ସାଧାରଣ ନିର୍ବାଚନ ପରେ କଂଗ୍ରେସର ସମୀକ୍ଷା ବୈଠକ

ସାଧାରଣ ନିର୍ବାଚନ ପରେ କଂଗ୍ରେସର ସମୀକ୍ଷା ବୈଠକ । ଗତ ନିର୍ବାଚନରେ ଦଳର ଖରାପ ପ୍ରଦର୍ଶନ ନେଇ ବୈଠକରେ ଆଲୋଚନା ।

ଯାଜପୁର: ସାଧାରଣ ନିର୍ବାଚନ ପରେ କଂଗ୍ରେସର ସମୀକ୍ଷା ବୈଠକ । ଯାଜପୁର ଜିଲ୍ଲାକୁ ଏଆଇସିସି ସଂପାଦକ ତଥା ରାଜ୍ୟ ପ୍ରଭାରୀ ରୁଦ୍ର ରାଜୁ ଗସ୍ତ କରି ନିର୍ବାଚନ ଫଳାଫଳକୁ ନେଇ ସମୀକ୍ଷା କରିଛନ୍ତି। ସମୀକ୍ଷା ବୈଠକରେ ପୂର୍ବତନ ଜିଲ୍ଲା ସଭାପତି, ନିର୍ବାଚନର ବିଧାୟକ ପ୍ରାର୍ଥୀ, ପର୍ଯ୍ୟବେକ୍ଷକ ମାନେ ଯୋଗ ଦେଇଥିଲେ।

କ'ଣ ପାଇଁ ଗତ ନିର୍ବାଚନରେ ଦଳ ଏତେ ଖରାପ ପ୍ରଦର୍ଶନ କଲା, ବୈଠକରେ ସେନେଇ ମଧ୍ୟ ବିଭିନ୍ନ କଂଗ୍ରେସକର୍ମୀ ଓ ନେତାଙ୍କ ଠାରୁ ମତାମତ ଗ୍ରହଣ ହୋଇଛି । ବର୍ତ୍ତମାନ ପ୍ରତ୍ୟେକ କମିଟିକୁ ଭାଙ୍ଗି ଦିଆଯାଇଥିବା ବେଳେ ଆଗାମୀ ପୌର ନିର୍ବାଚନ ପୂର୍ବରୁ ପ୍ରତ୍ୟେକ କମିଟିକୁ ଗଠନ କରାଯିବ ଓ ଦଳକୁ ତୃଣମୂଳ ସ୍ତରରେ ମଜବୁତ କରାଯିବ ବୋଲି ରାଜ୍ୟ ପ୍ରଭାରୀ କହିଥିଲେ।

ଅନ୍ୟପଟେ ବାରମ୍ବାର ରାଜ୍ୟ ଓ କେନ୍ଦ୍ର ପ୍ରତିନିଧି ମାନେ ଆସିଲେ କିଛି ଲାଭ ହେବ ନାହିଁ ବରଂ ତୁରନ୍ତ କମିଟି ଗଠନ କରି ସେମାନଙ୍କୁ ସକ୍ରିୟ କରାଗଲେ ଦଳ ପାଇଁ ଫାଇଦା ହେବ ବୋଲି ମଧ୍ୟ ମତ ପ୍ରକାଶ ପାଇଥିଲା । ସେହିପରି ଗତ ନିର୍ବାଚନରେ ଦଳ ବିରୋଧୀ କାର୍ଯ୍ୟକରିଥିବା କର୍ମୀ ମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଥିଲା ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ