ਨਵੀਂ ਦਿੱਲੀ:ਮਹਿਲਾ ਪ੍ਰੀਮੀਅਰ ਲੀਗ (ਡਬਲਿਊ. ਪੀ. ਐੱਲ.) ਦੀ ਫਾਈਨਲ ਜੇਤੂ ਟੀਮ ਦਾ ਐਤਵਾਰ ਨੂੰ ਫੈਸਲਾ ਹੋ ਗਿਆ ਹੈ। ਬੈਂਗਲੁਰੂ ਨੇ ਆਪਣੇ ਵਿਰੋਧੀ ਦਿੱਲੀ ਨੂੰ ਹਰਾ ਕੇ ਟਰਾਫੀ ਜਿੱਤੀ। ਆਰਸੀਬੀ ਫਰੈਂਚਾਈਜ਼ੀ ਨੇ ਲੀਗ ਦੇ 16 ਸਾਲਾਂ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਟਰਾਫੀ ਜਿੱਤੀ ਹੈ, ਆਰਸੀਬੀ ਦੇ ਪ੍ਰਸ਼ੰਸਕਾਂ ਨੇ ਲੰਬੇ ਇੰਤਜ਼ਾਰ ਤੋਂ ਬਾਅਦ ਉਨ੍ਹਾਂ ਨੂੰ ਟਰਾਫੀ ਜਿੱਤਦੇ ਹੋਏ ਦੇਖਿਆ ਹੈ। ਟੀਮ ਆਈਪੀਐਲ ਵਿੱਚ ਕਈ ਵਾਰ ਫਾਈਨਲ ਵਿੱਚ ਪਹੁੰਚੀ ਪਰ ਟਰਾਫੀ ਨਹੀਂ ਜਿੱਤ ਸਕੀ। ਅੱਜ ਆਰਸੀਬੀ, ਇਸ ਦੇ ਪ੍ਰਸ਼ੰਸਕਾਂ ਅਤੇ ਆਰਸੀਬੀ ਲਈ ਖੇਡਣ ਵਾਲੇ ਖਿਡਾਰੀਆਂ ਦਾ ਸੁਪਨਾ ਪੂਰਾ ਹੋ ਗਿਆ ਹੈ।
ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਨੇ ਲਿਖਿਆ : ਇਸ ਜਿੱਤ ਤੋਂ ਬਾਅਦ ਦੁਨੀਆ ਦੇ ਸਾਰੇ ਮਹਾਨ ਕ੍ਰਿਕਟਰਾਂ ਨੇ ਵੀ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਮਹਾਨ ਕ੍ਰਿਕਟ ਬੱਲੇਬਾਜ਼ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਨੇ ਲਿਖਿਆ ਹੈ ਕਿ ਮਹਿਲਾ ਟੀ-20 ਖਿਤਾਬ ਜਿੱਤਣ 'ਤੇ ਆਰਸੀਬੀ ਨੂੰ ਵਧਾਈ। ਭਾਰਤ ਵਿੱਚ ਮਹਿਲਾ ਕ੍ਰਿਕਟ ਤਰੱਕੀ ਕਰ ਰਹੀ ਹੈ ਅਤੇ ਲਗਾਤਾਰ ਉੱਭਰ ਰਹੀ ਹੈ। ਭਾਰਤੀ ਟੀਮ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਨੇ ਵੀ ਪ੍ਰਤੀਕਿਰਿਆ ਦਿੱਤੀ ਹੈ। ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਕੀਤੀ ਇਕ ਪੋਸਟ 'ਚ ਸਹਿਵਾਗ ਨੇ ਲਿਖਿਆ ਕਿ WPL ਜਿੱਤਣ 'ਤੇ RCB ਨੂੰ ਬਹੁਤ-ਬਹੁਤ ਵਧਾਈਆਂ। ਤੁਸੀਂ ਔਖੇ ਹਾਲਾਤਾਂ ਵਿੱਚ ਬਹੁਤ ਵਧੀਆ ਸੁਭਾਅ ਦਿਖਾਇਆ। ਤੁਸੀਂ ਇੱਕ ਯੋਗ ਜੇਤੂ ਹੋ।