ରାୟଗଡା:ଗଞ୍ଜେଇ ଚୋରା ଚାଲାଣ ପଣ୍ଡ । ରାୟଗଡା ଜିଲ୍ଲା ପଦ୍ମପୁର ଥାନା ଅନ୍ତର୍ଗତ ପିରିଡିପଙ୍ଗା ଗାଁ ନିକଟରୁ ଜିଲ୍ଲା ବାହାରକୁ ଗଞ୍ଜେଇ ଚୋରା ଚାଲାଣ ସମୟରେ ଚଢାଉ କରିଛି ପୋଲିସ । ଘଟଣାସ୍ଥଳରୁ 385 କେଜି ଗଞ୍ଜେଇ ଜବତ ହୋଇଛି । ଘଟଣାରେ ପିରିଡିପଙ୍ଗା ଗାଁର ଅସିନ ଶବର ଏବଂ ଗୁରୁବାଡା ଶବରକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ରାୟଗଡାର ଦୁର୍ଗମ ପାହାଡିଆ ଘଞ୍ଚ ଜଙ୍ଗଲର ଏକର ଏକର ଜମିରେ ହେଉଛି ଗଞ୍ଜେଇ ଚାଷ । ଫଳସୂରୁପ, ଦିନକୁ ଦିନ ଜିଲ୍ଲାରେ ଗଞ୍ଜେଇ ଚୋରା ଚାଲାଣ ବୃଦ୍ଧି ପାଉଛି । ଏପରିକି ମାଓପ୍ରବଣ ଇଲାକାର ଫାଇଦା ଉଠାଇ ଗଞ୍ଜେଇ ମାଫିଆମାନେ ନିର୍ଭୟରେ ଜିଲ୍ଲା ଭିତରେ ଓ ବାହାରକୁ ଏହାକୁ ଚାଲାଣ କରୁଛନ୍ତି । ବିଭିନ୍ନ ସମୟରେ ଜିଲ୍ଲାରେ ପୋଲିସ ଓ ଅବକାରୀ ବିଭାଗ ଦ୍ବାରା ଚଢାଉ କରାଯାଇ ଚାଲାଣକାରୀମାନଙ୍କୁ ଗିରଫ କରାଯାଉଥିଲେ ସୁଦ୍ଧା ଥମିବାର ନାଁ ନେଉନି ଗଞ୍ଜେଇ ଚାଷ ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ