ਬਲਰਾਮਪੁਰ : ਸਰਕਾਰ ਗਰੀਬ ਅਤੇ ਜ਼ਰੂਰਤਮੰਦ ਲੋਕਾਂ ਲਈ ਕਈ ਯੋਜਨਾਵਾਂ ਤਿਆਰ ਕਰਦੀ ਹੈ, ਪਰ ਸਰਕਾਰ ਦੀਆਂ ਇਹ ਯੋਜਨਾਵਾਂ ਜ਼ਮੀਨੀ ਪੱਧਰ 'ਤੇ ਫੇਲ ਹੁੰਦੀਆਂ ਨਜ਼ਰ ਆ ਰਹੀਆਂ ਹਨ। ਅਜਿਹਾ ਹੀ ਇੱਕ ਮਾਮਲਾ ਬਲਰਾਮਪੁਰ ਦੇ ਪਿੰਡ ਬੇਲਕੁਰਤਾ ਤੋਂ ਸਾਹਮਣੇ ਆਇਆ ਹੈ ਜਿਥੇ ਇੱਕ ਮਜਬੂਰ ਮਾਂ ਆਪਣੇ ਦੋ ਬੱਚਿਆਂ ਨੂੰ ਦੋ ਸਮੇਂ ਦੀ ਰੋਟੀ ਨਹੀਂ ਖਵਾ ਪਾ ਰਹੀ।
ਕੀ ਹੈ ਮਾਮਲਾ
ਪ੍ਰੇਮਲਤਾ ਨਾਂਅ ਦੀ ਗਰੀਬ ਔਰਤ ਆਪਣੇ ਦੋ ਦ੍ਰਿਸ਼ਟੀਹੀਣ ਬੱਚਿਆਂ ਨਾਲ ਇੱਕ ਟੁੱਟੇ ਹੋਏ ਮਕਾਨ ਵਿੱਚ ਰਹਿੰਦੀ ਹੈ। ਇਸ ਮਕਾਨ ਦਾ ਜ਼ਿਆਦਾਤਰ ਹਿੱਸਾ ਟੁੱਟ ਚੁੱਕਾ ਹੈ, ਜੇ ਭਾਰੀ ਮੀਂਹ ਪੈਂਦਾ ਹੈ ਤਾਂ ਹੋ ਸਕਦਾ ਹੈ ਕਿ ਬਾਕੀ ਦਾ ਘਰ ਵੀ ਰਹਿਣਯੋਗ ਨਾ ਬਚੇ। ਇਸ ਦੇ ਬਾਵਜੂਦ ਪ੍ਰਸ਼ਾਸਨ ਦੀ ਨਜ਼ਰ ਇਸ ਗਰੀਬ ਪਰਿਵਾਰ 'ਤੇ ਨਹੀਂ ਪਈ ਹੈ। ਹਲਾਂਕਿ ਮੀਡੀਆ ਵੱਲੋਂ ਪਹਿਲ ਤੋਂ ਬਾਅਦ ਕੁਝ ਅਧਿਕਾਰੀ ਗਰੀਬ ਔਰਤ ਨੂੰ ਮਿਲਣ ਤਾਂ ਆਏ ਪਰ ਸਿਰਫ਼ ਭਰੋਸਾ ਦੇ ਕੇ ਚਲੇ ਗਏ। ਉਨ੍ਹਾਂ ਵੱਲੋਂ ਅਜੇ ਤੱਕ ਇਸ ਪਰਿਵਾਰ ਦੀ ਮਦਦ ਲਈ ਕੋਈ ਕਦਮ ਨਹੀਂ ਚੁੱਕਿਆ ਗਿਆ।