ਹੈਦਰਾਬਾਦ : ਓੜੀਸ਼ਾ ਵਿੱਚ 3 ਮਈ ਨੂੰ ਆਏ ਚੱਕਰਵਾਤੀ ਤੂਫ਼ਾਨ ਫ਼ਾਨੀ ਕਾਰਨ ਸੂਬੇ ਵਿੱਚ ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ 64 ਹੋ ਗਈ ਹੈ।
ਵਿਸ਼ੇਸ਼ ਰਾਹਤ ਕਮਿਸ਼ਨਰ ਦੇ ਦਫ਼ਤਰ ਤੋਂ ਜਾਰੀ ਇੱਕ ਚੱਕਰਵਾਤ ਹਾਲਾਤ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਬੁਰੀ ਤਰ੍ਹਾਂ ਪ੍ਰਭਾਵਿਤ ਪੁਰੀ ਵਿੱਚ 39 ਮੌਤਾਂ ਹੋਈਆਂ ਹਨ, ਜਦਕਿ 9 ਮੌਤਾਂ ਖੁਧਰਾਂ ਅਤੇ 6 ਕਟਕ ਸ਼ਹਿਰ ਵਿੱਚ ਹੋਈਆਂ ਹਨ।
ਰਿਪੋਰਟ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ 4 ਲੋਕਾਂ ਦੀ ਮੌਤ ਮਿਉਰਭੰਜ ਜ਼ਿਲ੍ਹੇ ਵਿੱਚ ਅਤੇ 3-3 ਮੌਤਾਂ ਜਾਜਪੁਰ ਅਤੇ ਕੇਂਦਰਾਪਾੜਾ ਵਿੱਚ ਹੋਈਆਂ ਹਨ। ਤੂਫ਼ਾਨ ਕਾਰਨ 14 ਜ਼ਿਲ੍ਹਿਆਂ ਵਿੱਚ ਕੁੱਲ 1.64 ਕਰੋੜ ਲੋਕ ਪ੍ਰਭਾਵਿਤ ਹੋਏ ਹਨ।
ਇਸ ਹਾਦਸੇ ਨੂੰ ਲੈ ਕੇ ਸੂਬੇ ਦੇ ਮੁੱਖ ਮੰਤਰੀ ਨਵੀਨ ਪਟਨਾਇਕ ਨੇ ਐਲਾਨ ਕੀਤਾ ਕਿ ਉਨ੍ਹਾਂ ਪਰਿਵਾਰਾਂ ਲਈ ਸਥਾਈ ਮਕਾਨਾਂ ਦੀ ਮੰਨਜ਼ੂਰੀ ਦਿੱਤੀ ਜਾਵੇਗੀ, ਜਿੰਨ੍ਹਾਂ ਦੇ ਇਸ ਕਰੋਪੀ ਦੌਰਾਨ ਮਕਾਨ ਤਬਾਹ ਹੋਏ ਹਨ।
ਉਨ੍ਹਾਂ ਕਿਹਾ ਕਿ ਮਕਾਨਾਂ ਦੇ ਨੁਕਸਾਨ ਦੀ ਅੰਕੜਿਆਂ ਦਾ ਕੰਮ 15 ਮਈ ਤੋਂ ਸ਼ੁਰੂ ਹੋਵੇਗਾ ਅਤੇ 1 ਹਫ਼ਤੇ ਦੇ ਅੰਦਰ ਪੂਰਾ ਹੋ ਜਾਵੇਗਾ।
