ਨਵੀਂ ਦਿੱਲੀ: ਵੈਂਕਈਆ ਨਾਇਡੂ ਦੇ ਉਪ ਰਾਸ਼ਟਰਪਤੀ ਵਜੋਂ ਤਿੰਨ ਸਾਲ ਪੂਰੇ ਹੋ ਗਏ ਹਨ। ਇਸ ਮੌਕੇ ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਨੇ ਵਧਾਈ ਦਿੰਦਿਆਂ ਕਿਹਾ, "ਇਹ ਮੇਰੀ ਖ਼ੁਸ਼ਕਿਸਮਤੀ ਹੈ ਕਿ ਮੈਨੂੰ ਤੁਹਾਡੇ ਨਾਲ ਕੰਮ ਕਰਨ ਅਤੇ ਦੇਸ਼ ਦੇ ਲੋਕਾਂ ਦੀ ਸੇਵਾ ਕਰਨ ਦਾ ਮੌਕਾ ਮਿਲਿਆ ਹੈ।"
ਵੈਂਕਈਆਂ ਨਾਇਡੂ ਦੇ ਉਪ ਰਾਸ਼ਟਰਪਤੀ ਵਜੋਂ ਤਿੰਨ ਸਾਲ ਪੂਰੇ, ਰਾਸ਼ਟਰਪਤੀ ਨੇ ਦਿੱਤੀ ਵਧਾਈ
ਵੈਂਕਈਆ ਨਾਇਡੂ ਦੇ ਉਪ ਰਾਸ਼ਟਰਪਤੀ ਵਜੋਂ ਤਿੰਨ ਸਾਲ ਪੂਰੇ ਹੋ ਗਏ ਹਨ। ਇਸ ਮੌਕੇ 'ਤੇ ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਨੇ ਵਧਾਈ ਦਿੱਤੀ ਹੈ।
ਫ਼ੋਟੋ।
ਇਸ ਮੌਕੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਦਫ਼ਤਰ ਵਿੱਚ ਵੈਂਕਈਆ ਨਾਇਡੂ ਦੇ ਤੀਜੇ ਸਾਲ ਦੀ ਕਿਤਾਬ ਜਾਰੀ ਕੀਤੀ। ਕੇਂਦਰੀ ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਪ੍ਰਕਾਸ਼ ਜਾਵਡੇਕਰ ਨੇ ਕਿਤਾਬ ਦਾ ਇਲੈਕਟ੍ਰਾਨਿਕ ਸੰਸਕਰਣ ਲਾਂਚ ਕੀਤਾ।
ਕਿਤਾਬ ਬਾਰੇ ਟਿੱਪਣੀ ਕਰਦਿਆਂ ਰਾਜਨਾਥ ਸਿੰਘ ਨੇ ਕਿਹਾ, "ਪੁਸਤਕ ਦਾ ਸਿਰਲੇਖ- ਜੁੜਨਾ, ਸੰਚਾਰ ਕਰਨਾ ਅਤੇ ਰੂਪਾਂਤਰਣ - ਇਹ ਦਰਸਾਉਂਦਾ ਹੈ ਕਿ ਨਾਇਡੂ ਆਪਣੀ ਜ਼ਿੰਦਗੀ ਵਿਚ ਕੀ ਕਰਦੇ ਹਨ। ਨਾਇਡੂ ਕਹਿੰਦੇ ਹਨ ਕਿ ਰਾਸ਼ਟਰ ਪਹਿਲਾਂ, ਪਾਰਟੀ ਅਗਲਾ ਅਤੇ ਆਪਣਾ ਆਪ ਆਖ਼ਰੀ। ਇਸ ਕਿਤਾਬ ਵਿਚ ਨਾਇਡੂ ਦੇ ਬਹੁਤ ਸਾਰੇ ਭਾਸ਼ਣ ਹਨ। ਇਹ ਪਾਠਕਾਂ ਨੂੰ ਗਿਆਨ ਦਾ ਨਵਾਂ ਦ੍ਰਿਸ਼ਟੀਕੋਣ ਦੇਵੇਗੀ।"