ଫୁଲବାଣୀ: କନ୍ଧମାଳ ଜିଲ୍ଲା ତୁମୁଡ଼ିବନ୍ଧର ଶିର୍ଲା ଜଙ୍ଗଲ ନିକଟରେ ମାଓବାଦୀଙ୍କ ସହ ହୋଇଥିବା ଗୁଳି ବିନିମୟ ଘଟଣାରେ ପୋଲିସକୁ ମିଳିଛି ବଡ ସଫଳତା । ତେବେ ମାଓ ଦମନ କ୍ଷେତ୍ରରେ ସଫଳତା ହାସଲ ନେଇ ପୋଲିସଙ୍କୁ ପ୍ରସଂଶା କରିବା ସହ ସାବାସୀ ଦେଇଛନ୍ତି ଡିଜିପି ଅଭୟ ।
କନ୍ଧମାଳରେ ହୋଇଥିବା ଏନକାଉଣ୍ଟରରେ 4 ଜଣ ନକ୍ସଲ ନିହତ ହୋଇଛନ୍ତି । ମୃତ ମାଓବାଦୀଙ୍କ ମଧ୍ୟରେ ଜଣେ ଷ୍ଟେଟ କମିଟି ମେମ୍ବର ଥିବା ସୂଚନା ଦେଇଛନ୍ତି ଡିଜିପି । ଘଟଣାରେ ଦୁଇ ଜଣ ପୁରୁଷ ଓ ଦୁଇ ଜଣ ମହିଳା ମାଓ କ୍ୟାଡରଙ୍କ ମୃତ୍ୟୁ ହୋଇଛି । ତେବେ ଏଯାଏଁ ଏମାନଙ୍କ ପରିଚୟ ମିଳିନାହିଁ । ଫୁଲବାଣୀ ଜିଲ୍ଲା ପୋଲିସ କାର୍ଯ୍ୟାଳୟରେ ଅପରେସନରେ ସାମିଲ ଯବାନଙ୍କୁ ସାବାସୀ ଦେଇଥିଲେ ପୋଲିସ ମହାନିର୍ଦେଶକ ଅଭୟ । ହିଂସା ଛାଡି ବିକାଶର ମୁଖ୍ୟସ୍ରୋତରେ ସାମିଲ ହେବାକୁ ମାଓବାଦୀଙ୍କୁ ଆହ୍ବାନ ଦେଇଛନ୍ତି ଡିଜିପି ।