ਹੈਦਰਾਬਾਦ:YouTube ਨੇ ਭਾਰਤ ਵਿੱਚ ਕਲਿੱਕਬੇਟ ਥੰਬਨੇਲ ਜਾਂ ਟਾਈਟਲ ਪੋਸਟ ਕਰਨ ਵਾਲੇ ਵੀਡੀਓਜ਼ ਦੇ ਖਿਲਾਫ ਸੁਧਾਰਾਤਮਕ ਕਦਮ ਚੁੱਕਣ ਦਾ ਐਲਾਨ ਕੀਤਾ ਹੈ। ਗੂਗਲ ਦੀ ਅਗਵਾਈ ਵਾਲੀ ਕੰਪਨੀ ਦਾ ਕਹਿਣਾ ਹੈ ਕਿ ਕਲਿੱਕਬੇਟ ਥੰਬਨੇਲ ਜਾਂ ਸਿਰਲੇਖਾਂ ਨੂੰ ਖਤਮ ਕਰਨਾ ਮਦਦਗਾਰ ਹੋਵੇਗਾ, ਖਾਸ ਕਰਕੇ ਬ੍ਰੇਕਿੰਗ ਨਿਊਜ਼ ਜਾਂ ਮੌਜੂਦਾ ਘਟਨਾਵਾਂ ਵਰਗੇ ਵਿਸ਼ਿਆਂ 'ਚ, ਤਾਂਕਿ ਵੀਡੀਓ-ਸਟ੍ਰੀਮਿੰਗ ਪਲੇਟਫਾਰਮ 'ਤੇ ਦਰਸ਼ਕਾਂ ਨੂੰ ਗੁੰਮਰਾਹ ਹੋਣ ਤੋਂ ਬਚਾਇਆ ਜਾ ਸਕੇ।
ਕਲਿਕਬੇਟ ਥੰਬਨੇਲ ਅਤੇ ਸਿਰਲੇਖਾਂ 'ਤੇ ਯੂਟਿਊਬ ਦੀ ਕਾਰਵਾਈ
ਗੂਗਲ ਦੁਆਰਾ ਇੱਕ ਬਲੌਗ ਪੋਸਟ ਵਿੱਚ ਯੂਟਿਊਬ ਨੇ ਭਾਰਤ ਵਿੱਚ ਕਲਿੱਕਬੇਟ ਥੰਬਨੇਲ ਅਤੇ ਸਿਰਲੇਖਾਂ 'ਤੇ ਆਪਣੀ ਕਾਰਵਾਈ ਦੀ ਵਿਆਖਿਆ ਕੀਤੀ ਹੈ। ਕੁਝ ਕ੍ਰਿਏਟਰਸ ਆਪਣੇ ਵੀਡੀਓਜ਼ ਲਈ ਅਪਮਾਨਜਨਕ ਥੰਬਨੇਲ ਜਾਂ ਸਿਰਲੇਖਾਂ ਦੀ ਵਰਤੋਂ ਕਰਦੇ ਹਨ, ਜੋ ਦਰਸ਼ਕਾਂ ਵਿੱਚ ਅਣਚਾਹੇ ਤਤਕਾਲਤਾ ਦੀ ਭਾਵਨਾ ਪੈਦਾ ਕਰਦੇ ਹਨ। ਇਹ ਦਰਸ਼ਕਾਂ ਨੂੰ ਵੀਡੀਓਜ਼ ਦੇਖਣ ਲਈ ਕਲਿੱਕ ਕਰਨ ਲਈ ਪ੍ਰੇਰਿਤ ਕਰਦੇ ਹਨ ਪਰ ਜਦੋਂ ਉਹ ਵੀਡੀਓਜ਼ ਖੋਲ੍ਹਦੇ ਹਨ ਤਾਂ ਵਿੱਚੋ ਕੁਝ ਹੋਰ ਮਿਲਦਾ ਹੈ।
ਉਦਾਹਰਨ ਲਈ ਇੱਕ ਵੀਡੀਓ ਦਾ ਸਿਰਲੇਖ ਹੈ ਕਿ 'ਰਾਸ਼ਟਰਪਤੀ ਨੇ ਅਸਤੀਫਾ ਦਿੱਤਾ!' ਜਦਕਿ ਵੀਡੀਓ ਵਿੱਚ ਰਾਸ਼ਟਰਪਤੀ ਦੇ ਅਸਤੀਫ਼ੇ ਬਾਰੇ ਕੁਝ ਨਹੀਂ ਕਿਹਾ ਗਿਆ ਹੈ ਜਾਂ ਵੀਡੀਓ 'ਤੇ ਟੌਪ ਪੋਲੀਟਿਕਲ ਨਿਊਜ਼ ਕਹਿਣ ਵਾਲਾ ਇੱਕ ਥੰਬਨੇਲ, ਜਿਸ ਵਿੱਚ ਕੋਈ ਵੀ ਖਬਰ ਕਵਰੇਜ ਸ਼ਾਮਲ ਨਹੀਂ ਹੈ। ਅਜਿਹੀ ਖਬਰ ਦਰਸ਼ਕਾਂ ਵਿੱਚ ਬਹੁਤ ਗਲਤ ਜਾਣਕਾਰੀ ਫੈਲਾਉਂਦੀ ਹੈ।
ਬਲੌਗ ਪੋਸਟ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ YouTube ਵੀਡੀਓ ਨਿਰਮਾਤਾਵਾਂ ਨੂੰ ਨਵੇਂ ਲਾਗੂਕਰਨ ਅਪਡੇਟ ਦੇ ਅਨੁਕੂਲ ਹੋਣ ਲਈ ਸਮਾਂ ਦੇਵੇਗਾ। ਦਿੱਤੇ ਗਏ ਸਮੇਂ ਤੋਂ ਬਾਅਦ YouTube ਬਿਨ੍ਹਾਂ ਕਿਸੇ ਸਟ੍ਰਾਈਕ ਜਾਰੀ ਕੀਤੇ ਨੀਤੀ ਦੀ ਉਲੰਘਣਾ ਕਰਨ ਵਾਲੀ ਕਲਿੱਕਬੇਟ ਕੰਟੈਟ ਨੂੰ ਹਟਾਉਣਾ ਸ਼ੁਰੂ ਕਰ ਦੇਵੇਗਾ।
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ YouTube ਨੇ ਰਜਿਸਟਰਡ ਸਿਹਤ ਪੇਸ਼ੇਵਰਾਂ ਨੂੰ ਭਾਰਤ ਵਿੱਚ ਵੱਧ ਤੋਂ ਵੱਧ ਲੋਕਾਂ ਤੱਕ ਪਹੁੰਚਣ ਵਿੱਚ ਮਦਦ ਕਰਨ ਲਈ ਆਪਣੇ ਪਲੇਟਫਾਰਮ 'ਤੇ ਨਵੀਆਂ ਵਿਸ਼ੇਸ਼ਤਾਵਾਂ ਪੇਸ਼ ਕੀਤੀਆਂ ਸਨ। ਨਵੀਆਂ ਵਿਸ਼ੇਸ਼ਤਾਵਾਂ ਦਰਸ਼ਕਾਂ ਨੂੰ ਵਰਣਨ ਦੇ ਉੱਪਰ ਇੱਕ ਹਾਈਲਾਈਟ ਨੋਟ ਦਿਖਾਉਂਦੀਆਂ ਹਨ, ਜੋ ਵੀਡੀਓ ਨੂੰ ਮਾਨਤਾ ਪ੍ਰਾਪਤ ਸਿਹਤ ਸੰਸਥਾ ਜਿਵੇਂ ਕਿ ਏਮਜ਼, ਨਿਮਹਾਂਸ ਜਾਂ ਅਪੋਲੋ ਹਸਪਤਾਲਾਂ ਦੁਆਰਾ ਪ੍ਰਕਾਸ਼ਿਤ ਕੀਤੇ ਜਾਣ ਦੀ ਪੁਸ਼ਟੀ ਕਰਦੀਆਂ ਹਨ।
ਇਹ ਵੀ ਪੜ੍ਹੋ:-
