤ ਨੂੰ ਕੁਝ ਹੋਰ ਸ਼ੱਕੀ ਡਰੋਨ ਦਿਖਾਈ ਦਿੱਤਾ। ਡਰੋਨ ਦੀਆਂ ਗਤੀਵਿਧੀਆਂ ਨੂੰ ਲੈਕੇ ਫੌਜ ਦੀਆਂ ਟੀਮਾਂ ਅਲਰਟ ‘ਤੇ ਹਨ। ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਜੰਮੂ ਦੇ ਰਤਨੁਚੱਕ-ਕਾਲੂਚਕ ਮਿਲਟਰੀ ਸਟੇਸ਼ਨ 'ਤੇ ਡਰੋਨ ਦੀਆਂ ਗਤੀਵਿਧੀਆਂ ਨੂੰ ਫੌਜ ਵੱਲੋਂ ਅਸਫਲ ਕਰ ਦਿੱਤਾ ਗਿਆ ਸੀ।

ਜੰਮੂ:ਜੰਮੂ ਦੇ ਰਤਨੁਚੱਕ-ਕਾਲੂਚਕ ਮਿਲਟਰੀ ਸਟੇਸ਼ਨ 'ਤੇ ਡਰੋਨ ਦੀਆਂ ਗਤੀਵਿਧੀਆਂ ਨੂੰ ਅਸਫਲ ਕਰਨ ਦੇ ਇਕ ਦਿਨ ਬਾਅਦ, ਹੁਣ ਇੱਕ ਫੇਰ ਡਰੋਨਾ ਦੀਆਂ ਗਤੀਵਿਧੀਆਂ ਨੂੰ ਦੇਖਿਆ ਗਿਆ ਹੈ। ਜਾਣਕਾਰੀ ਅਨੁਸਾਰ ਸੋਮਵਾਰ ਦੇਰ ਰਾਤ ਨੂੰ ਕੁੰਜਵਾਨੀ ਵਿਚ ਡਰੋਨ ਦੀਆਂ ਗਤੀਵਿਧਿਆਂ ਦੇਖੀਆਂ ਗਈਆਂ ਹਨ। ਸੂਤਰਾਂ ਨੇ ਦੱਸਿਆ ਹੈ ਕਿ ਪਿਛਲੇ ਦੋ ਦਿਨਾਂ ਦੌਰਾਨ, ਜੰਮੂ ਵਿੱਚ ਘੱਟੋ-ਘੱਟ ਚਾਰ ਵਾਰ ਡਰੋਨ ਦੀ ਗਤੀਵਿਧੀ ਦੇਖਣ ਨੂੰ ਮਿਲੀ ਹੈ ਜਿੰਨ੍ਹਾਂ ਵਿੱਚੋਂ ਦੋ ਨੂੰ ਫੌਜ ਵੱਲੋਂ ਨੁਕਸਾਨ ਪਹੁੰਚਾਇਆ ਗਿਆ ਹੈ।

ਰੱਖਿਆ ਮੰਤਰਾਲੇ ਦੇ ਪਬਲਿਕ ਰਿਲੇਸ਼ਨ ਅਫਸਰ ਲੈਫਟੀਨੈਂਟ ਕਰਨਲ ਦਵਿੰਦਰ ਅਨੰਦ ਨੇ ਇਕ ਅਧਿਕਾਰਿਤ ਬਿਆਨ ਵਿੱਚ ਕਿਹਾ ਕਿ ਸੋਮਵਾਰ ਨੂੰ ਰਤਨੁਚੱਕ-ਕਾਲੂਚਕ ਮਿਲਟਰੀ ਖੇਤਰ ਵਿਚ ਦੋ ਡਰੋਨ ਦੇਖੇ ਗਏ ਜਿੰਨ੍ਹਾਂ ਨੂੰ ਫੌਜਾਂ ਦੁਆਰਾ ਭਜਾ ਦਿੱਤਾ ਗਿਆ। ਪੀ.ਆਰ.ਓ. ਨੇ ਦੱਸਿਆ ਕਿ, “ਮੌਕੇ ਤੇ ਤਾਇਨਾਤ ਟੀਮਾਂ ਦੇ ਵੱਲੋਂ ਚਿਤਾਵਨੀ ਦਿੰਦੇ ਹੋਏ ਉਨ੍ਹਾਂ ‘ਤੇ ਫਾਇਰਿੰਗ ਕੀਤੀ ਗਈ ਸੀ।''

ਇੱਥੇ ਜਿਕਰਯੋਗ ਹੇ ਕਿ ਐਤਵਾਰ ਸਵੇਰੇ ਜੰਮੂ ਏਅਰ ਫੋਰਸ ਸਟੇਸ਼ਨ ਦੇ ਤਕਨੀਕੀ ਖੇਤਰ ਵਿੱਚ ਡਰੋਨ ਦੁਆਰਾ ਦੋ ਧਮਾਕੇ ਕੀਤੇ ਗਏ। ਇੰਡੀਅਨ ਏਅਰ ਫੋਰਸ (ਆਈਏਐਫ) ਨੇ ਦੱਸਿਆ ਕਿ ਇਕ ਧਮਾਕੇ ਨਾਲ ਇਕ ਇਮਾਰਤ ਦੀ ਛੱਤ ਨੂੰ ਮਾਮੂਲੀ ਨੁਕਸਾਨ ਪਹੁੰਚਿਆ ਜਦਕਿ ਦੂਸਰਾ ਖੁੱਲ੍ਹੇ ਖੇਤਰ ਵਿਚ ਫਟਿਆ। ਇਸ ਹਾਦਸੇ ਵਿੱਚ ਦੋ ਜਵਾਨਾਂ ਨੂੰ ਮਾਮੂਲੀ ਸੱਟਾਂ ਵੀ ਲੱਗੀਆਂ ਸਨ ਜਿੰਨ੍ਹਾਂ ਨੂੰ ਇਲਾਜ ਦੇ ਲਈ ਹਸਪਤਾਲ ਦੇ ਵਿੱਚ ਭਰਤੀ ਕੀਤਾ ਗਿਆ ਸੀ।