ਨਵੀਂ ਦਿੱਲੀ: ਇੱਕ ਨਵੇਂ ਸਰਵੇ ਰਾਹੀਂ ਖ਼ੁਲਾਸਾ ਹੋਇਆ ਹੈ ਕਿ ਭਾਰਤੀ ਵਿਆਹਾਂ ਵਿੱਚ ਅਸੁਰੱਖਿਆ ਦੀ ਭਾਵਨਾ ਵਧੀ ਹੈ। ਸਰਵੇ ਮੁਤਾਬਕ 45 ਫ਼ੀਸਦੀ ਭਾਰਤੀ ਗੁਪਤ ਤਰੀਕੇ ਨਾਲ ਆਪਣੇ ਸਾਥੀ ਦੇ ਫ਼ੋਨ ਦੀ ਜਾਂਚ ਕਰਨਾ ਚਾਹੁੰਦੇ ਹਨ ਅਤੇ 55 ਫ਼ੀਸਦੀ ਪਹਿਲਾਂ ਹੀ ਅਜਿਹਾ ਕਰ ਚੁੱਕੇ ਹਨ।
ਹਾਟਸਟਾਰ 'ਆਉਟ ਆਫ਼ ਲਵ' ਸਰਵੇ ਮੁਤਾਬਕ, ਧੋਖਾ ਖਾਣ ਤੋਂ ਸਭ ਤੋਂ ਵੱਧ ਡਰ ਉੱਤਰ ਭਾਰਤ(32 ਫ਼ੀਸਦ) ਅਤੇ ਪੂਰਬ ਭਾਰਤ(31 ਫ਼ੀਸਦ) ਵਿੱਚ ਹੈ। ਜਦੋਂ ਕਿ ਪੱਛਮ ਅਤੇ ਦੱਖਣ ਵਿੱਚ ਇਹ ਡਰ ਔਸਤਨ 21 ਫ਼ੀਸਦ ਹੈ। ਅਜਿਹਾ ਸ਼ੱਕ ਸਭ ਤੋਂ ਵੱਧ ਜੈਪੁਰ, ਲਖਨਓ ਅਤੇ ਪਟਨਾ ਵਿੱਚ ਹੈ। ਜਦੋਂ ਬੈਂਗਲੁਰੂ ਅਤੇ ਪੁਣੇ ਵਿੱਚ ਸਭ ਤੋਂ ਘੱਟ ਹੈ।
ਸਰਵੇ ਵਿੱਚ ਦੱਸਿਆ ਗਿਆ ਹੈ ਕਿ ਸਰਵੇ ਵਿੱਚ ਭਾਗ ਲੈਣ ਵਾਲੇ ਮੁੰਬਈ ਅਤੇ ਦਿੱਲੀ ਦੇ ਜ਼ਿਆਦਾ ਲੋਕਾਂ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਨੇ ਆਪਣੇ ਸਾਥੀ ਦੀ ਜਾਣਕਾਰੀ ਦੇ ਬਿਨਾਂ ਉਨ੍ਹਾਂ ਦੇ ਫ਼ੋਨ ਦੀ ਜਾਂਚ ਕੀਤੀ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਇਸ ਵਿੱਚ ਪ੍ਰੇਮ ਵਿਆਹ ਕਰਵਾਉਣ ਵਾਲਿਆਂ ਨੇ ਅਜਿਹਾ 62 ਫ਼ੀਸਦ ਕੀਤਾ ਹੈ। ਉੱਥੇ ਹੀ ਪਰਿਵਾਰ ਵਾਲਿਆਂ ਦੀ ਰਜ਼ਾਮੰਦੀ ਨਾਲ ਵਿਆਹ ਕਰਨ ਵਾਲਿਆਂ ਨੇ 52 ਫ਼ੀਸਦ ਅਜਿਹਾ ਕੀਤਾ ਹੈ।