ହାଇଦ୍ରାବାଦ: ସାରା ବିଶ୍ବରେ ଏବେ ମଙ୍କିପକ୍ସ ରୋଗ ଚିନ୍ତାର କାରଣ ପାଲଟିଛି । ବିଶ୍ବ ସ୍ବାସ୍ଥ୍ୟ ସଂଗଠନ (WHO) ମଙ୍କିପକ୍ସକୁ ପବ୍ଲିକ ହେଲ୍ଥ ଏମରେଜେନ୍ସି ଘୋଷଣା କରିବା ପରେ ଏହାକୁ ନେଇ ବିଶ୍ବବାସୀଙ୍କ ଚିନ୍ତା ବଢିଛି । ତେବେ ଏଠାରେ ଏକ ପ୍ରଶ୍ନ ଉଠୁଛି ଯୌନ ସମ୍ପର୍କ ଦ୍ବାରା ଏହି ରୋଗ ବ୍ୟାପିଥାଏ କି ? କାରଣ ଭାଇରସ ଯୌନ ସମ୍ପର୍କ ଦ୍ବାରା ବ୍ୟାପିଥାଏ, ତେବେ ଏଭଳି ପ୍ରଶ୍ନ ମନରେ ଆସିବା ସ୍ବାଭାବିକ। ତେବେ ଆସନ୍ତୁ ଜାଣିବା ଏ ନେଇ ବିଶେଷଜ୍ଞଙ୍କ ମତ କଣ ରହିଛି ।
ବିଶ୍ବ ସ୍ବାସ୍ଥ୍ୟ ସଂଗଠନ ଅନୁସାରେ ଚର୍ମ ନାଲି ପଡ଼ିବା, ଶରୀରର ତରଳ ପଦାର୍ଥ (ପୁଜ ଆଦି) ସଂକ୍ରମଣର ଲକ୍ଷଣ ହୋଇଥାଏ । ଭାଇରସ ଲାଳ (Saliva) ଦ୍ବାରା ମଧ୍ୟ ବ୍ୟାପିଥାଏ । ଭାଇରସ ସଂସ୍ପର୍ଶରେ ଆସିଥିବା ଜିନିଷ ଦ୍ବାରା ଜଣେ ବ୍ୟକ୍ତି ସଂସ୍ପର୍ଶରେ ଆସିଲେ ସେ ସଂକ୍ରମିତ ହୋଇଥାଏ । ଯେପରିକି ପୋଷାକ, ଶଯ୍ୟା, ତଉଲିଆ, ବାସନ ଆଦି ଏଥିର ଅନ୍ତର୍ଭୁକ୍ତ । ଏଠାରେ ଫିଜିକାଲ କଣ୍ଟାକ୍ଟ ସମ୍ପର୍କରେ ଆଲୋଚନା କଲେ ଯୌନ ସମ୍ପର୍କ ନିହାତି ଆଲୋଚନାର ବିଷୟ ।
ଡକ୍ଟର ଧିରେନ ଗୁପ୍ତାଙ୍କ କହିବାନୁସାରେ, "ମଙ୍କିପକ୍ସରେ ଆକ୍ରାନ୍ତ ବ୍ୟକ୍ତି ସହିତ ସଂସ୍ପର୍ଶରେ ଆସିଲେ ଉକ୍ତ ବ୍ୟକ୍ତି ସଂକ୍ରମିତ ହୋଇଥାଏ । ଆଲିଙ୍ଗନ (Hugging), ଚୁମ୍ବନ କରିବା ସମୟରେ ଏହି ଭାଇରସ ବ୍ୟାପିଥାଏ । ଏହାବ୍ୟତୀତ ଯୌନ ସମ୍ପର୍କ ସମୟରେ ଯଦି ଜଣେ ବ୍ୟକ୍ତି ଆକ୍ରାନ୍ତଙ୍କ ଦ୍ବାରା ବ୍ୟବହୃତ ଜିନିଷକୁ ସ୍ପର୍ଶ କରିଥାଏ, ତେବେ ସେ ସଂକ୍ରମିତ ହୋଇଥାଏ । ଏକାଧିକ ବ୍ୟକ୍ତିଙ୍କ ସହିତ ଯୌନ ସମ୍ପର୍କ ରଖିଲେ ମଧ୍ୟ ସଂକ୍ରମିତର ଆଶଙ୍କା ବଢିଥାଏ ।"