ସୁନ୍ଦରଗଡ଼: ରାଜଗାଙ୍ଗପୁର ରେଳ ଷ୍ଟେସନରେ ଘଟିଯାଇଛି ଏକ ଅଭାବନୀୟ ଘଟଣା। ଆଜି(ବୁଧବାର) ସକାଳ ପ୍ରାୟ ୪ ଘଟିକା ସମୟରେ ୧୭ ନମ୍ବର ୱାର୍ଡ ବାସିନ୍ଦା ତଥା ପୂର୍ବତନ କାଉନସିଲର ସମର ସରକାର (୭୩) ଏକ ମାଲ ବାହୀ ଟ୍ରେନ ଧକ୍କାରେ ପ୍ରାଣ ହରାଇଛନ୍ତି।
ମାଲବାହୀ ଟ୍ରେନ ଧକ୍କାରେ ପୂର୍ବତନ କାଉନସିଲର ମୃତ
ସେ ବାର୍ଦ୍ଧକ୍ୟ ଜନିତ ରୋଗରେ ପୀଡିତ ଥିଲେ। ସେମାନେ ସ୍ବାମୀ ଓ ସ୍ତ୍ରୀ ରହୁଥିଲେ। ଘରେ ଶୋଇଥିବା ଅବସ୍ଥାରେ ସମର ସରକାର ଏକାକୀ ଟ୍ରେନ ଲାଇନକୁ ପଳାଇ ଆସିଥିଲେ। ସ୍ତ୍ରୀ ଉଠିବା ପରେ ତାଙ୍କୁ ଘରେ ନ ପାଇ ସ୍ଥାନୀୟ ଲୋକଙ୍କ ସାହାଯ୍ୟରେ ଖୋଜା ଖୋଜି କରିଥିଲେ । ତେବେ କିଛି ସ୍ଥାନୀୟ ଲୋକେ ତାଙ୍କର କ୍ଷତ ବିକ୍ଷତ ମୃତ ଶରୀର ଟ୍ରେନ ଲାଇନରେ ପଡିଥିବାର ଦେଖିଥିଲେ। ଏହାକୁ ଆତ୍ମହତ୍ୟା ବୋଲି ସନ୍ଦେହ କରାଯାଉଛି।