ନୂଆପଡା: ଗତଗର୍ଷ ଅକ୍ଟୋବରରେ ଜଣେ 4ବର୍ଷର ଶିଶୁକନ୍ୟାକୁ ଦୁଷ୍କର୍ମ ହୋଇଥିବା ଘଟଣାରେ ଦିନକୁ ଦିନ ବିଗିବାରେ ଲାଗିଛି ପୀଡିତା ଶିଶୁକନ୍ୟାର ସ୍ବାସ୍ଥ୍ୟବସ୍ଥା । ନୂଆପଡା ଜିଲ୍ଲା ସଦର ଥାନା ସ୍ଥିତ ବିରୋମାଲ ଗାଁର ପୀଡିତା ଶିଶୁକନ୍ୟାର ଚିକିତ୍ସା ସହ ଅଭିଯୁକ୍ତ ନାବାଳକକୁ ଆଜୀବନ କାରାଦଣ୍ଡ ସହ ସିବିଆଇ ତଦନ୍ତ ଦାବି କରିଛନ୍ତି ସ୍ଥାନୀୟ ଲୋକେ ।
22ଅକ୍ଟୋବର 2019 ରେ ବିରୋମାଲ ଗାଁର 4ବର୍ଷର ଶିଶୁକନ୍ୟାକୁ ସେହି ଗାଁର ବିଜୟ ସାହୁ ନାମକ ଜଣେ 14ବର୍ଷର ନାବାଳକ ଦୁଷ୍କର୍ମ କରିଥିଲା । ପୀଡିତାଙ୍କ ପରିବାର ଅତ୍ୟନ୍ତ ଗରିବ ଶ୍ରେଣୀର ହୋଇଥିବାବେଳେ ଅଭିଯୁକ୍ତ ପରିବାର ଧନୀ ପ୍ରଭାବଶାଳି ହୋଇଥିବା କାରଣରୁ ଧମକ ଚମକ ଦେଇ ଥାନାକୁ ନଯିବା ପାଇଁ ଦୀର୍ଘ 2ମାସ ଘଟଣାକୁ ଗାଁରେ ଚାପି ରଖିଥିଲେ ।
ପରେ ପୀଡିତାଙ୍କ ବାପା ଶିଶୁକନ୍ୟାକୁ ନେଇ ଖରିଆରୋଡ ଜୋଙ୍କ ଥାନାରେ ଅଭିଯୋଗ କରିବା ପରେ ପୋକ୍ସୋ ଆଇନ ଅନୁସାରେ, ମାମଲା ରୁଜୁ କରି ଅଭିଯୁକ୍ତ ନାବାଳକକୁ ଜେଲ ପଠାଇଥିଲା । ହେଲେ ଦୁଃଖର ବିଷୟ ଏଯାଏଁ ପୀଡିତା ଶିଶୁର ସ୍ବାସ୍ଥ୍ୟଅବସ୍ଥା ଭଲ ହୋଇନାହିଁ । ଗୁପ୍ତାଙ୍ଗ ସଂକ୍ରମଣ ହୋଇ ଯନ୍ତ୍ରଣା ହେଉଥିବା ବେଳେ, ଶିଶୁକନ୍ୟା ଜଣକ ଅତ୍ୟନ୍ତ ଭୟଭୀତ ଅବସ୍ଥାରେ ରହିଛି ।