ଫୁଲବାଣୀ: କନ୍ଧମାଳ ଜିଲ୍ଲାରେ ଜଣେ ନକଲି ସିଆରପିଏଫ ଅଫିସରକୁ ଗିରଫ କଲା କ.ନୂଆଗାଁ ପୋଲିସ । ଫିରିଙ୍ଗିଆ ଥାନା ଅଞ୍ଚଳର ଦୁଃଖୀଶ୍ୟାମ ଦିଗାଲ ଦୀର୍ଘ ଦିନ ହେବ ସିଆରପିଏଫ ଅଫିସର ପରିଚୟ ଦେଇ ଲୋକଙ୍କୁ ଭୟଭିତ କରୁଥିଲା ।
ଧରାପଡ଼ିଲା ନକଲି ସିଆରପିଏଫ ପୋଲିସ, ଭୟ ଦେଖାଇ କରୁଥିଲା ଲୁଟ
ସୂଚନା ଅନୁଯାୟୀ କିଛି ଦିନ ତଳେ କ.ନୂଆଗାଁ ଅଞ୍ଚଳର ଜଣେ ଦିବ୍ୟାଙ୍ଗ ନାବାଳିକାକୁ ଅପହରଣ କରିଥିଲା ଅଭିଯୁକ୍ତ । ଏଥିସହ ଅଫିସର କହି ଗୋଛାପଡା ଓ ସାଇନପଡା ଅଞ୍ଚଳରୁ ଦୁଇ ବାଇକ ଚାଳକଙ୍କୁ ଭୟ ଦେଖାଇ ଦୁଇଟି ବାଇକ ଲୁଟି ନେଇଥିଲା । ନାବାଳିକା ଅପହରଣ ଓ ବାଇକ ଲୁଟ ନେଇ ଥାନାରେ ଅଭିଯୋଗ ପରେ ତଦନ୍ତ କରି ନକଲି ଅଫିସର ଦୁଃଖୀଶ୍ୟାମକୁ ଗିରଫ କରିଛି ପୋଲିସ । ଏହାସହ ତାଠାରୁ ଦୁଇଟି ବାଇକ, ନକଲି ସିଆରପିଏଫ ପୋଷାକ, ଗୋଟିଏ ମୋବାଇଲ ଫୋନ, ସିମ କାର୍ଡ, ଏଟିଏମ କାର୍ଡ ଜବତ କରିଛି ।