1947 ਦੀ ਵੰਡ ਮੌਕੇ ਵਿਛੜੇ ਭੈਣ-ਭਾਈ ਸੋਸ਼ਲ ਮੀਡਿਆ ਰਾਹੀਂ ਮਿਲੇ

ਸੋਸ਼ਲ ਮੀਡਿਆ ਦੇ ਫ਼ਾਇਦੇ ਵੀ ਕਿੰਨੇ ਹਨ। ਇਸ ਖ਼ਬਰ ਨਾਲ ਸਮਝਿਆ ਸਕਦਾ ਹੈ। 72 ਸਾਲ ਪਹਿਲੇ ਕਸ਼ਮੀਰ ਵਿੱਚ 1947 ਦੀ ਵੰਡ ਮੌਕੇ ਇੱਕ ਪਰਿਵਾਰ ਵਿਛੜ ਗਿਆ ਸੀ। ਉਸ ਸਮੇਂ ਪਰਿਵਾਰ ਦੇ ਕੁੱਝ ਮੈਂਬਰ ਭਾਰਤ ਵਿੱਚ ਰਹਿ ਗਏ ਅਤੇ ਕੁੱਝ ਪਾਕਿਸਤਾਨ ਚਲੇ ਗਏ। ਪਰ ਹੁਣ ਇਹ ਪਰਿਵਾਰ 72 ਸਾਲ ਬਾਅਦ ਮਿਲਿਆ ਹੈ। ਇਹ ਮਿਲਾਪ ਸੋਸ਼ਲ ਮੀਡਿਆ ਕਾਰਨ ਸੰਭਵ ਹੋਇਆ ਹੈ। ਰਾਇ ਸਿੰਘ ਨਗਰ ਦੇ ਰਣਜੀਤ ਸਿੰਘ ਹੁਣ ਪਾਕਿਸਤਾਨ ਵਿੱਚ ਰਹਿ ਰਹੀ ਆਪਣੀ ਭੈਣ ਨੂੰ ਮਿਲ ਕੇ ਬਹੁਤ ਖ਼ੁਸ਼ ਹਨ। ਉੱਥੇ ਹੀ ਪਾਕਿਸਤਾਨ ਵਿੱਚ ਰਹਿਣ ਵਾਲੀ ਉਸਦੀ ਭੈਣ ਸਕੀਨਾ ਵੀ ਵਿਛੜੇ ਪਰਿਵਾਰ ਨੂੰ ਮਿਲ  ਕੇ ਬਹੁਤ ਖ਼ੁਸ਼ ਹੈ। ਤੁਹਾਨੂੰ ਦੱਸ ਦਈਏ ਕਿ ਇਹ ਸਭ ਰਾਇ ਸਿੰਘ ਨਗਰ ਦੇ ਰਹਿਣ ਵਾਲੇ ਕਸ਼ਮੀਰੀ ਪਰਿਵਾਰ ਦੇ ਵਕੀਲ ਹਰਪਾਲ ਸਿੰਘ ਸੂਦਨ, ਪੀਓਕੇ ਵਿੱਚ ਜ਼ੁਬੇਰ ਨਾਂਅ ਅਤੇ ਪੁੰਛ ਵਿੱਚ ਰਹਿਣ ਵਾਲੀ ਲੜਕੀ ਰੋਮੀ ਸ਼ਰਮਾ ਦੀ ਬਦੌਲਤ ਹੋਇਆ ਹੈ। ਉਨ੍ਹਾਂ ਨੇ ਪੁੰਛ ਵਿੱਚ ਰਹਿਣ ਵਾਲੇ ਵਿਛੜੇ ਪਰਿਵਾਰ ਨੂੰ ਮਿਲਾਉਣ ਲਈ ਸੋਸ਼ਲ ਮੀਡਿਆ ਉੱਤੇ ਇੱਕ ਗਰੁੱਪ ਬਣਾ ਰੱਖਿਆ ਹੈ। ਰਣਜੀਤ ਸਿੰਘ ਪਰਿਵਾਰ ਦੀ ਪਾਕਿਸਤਾਨ ਵਿੱਚ ਰਹਿ ਰਹੀ ਸਾਲਾਂ ਤੋਂ ਵਿਛੜੀ ਭੈਣ ਨਾਲ ਵੀਡਿਓ ਕਾਲਿੰਗ ਹੋਈ ਤਾਂ ਉਹ ਬਹੁਤ ਭਾਵੁਕ ਹੋ ਗਏ। ਰਣਜੀਤ ਸਿੰਘ ਦਾ ਪਰਿਵਾਰ ਹੁਣ ਜਲਦ ਕਰਤਾਰਪੁਰ ਜਾਵੇਗਾ। ਉੱਥੇ ਭੱਜੋ ਦਾ ਪਰਿਵਾਰ ਵੀ ਆਵੇਗਾ ਅਤੇ ਇੰਨ੍ਹਾਂ ਵਿਛੜੇ ਭਾਈ-ਭੈਣ ਦਾ 1947 ਤੋਂ ਬਾਅਦ ਮਿਲਾਪ ਹੋਵੇਗਾ।

ਸ਼੍ਰੀਗੰਗਾਨਗਰ : ਕਸ਼ਮੀਰ ਰਿਆਸਤ ਵਿੱਚ ਮੁਜ਼ਫ਼ਰਾਬਾਦ ਦੇ ਦੁਦਰਵੇਨਾ ਪਿੰਡ ਵਿੱਚ ਰਹਿਣ ਵਾਲੇ ਲੰਬੜਦਾਰ ਮਤਵਾਲ ਸਿੰਘ ਦਾ ਪਰਿਵਾਰ ਉਸ ਸਮੇਂ ਬੇਘਰ ਹੋ ਗਿਆ। 1947 ਦੀ ਵੰਡ ਮੌਕੇ ਮਤਵਾਲ ਸਿੰਘ ਦਾ ਪਰਿਵਾਰ ਵੀ ਹੋਰ ਲੋਕਾਂ ਦੀ ਤਰ੍ਹਾਂ ਉੱਥੋਂ ਨਿਕਲ ਆਇਆ, ਪਰ ਉਸ ਸਮੇਂ ਉਸ ਦੀ 4 ਸਾਲ ਦੀ ਪੋਤੀ ਵਿਛੜ ਗਈ।

ਮਤਵਾਲ ਸਿੰਘ ਦਾ ਪਰਿਵਾਰ ਹੁਣ ਰਾਇ ਸਿੰਘ ਨਗਰ ਵਿੱਚ ਰਹਿੰਦੀ ਹੈ। ਇਸ ਵਿੱਚ ਮਤਵਾਲ ਸਿੰਘ ਦਾ ਪੋਤਾ ਰਣਜੀਤ ਸਿੰਘ ਅਤੇ ਉਸ ਦਾ ਪਰਿਵਾਰ ਹੈ। ਵਿਛੜੀ ਹੋਈ ਉਸ ਦੀ ਭੈਣ ਭੱਜਓ ਹੁਣ ਪਾਕਿਸਤਾਨ ਵਿੱਚ ਸਕੀਨਾ ਹੈ ਅਤੇ ਇੱਕ ਸ਼ੇਖ ਨਾਲ ਉਸ ਦਾ ਵਿਆਹ ਹੋਣ ਨਾਲ ਉਸ ਦੇ ਚਾਰ ਜੁਵਾਕ ਵੀ ਹਨ।

ਹਰਪਾਲ ਸਿੰਘ ਨੇ ਦੱਸਿਆ ਕਿ ਲਗਭਗ 15 ਦਿਨ ਪਹਿਲਾਂ ਰਣਜੀਤ ਸਿੰਘ ਬਾਬਾ ਉਸ ਦੇ ਘਰ ਆਏ ਸਨ। ਉਦੋਂ ਉਸ ਨੇ ਉਨ੍ਹਾਂ ਨਾਲ ਚਰਚਾ ਕੀਤੀ ਕਿ ਉਸ ਨੇ ਇੱਕ ਵੱਟਸਐਪ ਗਰੁੱਪ ਬਣਾ ਰੱਖਿਆ ਹੈ ਜਿਸ ਵਿੱਚ ਪੀਓਕੇ ਅਤੇ ਕਸ਼ਮੀਰ ਵਿੱਚ ਪੁੰਛ ਦੇ ਰਹਿਣ ਵਾਲੇ ਵੀ ਮੈਂਬਰ ਹਨ। ਉਦੋਂ ਰਣਜੀਤ ਸਿੰਘ ਨੇ 1947 ਵਿੱਚ ਵਿਛੜੀ ਆਪਣੀ 4 ਸਾਲ ਦੀ ਭੈਣ ਭੱਜੋ ਬਾਰੇ ਵੀ ਜ਼ਿਕਰ ਕੀਤਾ।

ਉਸ ਨੇ ਇਸ ਨੂੰ ਰਿਕਾਰਡ ਕਰ ਕੇ ਉਸ ਦੇ ਵੱਟਸਐੱਪ ਗਰੁੱਪ ਵਿੱਚ ਪਾ ਦਿੱਤਾ। ਇਹ ਗਰੁੱਪ ਰੋਮੀ ਸ਼ਰਮਾ ਨੇ ਚਲਾਇਆ ਹੈ। ਇਸ ਵਿੱਚ ਰਣਜੀਤ ਸਿੰਘ ਦੀ ਵੀਡਿਓ ਤੋਂ ਪੀਓਕੇ ਦੇ ਇੱਕ ਨੌਜੁਆਨ ਜ਼ੁਬੇਰ ਨੇ ਚਰਚਾ ਕੀਤੀ ਅਤੇ ਪਤਾ ਲਾਇਆ ਕਿ ਦੁਦਰਵੇਨਾ ਵਿੱਚ ਵਿਛੜੀ ਭੱਜੋ ਹੀ ਸਕੀਨਾ ਹੈ।

ਉਸ ਨੂੰ ਪਤਾ ਲੱਗਿਆ ਕਿ ਸਕੀਨਾ ਦਾ ਪਰਿਵਾਰ ਲੰਬੜਦਾਰ ਮਤਵਾਲ ਸਿੰਘ ਦਾ ਸੀ। ਇਹ ਜਾਣਕਾਰੀ ਭੱਜੋ ਹੁਣ ਸਕੀਨਾ ਦੇ ਪੁੱਤਰ ਨੂੰ ਮਿਲੀ ਅਤੇ ਫ਼ਿਰ ਸ਼ੁਰੂ ਹੋਇਆ ਬਚਪਨ ਦੀਆਂ ਯਾਦਾਂ ਦਾ ਸਿਲਸਿਲਾ।
ਦੋਵੇਂ ਪਰਿਵਾਰਾਂ ਵਿੱਚ ਗੱਲਬਾਤ ਹੋਈ। ਹਾਲਾਂਕਿ ਭੱਜੋ ਨੂੰ ਉਸ ਦੇ ਉਥੋਂ ਦੇ ਪਰਿਵਾਰ ਵਾਲਿਆਂ ਨੇ ਦੱਸਿਆ ਸੀ ਕਿ ਉਹ ਕਸ਼ਮੀਰ ਵਿੱਚ ਮੁਜ਼ਫ਼ਰਾਬਾਦ ਦੇ ਦੁਦਰਵੇਨਾ ਦੇ ਮਤਵਾਲ ਸਿੰਘ ਦੇ ਪਰਿਵਾਰ ਵਿੱਚੋਂ ਹੈ। ਵੱਟਸਐੱਪ ਗਰੁੱਪ ਤੋਂ ਮਿਲੀ ਜਾਣਕਾਰੀ ਮਿਲਣ ਉੱਤੇ ਰਣਜੀਤ ਸਿੰਘ ਨੇ ਵੀ ਆਪਣੀ ਭੈਣ ਨੂੰ ਪਹਿਚਾਣ ਲਿਆ। ਪਰਿਵਾਰ ਨੂੰ ਹਰਪਾਲ ਸਿੰਘ ਦੀ ਮੌਜੂਦਗੀ ਵਿੱਚ ਦੋਵੇਂ ਪਰਿਵਾਰਾਂ ਦੀ ਵੀਡੀਓ ਕਾਲਿੰਗ ਹੋਈ।