କେନ୍ଦୁଝର: କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଅନ୍ତର୍ଗତ ବ୍ରାହ୍ମଣୀପାଳ ଭିଆଇପି ରାସ୍ତାର ଖଡ଼ିବାହାଳୀ ଗ୍ରାମ ନିକଟସ୍ଥ ଜଙ୍ଗଲରେ ଭାରସାମ୍ୟ ହରାଇ ଓଲଟିଲା ଟାଟା ମ୍ୟାଜିକ୍ । ଏହି ଦୁର୍ଘଟଣାରେ ୯ ଜଣ ଆହତ ଥିବାବେଳେ ଜଣେ ଗୁରୁତର ହୋଇଛି ।
ଖବର ଅନୁଯାୟୀ, ନଦିଆ ଜିଲ୍ଲା କାଳିଗଞ୍ଜ ଥାନା ଅଞ୍ଚଳରୁ ଏହି ବଙ୍ଗାଳୀ ମିସ୍ତ୍ରୀ ଦଳ ଗତ କିଛି ଦିନ ହେବ ଶଗଡପଟା ରେଲୱେ ଷ୍ଟେସନ ନିକଟରେ ରେଲୱେ କାର୍ଯ୍ୟ କରୁଥିଲେ । ଏଠାରୁ ଆଜି ଅପରାହ୍ନରେ ଏକ ଟାଟା ମ୍ୟାଜିକ୍ ଯୋଗୋ ଶଗଡପଟା ଠାରୁ ଏହି ଦଳ ଯାଜପୁର ଅଭିମୁଖେ ଯାଉଥିବାବେଳେ କୌଣସି କାରଣରୁ ରାସ୍ତା ଉପରେ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି । ସେଥିମଧ୍ୟରୁ ନଅ ଜଣ ସାମାନ୍ୟ ଆହତ ହୋଇଥିବାବେଳେ ଜାହିର ସେକ୍ ନାମକ ବ୍ୟକ୍ତି ଗୁରୁତର ଆହତ ହୋଇଥିଲେ ।