ਚੰਡੀਗੜ੍ਹ: ਮਿਊਜ਼ਿਕ ਅਤੇ ਸਿਨੇਮਾ ਇੰਡਸਟਰੀ ਨਾਲ ਜੁੜੇ ਦੋ ਬਹੁ-ਚਰਚਿਤ ਚਿਹਰੇ ਯੋ ਯੋ ਹਨੀ ਸਿੰਘ ਅਤੇ ਉਰਵਸ਼ੀ ਰੌਤੇਲਾ ਲੰਮੇ ਸਮੇਂ ਬਾਅਦ ਫਿਰ ਆਪਣੇ ਇੱਕ ਅੰਤਰ-ਰਾਸ਼ਟਰੀ ਸੰਗੀਤਕ ਵੀਡੀਓ ਲਈ ਇਕੱਠੇ ਹੋਏ ਹਨ, ਜਿੰਨਾਂ ਦਾ ਇਹ ਬਿਹਤਰੀਨ ਉੱਦਮ 'ਵਿਗੜੀਆਂ ਹੀਰਾਂ' 15 ਮਾਰਚ ਨੂੰ ਵੱਖ-ਵੱਖ ਸੰਗੀਤਕ ਪਲੇਟਫ਼ਾਰਮ ਉਪਰ ਰਿਲੀਜ਼ ਹੋਣ ਜਾ ਰਿਹਾ ਹੈ।
'ਜੀ ਮਿਊਜ਼ਿਕ' ਦੇ ਸੰਗੀਤਕ ਲੇਬਲ ਅਧੀਨ ਜਾਰੀ ਕੀਤੇ ਜਾ ਰਹੇ ਉਕਤ ਮਿਊਜ਼ਿਕ ਵੀਡੀਓ ਨੂੰ ਹਨੀ ਸਿੰਘ ਦੇ ਅੰਤਰਰਾਸ਼ਟਰੀ ਸੰਗੀਤ ਟਰੈਕ “ਲਵਡੋਜ਼ 2.0″ ਦੇ ਦੂਜੇ ਚਰਨ ਵਜੋਂ ਸਾਹਮਣੇ ਲਿਆਂਦਾ ਜਾ ਰਿਹਾ ਹੈ, ਜਿਸ ਨੂੰ ਬਹੁਤ ਹੀ ਉੱਚ ਪੱਧਰੀ ਤਕਨੀਕੀ ਮਾਪਦੰਢਾਂ ਅਤੇ ਆਲੀਸ਼ਾਨ ਸਕੇਲ ਉਪਰ ਫਿਲਮਾਇਆ ਗਿਆ ਹੈ।
ਦਰਸ਼ਕਾਂ ਵਿੱਚ ਅਪਾਰ ਉਤਸੁਕਤਾ ਦਾ ਕੇਂਦਰ ਬਿੰਦੂ ਬਣੇ ਇਸ ਸੰਗੀਤਕ ਪ੍ਰੋਜੈਕਟ ਨੂੰ ਲੈ ਕੇ ਗਾਇਕ ਰੈਪਰ ਹਨੀ ਸਿੰਘ ਦਾ ਉਤਸ਼ਾਹ ਸਿਖਰਾਂ 'ਤੇ ਹੈ, ਜਿੰਨਾਂ ਇਸੇ ਸੰਬੰਧੀ ਮਨੀ ਵਲਵਲਿਆਂ ਨੂੰ ਆਪਣੇ ਸ਼ੋਸ਼ਲ ਪਲੇਟਫ਼ਾਰਮ ਉਪਰ ਵੀ ਸਾਂਝਾ ਕੀਤਾ ਹੈ, ਜਿਨਾਂ ਅਨੁਸਾਰ 'ਅਸੀਂ ਇੱਕ ਵਿਸ਼ਾਲ ਜਸ਼ਨ ਦੀ ਤਿਆਰੀ ਕਰ ਰਹੇ ਹਾਂ, ਜਿੰਨਾਂ ਦੀ ਲੜੀ ਨੂੰ ਹੀ ਹੋਰ ਸੋਹਣੇ ਨਕਸ਼ ਦੇਵੇਗਾ ਇਹ ਮਿਊਜ਼ਿਕ ਵੀਡੀਓ, ਜਿਸ ਨੂੰ ਗਲੋਬਲ ਰਿਲੀਜ਼ ਅਧੀਨ 15 ਮਾਰਚ ਨੂੰ ਜਾਰੀ ਕੀਤਾ ਜਾਵੇਗਾ, ਜੋ ਮੇਰੇ ਲਈ ਇਸ ਲਈ ਹੋਰ ਮਹੱਤਵ ਰੱਖਦਾ ਹੈ, ਕਿਉਂਕਿ ਇਸ ਦਿਨ ਮੇਰਾ ਜਨਮ ਦਿਨ ਵੀ ਹੈ, ਜਿਸ ਦੀਆਂ ਰੌਣਕਾਂ ਨੂੰ ਵੀ ਹੋਰ ਚਾਰ ਲਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਏਗਾ ਇਹ ਗ੍ਰੈਂਡ ਪੱਧਰ ਉੱਪਰ ਰਿਲੀਜ਼ ਹੋਣ ਜਾ ਰਿਹਾ ਮਿਊਜ਼ਿਕ ਵੀਡੀਓ, ਜੋ ਦੇਸ਼-ਵਿਦੇਸ਼ ਵਿੱਚ ਇੱਕ ਸਾਥ ਜਾਰੀ ਕੀਤਾ ਜਾ ਰਿਹਾ ਹੈ।'