ਚੰਡੀਗੜ੍ਹ:ਪਿਛਲੇ ਹਫਤੇ 15 ਮਾਰਚ ਨੂੰ ਪੰਜਾਬੀ ਫਿਲਮ 'ਜੱਟ ਨੂੰ ਚੁੜੈਲ ਟੱਕਰੀ' ਨੇ ਸਿਨੇਮਾਘਰਾਂ 'ਚ ਦਸਤਕ ਦਿੱਤੀ ਸੀ। ਗਿੱਪੀ ਗਰੇਵਾਲ, ਸਰਗੁਣ ਮਹਿਤਾ ਅਤੇ ਰੂਪੀ ਗਿੱਲ ਸਟਾਰਰ ਕਾਮੇਡੀ ਹੌਰਰ ਪੰਜਾਬੀ ਫਿਲਮ ਨੇ ਰਿਲੀਜ਼ ਹੁੰਦੇ ਹੀ ਸਿਨੇਮਾਘਰਾਂ ਨੂੰ ਹਿਲਾ ਰੱਖ ਮਚਾ ਕੇ ਰੱਖ ਦਿੱਤੀ। ਸਰਗੁਣ ਮਹਿਤਾ ਅਤੇ ਗਿੱਪੀ ਗਰੇਵਾਲ ਸਟਾਰਰ ਇਹ ਫਿਲਮ ਦੇਸ਼ ਭਰ 'ਚ ਰਿਲੀਜ਼ ਹੋਈ ਸੀ। ਇਹ ਪੰਜਾਬੀ ਫਿਲਮ ਪੰਜਾਬ ਦੇ ਸਿਨੇਮਾਘਰਾਂ ਵਿੱਚ ਖੂਬ ਧੂਮ ਮਚਾ ਰਹੀ ਹੈ।
ਜਿੱਥੇ ਇੱਕ ਪਾਸੇ 'ਸ਼ੈਤਾਨ' ਅਤੇ 'ਯੋਧਾ' ਚੰਗੀ ਕਮਾਈ ਲਈ ਆਪਸ ਵਿੱਚ ਮੁਕਾਬਲਾ ਕਰ ਰਹੀਆਂ ਹਨ, ਉੱਥੇ ਹੀ ਦੂਜੇ ਪਾਸੇ ਪੰਜਾਬ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਇਹ ਫਿਲਮ ਬਾਕਸ ਆਫਿਸ 'ਤੇ ਧਮਾਲਾਂ ਮਚਾ ਰਹੀ ਹੈ। ਆਓ ਜਾਣਦੇ ਹਾਂ ਜੱਟ ਨੂੰ ਚੁੜੈਲ ਟੱਕਰੀ ਨੇ ਹੁਣ ਤੱਕ ਕਿੰਨੇ ਕਰੋੜ ਕਮਾਏ ਹਨ।
sacnilk ਦੇ ਅਨੁਸਾਰ ਫਿਲਮ ਨੇ ਪਹਿਲੇ ਦਿਨ ਸ਼ੁੱਕਰਵਾਰ ਨੂੰ 9 ਲੱਖ ਰੁਪਏ ਦੀ ਕਮਾਈ ਕੀਤੀ ਸੀ, ਪਰ ਬਾਅਦ ਵਿੱਚ ਸ਼ਨੀਵਾਰ ਅਤੇ ਐਤਵਾਰ ਨੂੰ ਸਰਗੁਣ ਮਹਿਤਾ ਦੀ ਫਿਲਮ ਨੂੰ ਥੀਏਟਰ ਵਿੱਚ ਪੂਰੇ ਦਰਸ਼ਕ ਮਿਲੇ। ਸ਼ਨੀਵਾਰ ਨੂੰ ਫਿਲਮ ਦੇ ਕਾਰੋਬਾਰ 'ਚ ਕਾਫੀ ਵਾਧਾ ਹੋਇਆ ਅਤੇ ਗਿੱਪੀ ਗਰੇਵਾਲ ਦੀ ਫਿਲਮ ਨੇ ਇੱਕ ਦਿਨ 'ਚ ਕਰੀਬ 1.3 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ।