ବ୍ରହ୍ମପୁର: ଏସଡିଜେଏମ କୋର୍ଟ ପରିସରରେ ମହିଳାଙ୍କ ଆତ୍ମହତ୍ୟା ଉଦ୍ୟମ । ନିଜ ଦେହରେ ପେଟ୍ରୋଲ ଢାଳି ଆତ୍ମହତ୍ୟା ଉଦ୍ୟମ କରିଛନ୍ତି ଜଣେ ମହିଳା । ଏହା ଦେଖି ଉପସ୍ଥିତ ପୋଲିସ କର୍ମଚାରୀ ଉକ୍ତ ମହିଳାଙ୍କୁ ଉଦ୍ଧାର କରିଛନ୍ତି । ଉଦ୍ଧାର ମହିଳା ଜଣଙ୍କ ୩୦ ବର୍ଷୀୟା ଝରଣା ସ୍ବାଇଁ ବୋଲି ଜଣାପଡ଼ିଛି ।
କୋର୍ଟ ପରିସରରେ ମହିଳାଙ୍କ ଆତ୍ମହତ୍ୟା ଉଦ୍ୟମ, ଉଦ୍ଧାର କଲେ ଉପସ୍ଥିତ ପୋଲିସ କର୍ମଚାରୀ
ସୂଚନା ଅନୁସାରେ ଜଣେ ମହିଳା ହଠାତ କୋର୍ଟ ପରିସରକୁ ଆସି ଏକ ବୋତଲରେ ଆଣିଥିବା ପେଟ୍ରୋଲ ଢାଳି ନିଜ ଦେହରେ ନିଆଁ ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ । କୋର୍ଟରେ ରହିଥିବା ପୋଲିସ କର୍ମଚାରୀ ଏହା ଦେଖିବା ପରେ ମହିଳାଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ । ଉଦ୍ଧାର ହୋଇଥିବା ମହିଳାଙ୍କୁ ବୈଦ୍ୟନାଥପୁର ଥାନାରେ ରଖାଯାଇଛି । ସେ ବର୍ତ୍ତମାନ ସହରର ଗୋଷାଣି ନୂଆଗାଁ ଅଞ୍ଚଳରେ ରହୁଥିବାବେଳେ ମହିଳା ଜଣଙ୍କ କୋର୍ଟରେ କୈାଣସି ତାରିଖ ନଥିବା ସତ୍ତ୍ୱେ ସେ ନିଜେ ଆସି ଏପରି କରିଥିବା ଜଣାପଡ଼ିଛି ।