ହାଇଦ୍ରାବାଦ: ଭିଟିଲ୍ଗୋ ହେଉଛି ଏକ ଚର୍ମର ସମସ୍ୟା । ଯାହା ଦ୍ବାରା ଚର୍ମରେ ଧଳା ରଙ୍ଗର ପ୍ୟାଚ୍ ସୃଷ୍ଟି ହୁଏ । ଚର୍ମରେ ରହିଥିବା ମେଲାନିନ (ଚର୍ମର ରଙ୍ଗ ପାଇଁ ଆବଶ୍ୟକୀୟ ଶରୀରର ଏକ ଉପାଦାନ)ର ଅଭାବ ଯୋଗୁଁ ଛଉ ସୃଷ୍ଟି ହୁଏ । ଏହି ପ୍ୟାଚ୍ ସାଧାରଣତଃ ମୁହଁ, ବେକ, ହାତ ଏବଂ ଚର୍ମରେ ଦେଖାଯାଏ । ଏହା ଓଠରେ, ଆଙ୍ଗୁଠିର ମୂଳ ଏବଂ ଯୌନାଙ୍ଗରେ ମଧ୍ୟ ଦେଖାଯାଇଥାଏ । ତେବେ ଏହା କୌଣସି କାରଣ ଯୋଗୁଁ ହୋଇଥାଏ ସେ ସମ୍ପର୍କରେ ଆସନ୍ତୁ ଜାଣିବା ।
ଭିଟିଲ୍ଗୋ ବା ଛଉ ରୋଗ ସମସ୍ତ ଚର୍ମ ରଙ୍ଗର ଲୋକଙ୍କୁ ପ୍ରଭାବିତ କରିଥାଏ । କିନ୍ତୁ ଏହା ଏକ କଳା ରଙ୍ଗର ଚର୍ମ ଥିବା ଲୋକଙ୍କଠାରେ ଅଧିକ ଦୃଶ୍ୟମାନ ହୋଇଥାଏ । ଏହି ରୋଗ ସାଂଘାତିକ କିମ୍ବା ସଂକ୍ରାମକ ନୁହେଁ । ଏହା ଏକ ଅଟୋଇମ୍ୟୁନ୍ ଡିସଅର୍ଡର ଭାବରେ ଶ୍ରେଣୀଭୁକ୍ତ କରାଯାଇଛି । ଏହି ରୋଗ ଥାଇରଏଡ ବା ଆଡ୍ରେନାଲ୍ ଗ୍ରନ୍ଥି ସହିତ ଜଡିତ ହୋଇଥାଏ । ତଥାପି ଭିଟିଲ୍ଗୋ ଚାପ ଏବଂ ଆତ୍ମ-ସମ୍ମାନର କାରଣ ହୋଇଥାଏ । ଏହି ରୋଗ କିପରି ସମୟ ଅନୁସାରେ ବୃଦ୍ଧି ପାଇଥାଏ ତାହା ପୂର୍ବାନୁମାନ କରିବା କଷ୍ଟକର ।
ଅଧିକାଂଶ କ୍ଷେତ୍ରରେ ଚର୍ମରେ ମେଲାନିନର ପରିମାଣ କମିବା ପରେ ଏହି ଧଳା ରଙ୍ଗ ଚର୍ମର ଅନେକ ଅଂଶକୁ ବ୍ୟାପିଥାଏ । ଥରେ ଚର୍ମର ରଙ୍ଗ ପରିବର୍ତ୍ତନ ହେଲେ ଏହାକୁ ପୁଣି ପୂର୍ବ ଭଳି ପାଇବା କଷ୍ଟସାଧ୍ୟ ହୋଇପଡେ । ଅନେକଙ୍କ କ୍ଷେତ୍ରରେ ଏହା କେବେ ପୂର୍ବାବସ୍ଥାକୁ ଫେରି ପାଇନଥାଏ ।
ଲକ୍ଷଣ କ'ଣ ହୋଇଥାଏ ?
- ଜୀବନକାଳ ମଧ୍ୟରେ ଯେକୌଣସି ବୟସରେ ଏହି ରୋଗ ଦେଖିବାକୁ ମିଳିଥାଏ । ଜଣେ ବ୍ୟକ୍ତି ଏହି ରୋଗର ଶିକାର ହେଲେ ପ୍ରଥମେ ମୁହଁରେ ଧଳା ପ୍ୟାଚ ଦେଖାଦିଏ । ଏହାପରେ ହାତ, ଗୋଡ଼ ଓ ପାଦରେ ଦେଖିବାକୁ ମିଳେ ।
- ଅନେକଙ୍କ କ୍ଷେତ୍ରରେ ଶରୀରରେ ଥିବା କେଶର ରଙ୍ଗ ପରିବର୍ତ୍ତନ ହୁଏ । କେଶ, ଆଇବ୍ରୋ ଓ ମୁହଁରେ ଥିବା ଛୋଟ ଛୋଟ କେଶର ରଙ୍ଗ ପରିବର୍ତ୍ତନ ହୁଏ ।
- ଥାଇରଏଡ଼ ଓ ଆଡ୍ରେନାଲ ଗ୍ଲାଣ୍ଡ (ବୃକକ ଉପରେ ଥିବା ଏକ ଅଂଶ)ର ସମସ୍ୟା ଦେଖାଦିଏ ।