ମାଲକାନଗିରି: ସ୍ବାଭିମାନ ଅଞ୍ଚଳରେ ବଢୁଛି ନକ୍ସଲଙ୍କ ପତିଆରା । ନୀରିହ ଲୋକଙ୍କ ଉପରେ ବଢୁଛି ନକ୍ସଲଙ୍କ ଅତ୍ୟାଚାର । ବିନା ଦୋଷରେ ଗୋଟିଏ ପରିବାରକୁ ନିର୍ଯାତନା ଦେଇ ଗାଁରୁ ବିତାଡିତ କରିଛନ୍ତି ନକ୍ସଲ ଦଳ ।
ସ୍ବାଭିମାନ ଅଞ୍ଚଳରେ ବଢୁଛି ନକ୍ସଲଙ୍କ ଦାଦାଗିରି
ସୂଚନାଅନୁସାରେ,ନଭେମ୍ବର 26ତାରିଖ ଓ ଡିସେମ୍ବର 13 ତାରିଖରେ ସିଙ୍ଗରାମ ଗ୍ରାମରେ ପୋଲିସ ଏନକାଉଣ୍ଟର କରିଥିଲା । ଏହି ଏନକାଉଣ୍ଟରରେ ମନୁ ଗଲୋରୀର ହାତ ଥିବା ସନ୍ଦେହ କରି ତାଙ୍କୁ ନିର୍ଯାତନା ଦେବା ସହ ଗାଁରୁ ତୁରନ୍ତ ଚାଲିଯିବାକୁ ଧମକ ଦେଇଥିଲେ ନକ୍ସଲ । ଦୁଇଦିନ ତଳେ ସନ୍ୟାସୀଗୁଡା ଗ୍ରାମରେ ନକ୍ସଲମାନେ ପହଞ୍ଚି ପ୍ରଜାକୋର୍ଟ କରିଥିଲେ। ଏହି ଗ୍ରାମର ମନୁ ଗୋଲରିକୁ ପ୍ରଜା କୋର୍ଟରେ ହାଜର ହେବାକୁ କୁହାଯାଇଥିଲା। ପ୍ରଜାକୋର୍ଟରେ ମନୁକୁ ପୁଲିସ ସମ୍ବାଦଦାତା ଭାବେ ଦୋଷୀ ସାବ୍ୟସ୍ତ କରାଯାଇଥିଲା । ଏହା ପରେ ମନୁ ଓ ତାଙ୍କ ପରିବାର ଗାଁ ଛାଡି ତାଙ୍କର ଜଣେ ସମ୍ପକୀୟଙ୍କ ପାଖରେ ଆଶ୍ରୟ ନେଇଥିଲେ ।