ਵਟਸਐਪ ਯੂਜ਼ਰਸ ਨੂੰ ਜਲਦ ਮਿਲੇਗਾ 'Sticker Creation Shortcuts' ਫੀਚਰ, ਸਾਹਮਣੇ ਆਇਆ ਸਕ੍ਰੀਨਸ਼ਾਰਟ - WhatsApp Sticker Creation Shortcuts

WhatsApp Sticker Creation Shortcuts: ਵਟਸਐਪ ਯੂਜ਼ਰਸ ਨੂੰ ਇੱਕ ਨਵਾਂ ਅਪਡੇਟ ਮਿਲਣ ਵਾਲਾ ਹੈ। ਦੱਸ ਦਈਏ ਕਿ ਪਿਛਲੇ ਹਫ਼ਤੇ ਹੀ ਕੰਪਨੀ ਨੇ ਵਟਸਐਪ ਬੀਟਾ ਫਾਰ iOS ਯੂਜ਼ਰਸ ਲਈ 'Sticker Creation Shortcuts' ਨੂੰ ਰੋਲਆਊਟ ਕੀਤਾ ਸੀ। ਹੁਣ ਕੰਪਨੀ ਇਹ ਫੀਚਰ ਐਂਡਰਾਈਡ ਯੂਜ਼ਰਸ ਲਈ ਲੈ ਕੇ ਆ ਰਹੀ ਹੈ।

ਹੈਦਰਾਬਾਦ: ਵਟਸਐਪ ਦਾ ਇਸਤੇਮਾਲ ਕਰੋੜਾਂ ਯੂਜ਼ਰਸ ਕਰਦੇ ਹਨ। ਇਸ ਲਈ ਕੰਪਨੀ ਯੂਜ਼ਰਸ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਨਵੇਂ ਅਪਡੇਟ ਪੇਸ਼ ਕਰਦੀ ਰਹਿੰਦੀ ਹੈ। ਕੰਪਨੀ ਨੇ ਪਿਛਲੇ ਹਫ਼ਤੇ ਹੀ ਵਟਸਐਪ ਬੀਟਾ ਫਾਰ iOS ਲਈ 'Sticker Creation Shortcuts' ਨੂੰ ਰੋਲਆਊਟ ਕੀਤਾ ਸੀ। ਹੁਣ ਕੰਪਨੀ ਇਸ ਫੀਚਰ ਨੂੰ ਐਂਡਰਾਈਡ ਯੂਜ਼ਰਸ ਲਈ ਪੇਸ਼ ਕਰਨ ਦੀ ਤਿਆਰੀ 'ਚ ਹੈ। WABetaInfo ਅਨੁਸਾਰ, ਐਂਡਰਾਈਡ ਯੂਜ਼ਰਸ ਲਈ 'Sticker Creation Shortcuts' ਫੀਚਰ ਆਫ਼ਰ ਕੀਤਾ ਜਾ ਰਿਹਾ ਹੈ। ਇਸ ਫੀਚਰ ਨੂੰ WABetaInfo ਨੇ ਵਟਸਐਪ ਬੀਟਾ ਫਾਰ ਐਂਡਰਾਈਡ 2.24.10.23 'ਚ ਦੇਖਿਆ ਹੈ। ਇਹ ਅਪਡੇਟ ਗੂਗਲ ਪਲੇ ਸਟੋਰ 'ਤੇ ਮੌਜ਼ੂਦ ਹੈ।

WABetaInfo ਨੇ ਸ਼ੇਅਰ ਕੀਤਾ ਸਕ੍ਰੀਨਸ਼ਾਰਟ: WABetaInfo ਨੇ ਨਵੇਂ ਅਪਡੇਟ ਦਾ ਸਕ੍ਰੀਨਸ਼ਾਰਟ ਸ਼ੇਅਰ ਕੀਤਾ ਹੈ। ਇਸ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਵਟਸਐਪ ਨਾਰਮਲ ਸਟਿੱਕਰ ਕ੍ਰਿਏਸ਼ਨ ਟੂਲ ਨੂੰ AI ਆਧਾਰਿਤ ਸਟਿੱਕਰ ਕ੍ਰਿਏਸ਼ਨ ਫੀਚਰ ਤੋਂ ਅਲੱਗ ਕਰ ਰਿਹਾ ਹੈ। ਦੱਸ ਦਈਏ ਕਿ iOS ਦੀ ਤਰ੍ਹਾਂ ਹੀ ਐਂਡਰਾਈਡ ਯੂਜ਼ਰਸ ਨੂੰ ਫੋਟੋ ਲਾਇਬ੍ਰੇਰੀ ਤੋਂ ਪਰਸਨਲ ਸਟਿੱਕਰ ਬਣਾਉਣ ਵਾਲੇ ਆਪਸ਼ਨ ਦਾ ਇਸਤੇਮਾਲ ਕਰਕੇ AI ਜਨਰੇਟ ਸਟਿੱਕਰ ਨੂੰ ਕ੍ਰਿਏਟ ਕਰਨਾ ਪੈਂਦਾ ਹੈ। ਇਸ ਲਈ ਫੋਨ ਦੀ ਸਕ੍ਰੀਨ 'ਤੇ ਦੋ ਪਾਪ-ਅੱਪ ਆਉਦੇ ਹਨ। ਇਸ 'ਚ ਯੂਜ਼ਰਸ ਨੂੰ AI ਪਾਵਰਡ ਸਟਿੱਕਰ ਆਪਸ਼ਨ ਜਲਦੀ ਨਹੀਂ ਦਿਖਦਾ। ਨਵੇਂ ਅਪਡੇਟ ਤੋਂ ਬਾਅਦ ਇਹ ਸਮੱਸਿਆ ਖਤਮ ਹੋ ਜਾਵੇਗੀ।

ਕੁਝ ਯੂਜ਼ਰਸ ਨੂੰ ਮਿਲਿਆ ਨਵਾਂ ਫੀਚਰ: ਨਵੇਂ ਅਪਡੇਟ 'ਚ ਯੂਜ਼ਰਸ ਨੂੰ ਫੋਟੋ ਲਾਇਬ੍ਰੇਰੀ ਅਤੇ AI ਤੋਂ ਸਟਿੱਕਰ ਕ੍ਰਿਏਟ ਕਰਨ ਦਾ ਆਪਸ਼ਨ ਮਿਲ ਰਿਹਾ ਹੈ। ਜੇਕਰ ਤੁਸੀਂ ਬੀਟਾ ਯੂਜ਼ਰਸ ਹੋ, ਤਾਂ ਇਸ ਫੀਚਰ ਨੂੰ ਵਟਸਐਪ ਬੀਟਾ ਫਾਰ ਐਂਡਰਾਈਡ 2.24.10.23 'ਚ ਡਾਊਨਲੋਡ ਕਰਕੇ ਇਸਤੇਮਾਲ ਕਰ ਸਕਦੇ ਹੋ। ਕੰਪਨੀ ਇਸ ਫੀਚਰ ਨੂੰ ਅਜੇ ਕੁਝ ਦੇਸ਼ਾਂ ਦੇ ਬੀਟਾ ਯੂਜ਼ਰਸ ਲਈ ਲੈ ਕੇ ਆਈ ਹੈ। ਬੀਟਾ ਟੈਸਟਿੰਗ ਪੂਰੀ ਹੋਣ ਤੋਂ ਬਾਅਦ ਕੰਪਨੀ ਇਸ ਫੀਚਰ ਨੂੰ ਹੋਰਨਾਂ ਯੂਜ਼ਰਸ ਲਈ ਵੀ ਰੋਲਆਊਟ ਕਰ ਦੇਵੇਗੀ।