ସୁବର୍ଣ୍ଣପୁର: ଜିଲ୍ଲାରେ ଦିନକୁ ଦିନ ଜଙ୍ଗଲି ହାତୀଙ୍କ ଉପଦ୍ରବ ବଢିବାରେ ଲାଗିଛି । ଜିଲ୍ଲାର ଉଲୁଣ୍ଡା, ବିନିକା ପରେ ଏବେ ସୋନପୁର ବନାଞ୍ଚଳରେ ହାତୀ ଉପଦ୍ରବ ଦେଖିବାକୁ ମିଳିଛି । ଗତ ଦୁଇ ଦିନ ହେଲା ରାତିରେ ସୋନପୁର ରେଞ୍ଜର କୁଦୋପାଲି ଅଞ୍ଚଳରେ ହାତୀପଲ ବ୍ୟାପକ ଉତ୍ପାତ କରୁଥିବା ଅଭିଯୋଗ ହୋଇଛି । କୁଦପାଲି ଗାଁକୁ ପଶି ପ୍ରାୟ ୮ ବଖରା ଘର ଭାଙ୍ଗି ଦେଇଥିବା ବେଳେ ଘରୁ ଧାନ ଓ ଚାଉଳ ବସ୍ତା ଟାଣିନେଇ ଖାଇ ଦେଇଥିବା ଅଭିଯୋଗ ହୋଇଛି ।
Elephant Destroyed: ମାତିଲେ ହାତୀ ପଲ, ଭାଙ୍ଗିଲେ ଘର ଖାଇଲେ ଧାନଚାଉଳ
ତା’ସହ ଘରର ଅନେକ ଆସବାବପତ୍ର ଏଣେତେଣେ ଫିଙ୍ଗି ଦେଇଛନ୍ତି ହାତୀ ପଲ । ଏପରିକି ତିନୋଟି ବାଇକ ତଳେ ପକେଇ ଦଳି ଦେଇଛି ହାତୀ । କେବଳ ସେତିକି ନୁହେଁ ଅନେକ ଚାଷ ଜମି ଦଳି ଚକଟି ନଷ୍ଟ କରି ଦେଇଛି ।