ଯାଜପୁର:ଦିନକୁ ଦିନ ରାଜ୍ୟ କଂଗ୍ରେସରେ ଦଳୀୟ ବିଶୃଙ୍ଖଳା ବୃଦ୍ଧି ପାଇବାରେ ଲାଗିଛି । ସଂଗଠନ ଦାୟିତ୍ବରେ ଥିବା ନେତାଙ୍କ ଅପାରଗତା ଓ ଦଳୀୟ କନ୍ଦଳ ପାଇଁ ଅନେକ ନେତା ଓ କର୍ମୀ କଂଗ୍ରେସ ଦଳ ଛାଡୁଥିବା ଦେଖିବାକୁ ମିଳୁଛି। ଆଜି(ଗୁରବାର) ଯାଜପୁର ଜିଲ୍ଲା କୋରାଇ ନିର୍ବାଚନ ମଣ୍ଡଳୀ ଯୁବ କଂଗ୍ରେସ କମିଟିର ସଭାପତି ପ୍ରିୟବ୍ରତ ସାହୁଙ୍କ ସମେତ ସମସ୍ତ ସଦସ୍ୟ ଦଳରୁ ସାମୂହିକ ଇସ୍ତଫା ଦେଇଛନ୍ତି।
କଂଗ୍ରେସ ଛାଡ଼ିଲେ କୋରାଇ ନିର୍ବାଚନ ମଣ୍ଡଳୀର ଶତାଧିକ ନେତା ଓ କର୍ମୀ
ରାଜ୍ୟ ଯୁବ କଂଗ୍ରେସ ସଭାପତି ସ୍ମୃତିରଞ୍ଜନ ଲେଙ୍କାଙ୍କ ଅପାରଗତା ଓ ଦଳୀୟ ଅବହେଳାକୁ ଦର୍ଶାଇ ସମସ୍ତେ ଦଳ ଛାଡିଥିବା ସୂଚନା ଦେଇଛନ୍ତି। ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଯୁବ କଂଗ୍ରେସ କମିଟିକୁ ଅଣଦେଖା କରାଯାଇଛି ।