ସୁବର୍ଣ୍ଣପୁର:ସହରର ବିଭିନ୍ନ ରାସନ ଦୋକାନ, ହୋଟେଲ ଓ ଜଳଖିଆ ଦୋକାନ ଉପରେ ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟର ଖାଦ୍ୟ ପରୀକ୍ଷଣ ବିଭାଗ ପକ୍ଷରୁ ଚଢାଉ କରାଯାଇଛି । ଫୁଡ ଇନସପେକ୍ଟର ସସ୍ମିତା ନାଏକଙ୍କ ନେତୃତ୍ବରେ ସଦର ଥାନା ପୋଲିସ ଓ ଜିଲ୍ଲା ମୁଖ୍ୟ ଚିକିତ୍ସାଳୟର ଅନ୍ୟାନ୍ୟ କର୍ମଚାରୀ ଏହି ଚଢାଉରେ ସାମିଲ ହୋଇଛନ୍ତି ।
ହୋଟେଲ ଜଳଖିଆ ଦେକାନର ଗୁଣବତ୍ତା ଯାଞ୍ଚ କଲେ ଖାଦ୍ୟ ସୁରକ୍ଷା ଅଧିକାରୀ
ତେବେ ସହରରେ ହୋଟେଲ ଓ ଜଳଖିଆ ଦୋକାନରେ କିଭଳି ଖାଦ୍ୟ ପ୍ରସ୍ତୁତ କରୁଛନ୍ତି, ତାହା ତନଖି କରିବା ସହିତ ପରୀକ୍ଷା କରିବା ପାଇଁ ସାମ୍ପୁଲ ସଂଗ୍ରହ କରାଯାଇଛି । ସେହିଭଳି ହୋଟେଲ ଗୁଡିକର ରୋଷେଇଶାଳ ଓ ହୋଟେଲ ଡାଇନିଂ ହଲର ପରିଷ୍କାର ପରିଚ୍ଛନ୍ନତା ବିଷୟରେ ଏହି ଟିମ ତଦାରଖ କରିଛି ।