କୋରାପୁଟ:ବାର ଆସୋସିଏସନର ନୂତନ କର୍ମକର୍ତ୍ତା ନିର୍ବାଚିତ । କୋରାପୁଟ ଜିଲ୍ଲା ବାର ଆସୋସିଏସନର ସଭାପତି ଭାବେ ବରିଷ୍ଠ ଆଇନଜୀବୀ ନିହାର ପଟ୍ଟନାୟକ ନିର୍ବାଚିତ ହୋଇଥିବା ବେଳେ ସୁବାସ ସେନାପତି ଉପ ସଭାପତି ଭାବେ ନିର୍ବାଚିତ ହୋଇଛନ୍ତି । ସେହିପରି ମନୋରଞ୍ଜନ ରାଉତରାୟ ସମ୍ପାଦକ ଭାବେ ନିର୍ବାଚିତ ହୋଇଛନ୍ତି ।
କୋରାପୁଟ ଜିଲ୍ଲାର ବାର ଆସୋସିଏସନର ସଭାପତି ଭାବେ ନିର୍ବାଚିତ ହେବା ପରେ ନିହାର ପଟ୍ଟନାୟକ ନିଜର ମତବ୍ୟକ୍ତ କରିଛନ୍ତି । ସମସ୍ତ ଆଇନଜୀବୀଙ୍କ ପାଇଁ କାର୍ଯ୍ୟକ୍ଷେତ୍ରରେ ଏକ ସୌହାର୍ଯ୍ୟପୂର୍ଣ୍ଣ ପରିବେଶ ସୃଷ୍ଟି କରିବା ପାଇଁ ଆସୋସିଏସନ୍ କାମ କରିବ ବୋଲି ସେ କହିଛନ୍ତି । ଆଇନଜୀବୀଙ୍କ କାର୍ଯ୍ୟରେ ଗୁଣାତ୍ମକ ମାନ ବୃଦ୍ଧି ଦିଗରେ ସମସ୍ତ ପ୍ରୟାସ କରାଯିବ ବୋଲି ସମ୍ପାଦକ ମନୋରଞ୍ଜନ ରାଉତରାୟ ଜଣାଇଛନ୍ତି ।