ଭୁବନେଶ୍ବର: ରାଜଧାନୀ ରାସ୍ତାରେ ବିଶାଳ ସମାବେଶ କରି ଦାବି ପୂରଣ ପାଇଁ ଅଡି ବସିଥିଲେ ଆଶାକର୍ମୀ । ମହରଗ ଦୁନିଆରେ କେଇଟା ପାଉଣା ଟଙ୍କା ଅଣ୍ଟୁନାହିଁ । ପରିବାର ଚଳାଇବା ମୁସ୍କିଲ୍ ହେଉଛି । ପ୍ରୋତ୍ସାହନ ରାଶି ନୁହେଁ ମାସିକିଆ ହିସାବରେ ଦରମା ଦେବାକୁ ଦାବି କରିଥିଲେ ଆଶାକର୍ମୀ । ସ୍ଥାୟୀ ନିଯୁକ୍ତି ଦେବାକୁ ଆଶାକର୍ମୀ ବିଧାନସଭା ସାମ୍ନାରେ ବିକ୍ଷୋଭ ପ୍ରଦର୍ଶନ କରିଥିଲେ । ହଜାର ହଜାର ସଂଖ୍ୟାରେ ଆଶାକର୍ମୀ ଢେର ସମୟ ଗର୍ଜନ କରିଥିଲେ । ପରେ ସଂଘର ପ୍ରତିନିଧି ଦଳ ସ୍ବାସ୍ଥ୍ୟ ସଚିବ ଶାଳିନୀ ପଣ୍ଡିତଙ୍କ ସହ ଆଲୋଚନା କରିଥିଲେ । ସ୍ବାସ୍ଥ୍ୟ ସଚିବଙ୍କ ପ୍ରତିଶ୍ରୁତି ପରେ ଆନ୍ଦୋଳନରୁ ଓହରିଛନ୍ତି ଆଶାକର୍ମୀ ।
ଦୀର୍ଘ ଘଣ୍ଟା ଧରି ଗର୍ଜନ । ଡହ ଡହ ଖରାରେ ଦାବି ପୂରଣ ନେଇ ଅଡ଼ି ବସିଥିବା ଆଶାକର୍ମୀ ଆନ୍ଦୋଳନ ପ୍ରତ୍ୟାହୃତ ହୋଇଛି । ସାଧାରଣ ସମ୍ପାଦକ ବିଷ୍ଣୁ ମହାନ୍ତିଙ୍କ ନେତୃତ୍ବରେ ଏକ ୯ ଜଣିଆ ପ୍ରତିନିଧ୍ଵ ମଣ୍ଡଳୀ ସ୍ବାସ୍ଥ୍ୟ ସଚୀବ ଶାଳିନୀ ପଣ୍ଡିତଙ୍କୁ ଭେଟି ଆଲୋଚନା କରିଥିଲେ । ଆଶାକର୍ମୀଙ୍କ ସବୁ ସମସ୍ୟା ସ୍ବାସ୍ଥ୍ୟସଚିବ ଶୁଣିଲେ । ଆସନ୍ତା ଏକମାସ ମଧ୍ୟରେ ମାସିକ ପାଉଣା ଆଶାତୀତ ବୃଦ୍ଧି ସହ ଦାବି ଗୁଡ଼ିକ କିଛି ପରିମାଣରେ ପୂରଣ କରାଯିବ ବୋଲି ସଚିବ ଦୃଢ ପ୍ରତିଶ୍ରୁତି ଦେଇଛନ୍ତି । ଏହା ପରେ ଆନ୍ଦୋଳନ ପ୍ରତ୍ୟାହୃତ କରାଯାଇଛି ବୋଲି ସଂଘ ପକ୍ଷରୁ ସୂଚନା ମିଳିଛି । ସ୍ବାସ୍ଥ୍ୟ ସଚିବଙ୍କ ପ୍ରତିଶ୍ରୁତି ପରେ ଆଶାକର୍ମୀଙ୍କ ଆନ୍ଦୋଳନ ସ୍ଥଗିତ ହୋଇଛି । ସିଆଇଟିୟୁ ନେତୃତ୍ବରେ ‘ଓଡ଼ିଶା ଆଶାକର୍ମୀ ଆସୋସିଏସନ’ ତରଫରୁ ସୋମବାର ବିଧାନସଭା ସମ୍ମୁଖରେ ଆଶାକର୍ମୀଙ୍କ ଗଣ ବିକ୍ଷୋଭ ସଂଗଠିତ ହୋଇଥିଲା ।
ଏହା ବି ପଢନ୍ତୁ...ରାଜଧାନୀ ରାଜରାସ୍ତାରେ ଆଶାକର୍ମୀ, 17 ଦଫା ଦାବି ନେଇ ଆନ୍ଦୋଳନ