ରାୟଗଡା : କୋଭିଡ ଯୁଦ୍ଧରେ ସାରଥି ପାଲଟିଛନ୍ତି କୋରୋନା ଯୋଦ୍ଧା ଅଭିଳାଷ ମୁଖାର୍ଜୀ । ବୃତ୍ତିରେ ଜଣେ ଆମ୍ବୁଲାନ୍ସ ମାଲିକ ସାଙ୍ଗକୁ ନିଜେ ଚାଳକ । ଲୋକଙ୍କୁ ବିନା ଦ୍ବିଧାରେ ସାହାର୍ଯ୍ୟ ହାତ ବଢାଇଥାନ୍ତି ।
ଅଭିଳାଷ ମୁଖାର୍ଜୀ ସ୍ଥାନୀୟ ଅଞ୍ଚଳରେ ମାଝୀ ନାମରେ ବେଶ ପରିଚିତ । ବୃତ୍ତିରେ ଜଣେ ଆମ୍ବୁଲାନ୍ସ ମାଲିକ ସାଙ୍ଗକୁ ନିଜେ ଚାଳକ । ଆମ୍ବୁଲାନ୍ସରୁ ଯାହା ଯେତିକି ମିଳେ ସେଥିରେ ନିଜ ପରିବାର ପ୍ରତି ପୋଷଣ କରିଥାନ୍ତି । ତାଙ୍କର ସବୁଠାରୁ ବଡ ମହନୀୟତା ହେଉଛି କେବେ କାହାଠାରୁ ଅଧିକ ଅର୍ଥ ଅଦାୟ କରନ୍ତି ନାହିଁ । ଯିଏ ଯେତିକି ଦେଲା ଖୁସିରେ ଗ୍ରହଣ କରନ୍ତି । ନିହାତି ଗରିବ ଅସହାୟଙ୍କୁ ବିନାପଇସାରେ ସେବା ଯୋଗାଇଥାନ୍ତି । ସ୍ଥାନୀୟ ଅଞ୍ଚଳରେ କେବେ କାହାକୁ ଜରୁରୀ ପଡିଲେ ଆଗ ଖୋଜାପଡେ ମାଝି ମୁଖାର୍ଜୀଙ୍କୁ । ଆଉ ରାକାହାକୁ ନିରାଶ ନକରି ନିଜ ସାମର୍ଥ ମତେ ସାହାଯ୍ୟ କରିବାକୁ ଆଗେଇ ଆସନ୍ତି । ବର୍ତମାନ କୋରୋନା ମହାମାରୀ ପରିସ୍ଥିତିରେ ନିଜ ଜୀବନ , ପରିବାରକୁ ପଛରେ ପକାଇ ସେବା ଯୋଗାଇ ଦେବାକୁ ଅଣ୍ଟା ଭିଡିଛନ୍ତି ମାଝି । ନିଜ ଆମ୍ବୁଲାନ୍ସରେ କୋରୋନା ଚିହ୍ନଟ ରୋଗୀଙ୍କୁ କୋଭିଡ ହସ୍ପିଟାଲ ପହଞ୍ଚାଇବାରେ ଲାଗିପଡିଛନ୍ତି ।