ଖୋର୍ଦ୍ଧା: ଲୁଟେରାଙ୍କ ଲୁଟ ଉଦ୍ୟମ ପଣ୍ଡ କଲେ ସ୍ଥାନୀୟଲୋକେ । ଚତୁରତାର ସହ ଜଣେ ଲୁଟେରାକୁ କାବୁ କରି ପୋଲିସ ଜିମାରେ ଦେଇଛନ୍ତି ସେମାନେ । ଖୋର୍ଦ୍ଧା ଜିଲ୍ଲା ବୋଲଗଡ ଥାନା ଅନ୍ତର୍ଗତ ବିଜୁପୁର ଟୋଲଗେଟ୍ ନିକଟରେ ଦେଖିବାକୁ ମିଳିଛି ଏଭଳି ଘଟଣା ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ସୂଚନା ମୁତାବକ, ବୋଲଗଡ ଥାନା ଅନ୍ତର୍ଗତ ବିଜୁପୁର ଟୋଲଗେଟ୍ ନିକଟରେ ଜଣେ ମହିଳାଙ୍କଠାରୁ ସୁନା ଚେନ ଏବଂ 3 ହଜାର ଟଙ୍କା ଝାମ୍ପି ନେଇ ପଳାଉଥିଲେ ଦୁଇ ଲୁଟେରା । ଏହା ଦେଖି ସେମାନଙ୍କ ପଚରେ ଗୋଡାଇଥିଲେ ସ୍ଥାନୀୟଲୋକ । ଭୟରେ ଉଭୟ ଲୁଟେରା ବୋଲଗଡ ଓଭରବ୍ରିଜ୍ ନିକଟରେ ଗାଡି ଛାଡି ପଳାଇବାକୁ ଉଦ୍ୟମ କରିଥିଲେ । ତେବେ ଏହି ସମୟରେ ଜଣକୁ କାବୁ କରି ପୋଲିସ ଜିମାରେ ଦେଇଥିଲେ। ସେପଟେ ଅନ୍ୟ ଜଣେ ଲୁଟେରା ଘଟଣାସ୍ଥଳରୁ ଚମ୍ପଟ ମାରିଥିବା ଜଣାପଡ଼ିଛି।