ରାୟଗଡା: ଶ୍ରାଦ୍ଧ ବାର୍ଷିକୀରେ ଭୋଜି ରୋଷେଇ ଚାଲିଥିବା ସମୟରେ ଅଘଟଣ । ନିଆଁ ଲାଗି ଆହତ ହୋଇଛନ୍ତି 4 ମହିଳା ଶ୍ରମିକ । ଘଟଣାଟି ସହରର ଡିଏଫଓ କାର୍ଯ୍ୟାଳୟର ପ୍ରଥମ ଗଳିରେ ଘଟିଛି । ଘଟଣାରେ ଗୁରୁତର ମହିଳା ଶ୍ରମିକମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ତାଙ୍କୁ ତୁରନ୍ତ କୋରାପୁଟ ସ୍ଥାନାନ୍ତର କରାଯାଇଛି ।
ଭୋଜି ରୋଷେଇ ବେଳେ ନିଆଁ ଲାଗି 3 ମହିଳା ଆହତ, ଜଣେ ଗୁରୁତର ସୂଚନା ଅନୁଯାୟୀ ଡିଏଫଓ କାର୍ଯ୍ୟାଳୟର ପ୍ରଥମ ଗଳିରେ ମନୋଜ କୁମାର ସାହୁଙ୍କୁ ବାପାଙ୍କ ଶ୍ରାଦ୍ଧ ବାର୍ଷିକୀ ଭୋଜି ଆୟୋଜନ ବେଳେ ହଠାତ ଗ୍ୟାସ ପାଇପରେ ନିଆଁ ଲାଗିଥିଲା । ନିଆଁ ବ୍ୟାପିବା ଆରମ୍ଭ କରିବାରୁ ସେଠାରେ କାମ କରୁଥିବା 4 ମହିଳା ଶ୍ରମିକ ଆହତ ହୋଇଥିଲେ । ସେମାନଙ୍କୁ ତୁରନ୍ତ ଚିକିତ୍ସା ପାଇଁ ଡାକ୍ତରଖାନା ନିଆଯାଇଥିବା ବେଳେ ଚିକିତ୍ସିତ ଅବସ୍ଥାରେ ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କୋରାପୁଟ ସ୍ଥାନାନ୍ତର କରାଯାଇଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
