କଳାହାଣ୍ଡି: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ କରୁଛନ୍ତି ପ୍ରାର୍ଥୀ। କଳାହାଣ୍ଡି ଜିଲ୍ଲାରେ ସୋମବାର ୩୬ଟି ଜିଲ୍ଲା ପରିଷଦ ଆସନରୁ କୌଣସି ଆସନରେ ମଧ୍ୟ ନାମାଙ୍କନ ପତ୍ର ଦାଖଲ ହୋଇନାହିଁ। ଭବାନୀପାଟଣା ଉପଜିଲ୍ଲାପାଳ କାର୍ଯ୍ୟାଳୟରୁ ଜିଲ୍ଲା ପରିଷଦ ପାଇଁ ୫ ସେଟ ନାମାଙ୍କନ ପତ୍ର ନିଆଯାଇଛି। ଧର୍ମଗଡ଼ ଉପଜିଲ୍ଲାପାଳ ସଭା କାର୍ଯ୍ୟାଳୟରେ ୧୦ଟି ସେଟ ଜିଲ୍ଲା ପରିଷଦ ନାମାଙ୍କନପତ୍ର ନିଆଯାଇଛି। ହେଲେ ଏଯାଏ ପ୍ରାର୍ଥୀମାନେ ନାମାଙ୍କନ ପତ୍ର ପୂରଣ କରି ଦାଖଲ କରି ନାହାଁନ୍ତି।
କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକରେ ୨୭ଟି ଏବଂ ନର୍ଲାରେ ୭ ଜଣ ସରପଞ୍ଚ ଓ ୪ ଜଣ ସମିତି ସଭ୍ୟ ପାଇଁ ନାମାଙ୍କନ ଦାଖଲ କରିଥିଲେ। ଧର୍ମଗଡ଼ ବ୍ଲକରେ ୩୦ ଜଣ ଗ୍ରାମ ପଞ୍ଚାୟତ ସଭ୍ୟ, ୪ ଜଣ ସରପଞ୍ଚ ଓ ଜଣେ ସମିତି ସଭ୍ୟ ପାଇଁ ପ୍ରାର୍ଥିପତ୍ର ନାମା ଦାଖଲ କରିଥିଲେ। ଜୁନାଗଡ଼ ବ୍ଲକରେ ମଧ୍ୟ ୬୧ ଜଣ ୱାର୍ଡ ସଭ୍ୟ, ୫ ଜଣ ସରପଞ୍ଚ ପଦବି ପାଇଁ ନାମାଙ୍କନ ଦାଖଲ କରିଥିଲେ। ମଦନପୁର ରାମପୁର ବ୍ଲକରେ ୧୧ ଜଣ ୱାର୍ଡ ସଭ୍ୟ, ଜଣେ ସରପଞ୍ଚ ଓ ୨ ଜଣ ସମିତି ସଭ୍ୟ, କୋକସରା ବ୍ଲକରେ ୧୬ ଜଣ ୱାର୍ଡ ସଭ୍ୟ, ୨ ଜଣ ସରପଞ୍ଚ, ଗୋଲାମୁଣ୍ଡା ବ୍ଲକରେ ୮୨ ଜଣ ୱାର୍ଡ ସଭ୍ୟ, ୫ ଜଣ ସରପଞ୍ଚ ଓ ୬ ଜଣ ସମିତି ସଭ୍ୟ ପ୍ରାର୍ଥୀପତ୍ର ଦାଖଲ କରିଥିଲେ। କର୍ଲାମୁଣ୍ଡା ବ୍ଲକରେ ୧୧ ଜଣ ୱାର୍ଡ ସଭ୍ୟ ଓ ଜଣେ ସରପଞ୍ଚ ନାମାଙ୍କନ ଦାଖଲ କରିଛନ୍ତି।
ଜୟପାଟଣା ବ୍ଲକରେ ୧୧ ଜଣ ୱାର୍ଡସଭ୍ୟ ଓ ୨ ଜଣ ସମିତି ସଭ୍ୟ ନାମାଙ୍କନ ଦାଖଲ କରିଛନ୍ତି। ନର୍ଲା ବ୍ଲକରେ ୨୨ ଜଣ ୱାର୍ଡ ସଭ୍ୟ ଓ ୩ ଜଣ ସମିତି ସଭ୍ୟ ପ୍ରାର୍ଥିପତ୍ର ଦାଖଲ କରିଛନ୍ତି। କଲମପୁର ବ୍ଲକରେ ୧୦ ଜଣ ୱାର୍ଡ ସଭ୍ୟ ଓ ଜଣେ ସରପଞ୍ଚ, ଲାଞ୍ଜିଗଡ଼ ବ୍ଲକରେ ୨୦ ଜଣ ୱାର୍ଡ ସଭ୍ୟ, ୪ ଜଣ ସରପଞ୍ଚ , ଭବାନୀପାଟଣା ସଦର ବ୍ଲକରେ ୨୭ ଜଣ ୱାର୍ଡ ସଭ୍ୟ, ୬ ଜଣ ସରପଞ୍ଚ ଓ ୬ ଜଣ ସମିତି ସଭ୍ୟ, ଥୁଆମୂଳ ରାମପୁର ବ୍ଲକରେ ୧୧ ଜଣ ୱାର୍ଡ ସଭ୍ୟ ଜଣେ ସରପଞ୍ଚ ଆଜି(ମଙ୍ଗଳବାର) ପ୍ରାର୍ଥିପତ୍ର ଦାଖଲ କରିଛନ୍ତି। ତେବେ କଳାହାଣ୍ଡି ଜିଲ୍ଲାରେ ସମୁଦାୟ ୩୪୨ ଜଣ ୱାର୍ଡ ସଭ୍ୟ, ୩୭ ଜଣ ସରପଞ୍ଚ, ୨୮ ଜଣ ସମିତି ସଭ୍ୟ ପ୍ରାର୍ଥିପତ୍ର ଦାଖଲ କରିଥିଲେ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ