ਹੈਦਰਾਬਾਦ:ਧੀਰੂਭਾਈ ਅੰਬਾਨੀ ਸਕੂਲ ਵਿੱਚ ਸਾਲਾਨਾ ਸਮਾਗਮ ਕਰਵਾਇਆ ਗਿਆ। ਇਸ ਸਕੂਲ 'ਚ ਬੀ-ਟਾਊਨ ਦੇ ਕਈ ਸਟਾਰ ਬੱਚੇ ਪੜ੍ਹਦੇ ਹਨ। ਐਸ਼ਵਰਿਆ ਰਾਏ ਅਤੇ ਅਭਿਸ਼ੇਕ ਬੱਚਨ ਦੀ ਬੇਟੀ ਆਰਾਧਿਆ ਵੀ ਇਸ 'ਚ ਪੜ੍ਹਦੀ ਹੈ। ਇਸ ਫੰਕਸ਼ਨ 'ਚ ਅਮਿਤਾਭ ਬੱਚਨ ਆਪਣੇ ਬੇਟੇ ਅਭਿਸ਼ੇਕ ਬੱਚਨ ਅਤੇ ਨੂੰਹ ਐਸ਼ਵਰਿਆ ਰਾਏ ਨਾਲ ਆਰਾਧਿਆ ਦੀ ਪਰਫਾਰਮੈਂਸ ਦੇਖਣ ਪਹੁੰਚੇ। ਐਸ਼ਵਰਿਆ ਅਤੇ ਅਭਿਸ਼ੇਕ ਨੇ ਇੱਕ ਵਾਰ ਫਿਰ ਇਸ ਫੰਕਸ਼ਨ 'ਚ ਇਕੱਠੇ ਆ ਕੇ ਤਲਾਕ ਦੀਆਂ ਅਫਵਾਹਾਂ 'ਤੇ ਵਿਰਾਮ ਲਗਾ ਦਿੱਤਾ ਹੈ। ਇਸ ਦੌਰਾਨ ਕਈ ਪਲਾਂ 'ਤੇ ਅਭਿਸ਼ੇਕ ਬੱਚਨ ਦਾ ਮਿੱਠਾ ਮਿੱਠਾ ਪਿਆਰ ਦੇਖਣ ਨੂੰ ਮਿਲਿਆ।
ਸਾਲਾਨਾ ਸਮਾਰੋਹ 'ਚ ਸ਼ਾਮਲ ਹੋਣ ਵਾਲੇ ਬੱਚਨ ਪਰਿਵਾਰ ਦੀਆਂ ਕਈ ਝਲਕੀਆਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਇਸ ਫੰਕਸ਼ਨ 'ਚ ਐਸ਼ਵਰਿਆ ਅਤੇ ਅਭਿਸ਼ੇਕ ਟਵਿਨਿੰਗ ਪਹੁੰਚੇ ਸਨ। ਇਸ ਜੋੜੇ ਨੂੰ ਬਲੈਕ ਲੁੱਕ 'ਚ ਦੇਖਿਆ ਗਿਆ। ਐਸ਼ਵਰਿਆ ਨੇ ਆਪਣੇ ਕਾਲੇ ਸੂਟ ਨੂੰ ਰੰਗੀਨ ਫੁੱਲਦਾਰ ਟੁਪੱਟੇ ਨਾਲ ਜੋੜਿਆ। ਖੁੱਲ੍ਹੇ ਵਾਲਾਂ ਅਤੇ ਲਾਲ ਲਿਪ ਕਲਰ ਨਾਲ ਅਦਾਕਾਰਾ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ। ਉਥੇ ਹੀ ਅਭਿਸ਼ੇਕ ਬੱਚਨ ਬਲੈਕ ਹੂਡੀ ਅਤੇ ਟਰਾਊਜ਼ਰ 'ਚ ਨਜ਼ਰ ਆਏ। ਜਦਕਿ ਬਿੱਗ ਬੀ ਗ੍ਰੇ ਬਲੇਜ਼ਰ ਅਤੇ ਬਲੈਕ ਪੈਂਟ 'ਚ ਖੂਬਸੂਰਤ ਲੱਗ ਰਹੇ ਸਨ।
ਵਾਇਰਲ ਵੀਡੀਓ 'ਚ ਐਸ਼ਵਰਿਆ ਨੂੰ ਅਮਿਤਾਭ ਬੱਚਨ ਦੇ ਨਾਲ ਦੇਖਿਆ ਜਾ ਸਕਦਾ ਹੈ। ਇਸ ਦੌਰਾਨ ਅਭਿਸ਼ੇਕ ਬੱਚਨ ਆਪਣੀ ਪਤਨੀ ਦੀ ਚੁੰਨੀ ਨੂੰ ਸੰਭਾਲਦੇ ਹੋਏ ਨਜ਼ਰ ਆ ਰਹੇ ਸਨ। ਜਦੋਂਕਿ ਐਸ਼ਵਰਿਆ ਆਪਣੇ ਸਹੁਰੇ ਨਾਲ ਅੱਗੇ ਚੱਲ ਰਹੀ ਸੀ।