ਅੰਮ੍ਰਿਤਸਰ ਦੇ ਰਾਜਾਸਾਂਸੀ 'ਚ ਨਹਿਰ 'ਚੋਂ 3 ਲਾਪਤਾ ਬੱਚਿਆਂ ਦੀਆਂ ਲਾਸ਼ਾਂ ਬਰਾਮਦ - 3 Bodies missing children recovered

ਚਾਅ-ਚਾਅ 'ਚ ਕਦੋਂ ਕਿਸੇ ਦੀ ਜਾਨ ਚੱਲੀ ਜਾਵੇ ਇਸ ਬਾਰੇ ਕੁੱਝ ਨਹੀਂ ਕਿਹਾ ਜਾ ਸਕਦਾ। ਅਜਿਹੀ ਹੀ ਘਟਨਾ ਅੰਮ੍ਰਿਤਸਰ ਦੇ ਰਾਜਾਸਾਂਸੀ 'ਚ ਵਾਪਰੀ ਹੈ। ਪੂਰਾ ਮਾਮਲਾ ਪੜਨ ਲਈ ਖ਼ਬਰ ਪੜ੍ਹੋ।

ਅੰਮ੍ਰਿਤਸਰ: ਗਰਮੀ ਆਉਂਦੇ ਹੀ ਬੱਚੇ ਹੋਣ ਜਾਂ ਨੌਜਵਾਨ ਨਹਿਰਾਂ 'ਚ ਨਹਾਉਣ ਦਾ ਕਰੇਜ ਦੋਵਾਂ 'ਚ ਵਿਖਾਈ ਦਿੰਦਾ ਹੈ ਪਰ ਇਹ ਕਰੇਜ ਕਦੋਂ ਕਿਸ ਦੀ ਜਾਨ ਲੈ ਲਵੇ ਅਤੇ ਕਦੋਂ ਕਿਸ ਦਾ ਘਰ ਉਜੜ ਜਾਵੇ ਇਸ ਦਾ ਕੋਈ ਅੰਦਾਜ਼ਾ ਨਹੀਂ ਲਗਾ ਸਕਦਾ। ਅਜਿਹਾ ਹੀ ਅੰਮ੍ਰਿਤਸਰ ਦੇ ਰਾਜਾਸਾਂਸੀ 'ਚ ਵੇਖਣ ਨੂੰ ਮਿਿਲਆ ਹੈ, ਜਿੱਥੇ ਗਰਮੀ ਤੋਂ ਬਚਾਅ ਲਈ ਨਹਿਰ 'ਚ ਨਹਾਉਣ ਗਏ 3 ਬਚੇ ਪਾਣੀ 'ਚ ਡੁੱਬ ਗਏ ਅਤੇ ਤਿੰਨਾਂ ਬੱਚਿਆਂ ਦੀ ਮੌਤ ਹੋ ਗਈ।

ਮ੍ਰਿਤਕ ਬੱਚਿਆਂ ਦੀ ਪਛਾਣ:ਪੁਲਿਸ ਨੇ ਤਿੰਨੋਂ ਬੱਚਿਆਂ ਦੀਆਂ ਲਾਸ਼ਾਂ ਨੂੰ ਬਰਾਮਦ ਕਰ ਲਿਆ ਅਤੇ ਮ੍ਰਿਤਕ ਬੱਚਿਆਂ ਦੀ ਪਛਾਣ ਲਵਪ੍ਰੀਤ, ਕ੍ਰਿਸ਼ਨ ਅਤੇ ਜਸਕਰਨ ਵਜੋਂ ਹੋਈ ਹੈ। ਜਿਨ੍ਹਾਂ ਦੀ ਉਮਰ 15, 17 ਅਤੇ 13 ਸਾਲ ਦੱਸੀ ਜਾ ਰਹੀ ਹੈ। ਪਰਿਵਾਰ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ ।ਉਥੇ ਹੀ ਪੀੜਿਤ ਪਰਿਵਾਰ ਨੇ ਇਨਸਾਫ਼ ਦੀ ਗੁਹਾਰ ਲਗਾਈ ਹੈ। ਅੱਜ ਤਿੰਨਾਂ ਬੱਚਿਆਂ ਦਾ ਪੋਸਟਮਾਰਟਮ ਕਰਵਾਇਆ ਜਾ ਰਿਹਾ ਹੈ।

ਪੁਲਿਸ ਅਧਿਕਾਰੀ ਦਾ ਬਿਆਨ: ਇਸ ਮੌਕੇ ਪੁਲਿਸ ਅਧਿਕਾਰੀ ਨੇ ਮੀਡੀਆ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਹ ਬੱਚੇ ਤਿੰਨੇ ਤੋਲੇ ਨੰਗਲ ਦੇ ਰਹਿਣ ਵਾਲੇ ਸੀ। ਇਹ ਆਪਣੇ ਨੇੜੇ ਨਹਿਰ 'ਚ ਨਹਾਉਣ ਗਏ ਸੀ ਅਤੇ ਪਾਣੀ ਤੇਜ਼ ਹੋਣ ਕਾਰਨ ਰੱਸੀ ਟੁੱਟ ਗਈ ਅਤੇ 3 ਬੱਚੇ ਪਾਣੀ 'ਚ ਰੁੜ੍ਹ ਗਏ ਜਦਕਿ ਇੱਕ ਬੱਚੇ ਨੂੰ ਬਚਾ ਲਿਆ ਗਿਆ। ਪੁਲਿਸ ਅਧਿਕਾਰੀ ਨੇ ਆਖਿਆ ਕਿ ਨਹਿਰੀ ਵਿਭਾਗ ਵੱਲੋਂ ਕਈ ਵਾਰ ਪਿੰਡ ਵਾਸੀਆਂ ਨੂੰ ਆਦੇਸ਼ ਦਿੱਤੇ ਗਏ ਨੇ ਕਿ ਕੋਈ ਵੀ ਨਹਿਰ 'ਚ ਨਹਾਉਣ ਲਈ ਨਾ ਜਾਵੇ ਪਰ ਪਿੰਡ ਵਾਸੀਆਂ 'ਤੇ ਕੋਈ ਵੀ ਅਸਰ ਦਿਖਾਈ ਨਹੀਂ ਦੇ ਰਿਹਾ।