କେନ୍ଦ୍ରାପଡା: କେନ୍ଦ୍ରାପଡ଼ା ଜିଲ୍ଲାପାଳଙ୍କ ଉପରେ ଖପ୍ପା ହେଲେ ଏନଜିଟି(NGT)। NGTଙ୍କ ଆଦେଶକୁ ହୁଏତ କେନ୍ଦ୍ରାପଡ଼ା ଜିଲ୍ଲାପାଳ ବୁଝିନାହାନ୍ତି କିମ୍ବା ଏହାକୁ ଏଡ଼ାଇବା ପାଇଁ ଦୁଇଦୁଇଟି ସତ୍ୟପାଠ ଦାଖଲ କରିଥିବା କହି କେନ୍ଦ୍ରାପଡ଼ା ଜିଲ୍ଲାପାଳଙ୍କୁ ଭର୍ତ୍ସନା କଲେ NGT । ସୂଚନା ଅନୁଯାୟୀ, ପାରାଦ୍ୱୀପ -ହରିଦାସପୁର ରେଳପଥ କାମରେ ବେଆଇନ ଭାବେ ହଜାରହଜାର କୋଟି ଟଙ୍କାର ଲଘୁ ଓ ଖଣିଜ ଦ୍ରବ୍ୟ ବେଆଇନ ଭାବେ ଉତ୍ତୋଳନ ହୋଇଥିଲା । ଏହାକୁ RVNL(ରେଲୱେ ବିକାଶ ନିଗମ ଲିଃ)କମ୍ପାନୀ କର୍ତ୍ତୃପକ୍ଷ କାମ କରି ରାଜ୍ୟ ସରକାରଙ୍କ ଶହଶହ କୋଟି ରାଜସ୍ୱ ହାନି ହେବା ସହ ପରିବେଶ ନଷ୍ଟ ହେବା ଓ ଅନେକ ସମସ୍ୟା ସୃଷ୍ଟି ହେଲା । ଯାହାକୁ ନେଇ ସମାଜିକ କର୍ମୀ ଶଶୀଭୂଷଣ ପଟ୍ଟନାୟକ, ପ୍ରତାପ ମହାନ୍ତି, ଅଶେଷ ଖଟୁଆ ଓ ଆଳୟ ସାମନ୍ତରାୟ ସୂଚନା ଅଧିକାର ଆଇନରେ ମିଳିଥିବା ତଥ୍ୟକୁ ଆଧାର କରି National Green Tribunal(NGT)ଙ୍କ ନିକଟରେ ମାମଲା ରୁଜୁ କରିଥିଲେ ।
NGT case no-55/2018/EZ ରେ ମାମଲାକୁ ପଞ୍ଜିକୃତ କରାଇ ଶୁଣାଣି ଆରମ୍ଭ କରିଥିଲେ । ଗତ ୧୮ ନଭେମ୍ବର ୨୦୨୧ରେ ଉକ୍ତ କେସ୍ର ଶୁଣାଣି କରି ଜରିମାନା ଆଦାୟ କରିଥିଲେ । ଏଥିସହ ଜିଲ୍ଲାପାଳ କେନ୍ଦ୍ରାପଡା ଜିଲ୍ଲାରେ ଲଘୁ ଓ ଖଣିଜ ଦ୍ରବ୍ୟ ଚୋରି ରୋକିବା ପାଇଁ Satellite Monitoring Survillence Measure ନେବା ସହ ଗୁରୁତ୍ୱ ପୂର୍ଣ୍ଣ ସ୍ଥାନ ମାନଙ୍କରେ CCTV ଲଗାଇ ଲୁଟ ରୋକିବା ପାଇଁ ନିର୍ଦ୍ଦେଶ ଦେଇଥିଲା NGT । ଉକ୍ତ କେସ ଉପରେ ଜିଲ୍ଲାପାଳ ଗତ ୨୦୨୨ ସେପ୍ଟେମ୍ବର ୨୨ ଓ ଚଳିତମାସ ୬ ତାରିଖରେ ଦୁଇଟି ସତ୍ୟପାଠ NGT ନିକଟରେ ଦାଖଲ କରିଥିଲେ ।