କେନ୍ଦୁଝର: କେନ୍ଦୁଝର ଜିଲ୍ଲା ତେଲକୋଇ ଥାନା ସିନ୍ଦୁରିଆରେ ଅଭାବନୀୟ ଘଟଣା । ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ପୋଲିସ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି । ସୂଚନା ଅନୁସାରେ, ସିନ୍ଦୁରିଆ ଗାଁର ବିନୋଦ ନାୟକ ସୁରଟରେ କାମ କରୁଥିଲେ ।
କରୋନା ଡରରେ ଯୁବକଙ୍କ ଆତ୍ମହତ୍ୟା ସନ୍ଦେହ ! ସାରା ଦେଶ ଲକ ଡାଉନ ହେବା ପୂର୍ବରୁ ବିନୋଦ 18 ତାରିଖରେ ଗାଁ କୁ ଫେରିଥିଲେ । ତେବେ ସେ ଘରକୁ ଆସିବା ପରେ ନିଜ ଘରେ ସଙ୍ଗରୋଧ ରହୁଥିଲେ । ସୋମବାର ଘରୁ ବାହାରକୁ ଯାଇ ଆତ୍ମହତ୍ୟା କରିଥିଲେ ବୋଲି ଅଭିଯୋଗ ହୋଇଛି । ତଦନ୍ତ ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ପୋଲିସ ସୂଚନା ଦେଇଛି।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
