ਪਾਣੀ ਦੀ ਘਾਟ ਕਾਰਨ ਕਿਸਾਨ ਨੇ ਝੋਨੇ ਦੀ ਫ਼ਸਲ ਵਾਹੀ, ਕਿਹਾ-ਬਿਜਲੀ ਸਪਲਾਈ ਨਾ ਮਿਲਣ ਕਾਰਣ ਖੜ੍ਹਾ ਝੋਨਾ ਸੁੱਕਿਆ
Published : Jul 26, 2024, 7:19 PM IST
|Updated : Aug 16, 2024, 7:36 PM IST
ਬਰਨਾਲਾ ਜ਼ਿਲ੍ਹੇ ਦੇ ਪਿੰਡ ਗਾਗੇਵਾਲ ਵਿਖੇ ਇੱਕ ਕਿਸਾਨ ਨੂੰ ਪਾਣੀ ਦੀ ਘਾਟ ਦੇ ਚੱਲਦਿਆਂ ਝੋਨੇ ਦੀ ਖੜ੍ਹੀ ਦੋ ਏਕੜ ਫ਼ਸਲ ਵਾਹੁਣ ਲਈ ਮਜਬੂਰ ਹੋਣਾ ਪਿਆ ਹੈ। ਪੀੜਤ ਕਿਸਾਨ ਜਸਵਿੰਦਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਉਹ ਠੇਕੇ ’ਤੇ ਜ਼ਮੀਨ ਲੈ ਕੇ ਖੇਤੀ ਕਰਦਾ ਹੈ। ਉਸ ਵੱਲੋਂ ਕਰੀਬ 8 ਏਕੜ ਝੋਨੇ ਦੀ ਫ਼ਸਲ ਲਗਾਈ ਗਈ ਪਰ ਖੇਤੀ ਸੈਕਟਰ ਲਈ ਬਿਜਲੀ ਸਪਲਾਈ ਪੂਰੀ ਨਹੀਂ ਮਿਲ ਰਹੀ। ਦਿਨ ਵਿੱਚ ਸਿਰਫ਼ 2 ਤੋਂ 3 ਘੰਟੇ ਹੀ ਬਿਜਲੀ ਆਉਂਦੀ ਸੀ। ਜਿਸ ਕਾਰਨ ਪਾਣੀ ਪੂਰਾ ਨਾ ਹੋਇਆ ਅਤੇ ਝੋਨੇ ਦੀ ਫ਼ਸਲ ਸੁੱਕ ਗਈ। ਜਿਸ ਕਰਕੇ ਉਸ ਨੂੰ ਦੋ ਏਕੜ ਦੇ ਕਰੀਬ ਖੜ੍ਹਾ ਝੋਨਾ ਵਾਹੁਣਾ ਪਿਆ ਹੈ।