ପାରାଦୀପ: ଜିଲ୍ଲାର ପାରାଦ୍ବୀପ କଲେଜରେ ଦେଖାଦେଇଛି ଛାତ୍ର ଅଶାନ୍ତି । ଆଗକୁ ଥିବା ସେମିଷ୍ଟାର ପରୀକ୍ଷାକୁ ଅଫଲାଇନ ପରିବର୍ତ୍ତେ ଅନଲାଇନ ମାଧ୍ୟମରେ କରିବାକୁ ଛାତ୍ରଛାତ୍ରୀ ଦାବି କରିବା ସହିତ କଲେଜ ଫାଟକ ବନ୍ଦ କରି ଧାରଣା ଦେଇଥିଲେ ।
ପାରାଦ୍ବୀପ କଲେଜରେ ପରୀକ୍ଷାକୁ ନେଇ ଛାତ୍ର ଅଶାନ୍ତି
ପାରାଦ୍ବୀପ କଲେଜର +3 ଛାତ୍ରଛାତ୍ରୀଙ୍କ 3ୟ ସେମିଷ୍ଟାର ପରୀକ୍ଷା ଅଫଲାଇନ ମାଧ୍ୟମରେ କରାଯିବ । ତେବେ ରାଜ୍ୟରେ କୋରୋନା ସଂକ୍ରମଣ ବୃଦ୍ଧି ପାଉଥିବାରୁ ଏହି ପରୀକ୍ଷାକୁ ଅଫଲାଇନ ପରିବର୍ତ୍ତେ ଅନଲାଇନ କରିବାକୁ ଛାତ୍ରଛାତ୍ରୀମାନେ ଦାବି କରିଛନ୍ତି । ପାରାଦ୍ୱୀପ କଲେଜର ପାଖାପାଖି 40 ରୁ 50 ଜଣ ଛାତ୍ରଛାତ୍ରୀ କଲେଜ ଫାଟକ ବନ୍ଦ କରିବା ସହିତ ନାରାବାଜି ଦେଇଥିବା ଦେଖିବାକୁ ମିଳିଛି ।