ବାରିପଦା:ମୃତଦେହକୁ ମିଳିଲାନି ସମ୍ମାନ । ଘଣ୍ଟା ଘଣ୍ଟା ଧରି ରାସ୍ତାକଡରେ ପଡିରହିଲା ମୃତଦେହ । ମୃତଦେହକୁ ଗାଁରେ ପୁରାଇ ଦେଲେନି ଗାଁ ମୁଖିଆ । ଏନେଇ କାରଣ ବି ସ୍ପଷ୍ଟ ହୋଇନାହିଁ । ଏଭଳି ଏକ ଘଟଣା ଦେଖିବାକୁ ମିଳିଛି ମୟୂରଭଞ୍ଜର ଟିଆଁସି ଗାଁ ନିକଟରେ । ଭୋଳାଗଡ଼ିଆରୁ ଗଦିଗାଁକୁ ଯାଇଥିବା ମୁଖ୍ୟରାସ୍ତା ପାର୍ଶ୍ବରେ ପଡି ରହିଥିଲା ମୃତଦେହ ।
ମୃତଦେହକୁ ମିଳିଲାନି ସମ୍ମାନ , ଶବ ବ୍ୟବଚ୍ଛେଦ ପରେ ହେଲିନି ଅନ୍ତିମ ସଂତ୍କାର
ଘଟଣାଟି ଥିଲା ଏମିତି । ଶୁକ୍ରବାର ଦିନ ମୋରଡ଼ା ଥାନା ପୂର୍ଣ୍ଣଚନ୍ଦ୍ରପୁର ଗାଁର କାଳିଆ ନାଏକ କୁଆଡେ ନିଖୋଜ ହୋଇଯାଇଥିଲେ । ବହୁ ଖୋଜାଖୋଜି ପରେ ବି ତାଙ୍କର ପତ୍ତା ମିଳି ନଥିଲା । କିନ୍ତୁ ରବିବାର ଦିନ ଶ୍ୱଶୁର ଘର ଗାଁ କୂଅରୁ ଉଦ୍ଧାର ହୋଇଥିଲା କାଳିଆଙ୍କ ମୃତଦେହ ।